الموضوع: امتحان السيراتو - عتريس واضع الاسئلة :)))))))))))))

صباحكم فل يا رجالة السيراتو الغاليين

رغم انكم وحشتوني لكن ايلينور كانت بتفكرني بيكم جدا في مارينا ( ايلينور اسم السنيورة عشان نفس لون الموستانج بتاعت حاج نيكوليس كيج :)

طبعا كلكم عارفين اني بعد صيانه ال 10000 في ابو رواش كان لازم اختبر العربية تاني بعد اول عقد من عمرها معايا :) - وكان الاختبار شاق جدا من وجهى نظري لاني كنت ناويلها علي نيه :)


الوجهة : بورتو مارينا
الزمان : الاربعاء
الحمولة : 5 افراد متوسط الوزن 80 كجم + الامتعة
الطريق - كلكم عارفينة :)
الخطة : اجهاد السيراتو بتمارين شاقة اولها الحمولة
النتيجة : :))))))) انظر اسفل


بعد ماتم تحميل السيراتو بالحمولة كاملة - اتكلنا علي الله الساعة 1 ظهرا ( عز الحر في الطريق )
ودة لاني كنت متاخر وكمان جت مصلحة عشان نشوف كفاءة التكيف

عموما انا كان عندي مشكلة في استهلاك البنزين زيادة شوية وطلبت من التوكيل يزبطها وتم بالفعل لكن علي حساب حاجة تانية حقولكم عليها


نهار خارجي - سيراتو ذهبي داخلة علي بوابات الكارتة وبها 5 افراد - الزجاج معتم بسبب ستائر السيارة - شاب يفتح الزجاج ويقطع تذكرة الطريق ( موظف البوابة - 5 جنية يا باشا وتوصل بالسلامة ) - قطع


الطريق الصحراوي بكثافة مرورية متوسطه - الشباب ملتزم بالسرعة المقررة رغم اعتراض الاصدقاء - متقرص ياعم والا العربية مش مساعداك - ترتفع ضحكات من السيراة يعلو بعدا صوت الكاسيت والمحرك يبداء في الزئير معترضا علي تهكم الشباب

تحليل مشهد :

السيارة كانت مثقلة فعلا والسحب ماكانش وحش لكن مش حلو برضو لكن لاحظت ان السيارة مبترضاش تعمل كيك داون لما اكبس - ودة متهيالي راجع لان الكمبيوتر فعلا ذكي جدا في حساب السحب والوزن والسرعة


التكيف فعلا جيد جدا - كان 20 ورفعتة ال 23 لما اناس اللي ورا نشفو من البرد
التنطيط اللي الناس قالت علية في المنبة اللي ورا لم يلاحظو الشباب خااااااالص وكانو مرتاحين جدا في القاعدة ( غريبة دي )

الثبات حدث ولا حرج - ممتااااااااااااااااز ممكن عشان العربية محملة لكن لما كنت بعدي جنب لوري كانت العربية لزم ترقصلها رقصة خفيفه كدة - لكن بتلم بسرع جدا وترجع لحالة الثبات المطلق

السرعة القصوي بالحمولة كانت 170 كم ومجربتش اكتر من كدة لان نقر الطريق علي وادي النطرون في الحارة الشمال فكرتني بحادثة غازي فقلقت وكنت بناور وافاديها علي 140 وكلو تمام بسم الله ماشاء الله

الموتور صوتو بيعلي بعد ال 140 كم فعلا لكن مش مزعج
التسارع من 140 ل 160 جيد جدا مش عارف ازاي رغم اللي حقولة بعد كدة
التالت جاب معايا 140 والله تصدقو !!!!!!!!!!!!!!!!!!!! رغم الحمولة
عشان مطولش عليكم وصلنا وانا عاندي احساس ان العربية سحباها مش هوه برضوا بس قولت يمكن عشان الحمولة

فرغنا العربية وقولت اطلع بقي افرمها وهيا فاضية

المفاجئة : العربية سحباها والكيك داون مش عاجبني خالصصصصصصصصصصص - مش ايلينور خالص


بعدها بيوم روحت كيا مارينا 2 قولت احكيلهم - الناس زي الفل - وغيروري البوجيهات وجربنا - برضو السحب مش هوه

قولت بس لما ارجع اروح ابو رواش عشان موضوع السحب الغريب دة - ازاي وهيا محملة بتسحب احسن ؟؟؟؟؟؟؟؟؟؟؟؟؟؟؟؟ مع الفارق طبعا نسبة وتناسب


المهم :

توكيل كيا مارينا قالي ان صوت الصفارة ( فاكرينو ؟؟؟ ) ده بسبب حاجة اسمها سوسته شكمان وضغط عليها اختفت :) - طبعا روحت التوكيل انهاردة قالولي مش عندنا وعملنا اوردر باسمك عشان نغيرها في الضمان فري يا باشا

واخيرا - قولتلهم علي السحب قالي يا باشا العربية دي مبيتلعبش فيها خالص - هيا بتتحط علي الكمبيوتر وليها ظبطة واحدة مالهاش تاني بس حنشوف فيها اية


خرجت العربية من التوكيل ايلينور تاني ما شاء الله رجعت بسحبها الاصلي تاني وهاتك يا فرك بقي - ههههههههههه

الخلاصة في التقيم

التسارع مع الحمولة : ممتاز
الثبات : ممتاز
العزل : جيد
الراحة : جيد جدا :( انا جنط 17 )
استهلاك البنزين : جيد جدا ( تلت الخزان او اكتر سنة رايح بس )
التكيف : جيد جدا
المناورة : ممتاااااااااااااازة مع الثبات
الشباب : دمهم اتحرق - ههههههههه اصلهم من اعداء السيراتو وكانو بيقولولي من امتي بتركب كوري - ههههههه

وشكرا ليكم

التتر - مشهد فيد اوتFade Out للسيراتو بتبتعد عن الكادر مع عفرة رمل بعد البوابات مع ملامح شاب في منتصف الثلاثينات من العمر مبتسم ابتسامة خفيفة