الموضوع: العربية مش بتدور بسرعة

اسمع صوت الطرمبه و شم لو في ريحة بنزين نيئ ممكن تكون طرمبة البنزين علي فكره

المشاركة الأصلية كتبت بواسطة magareh

السلام عليكم
اسئلة مهمة
هو المارش بيعتل معاك يعني بتحس ان سرعه دورانه بطيئه ولا لا؟
وهل انت بتعمل حاجه علشان العربية تدور ولا لا يعني بتحرك الكابلات او بتستني شويه وبعدين تدور تاني ولا هي بتدور لوحدها ولا ايه بالضبط علشان نقدر نحدد المشكله
انا عن نفسي لما البطارية باظت كانت اوقات تدور العربية واوقات تاني متقدرشي تدورها وتعمل تكة بس روحت للكهربائي وصل بطارية خارجة ودور دارت
قلت له لا فك البطارية بتاعت العربية وجرب علي البطارية الخارجية لوحدها وبرده دارت وجربت كذا مره لقيتها بتدور اتاكدت انه عيب بطارية غيرتها والحمد لله المشكلة انتهت
اما بالنسبه لموضوع ان الساعه والكاسيت بيطفوا لما تدور العربيه ده (تقريبا والله اعلم) لان الكمالياتبتاعة العربية بتشتغل لما يكون وضع مفتاح الكونتاكت علي on or acc انما مبيشتغلوش علي وضع الاشعال

اولا المارش مبيعتلش خالص
ثانيا لما العربيه بتعمل كده اما بفتح الكبوت واهز كابلات البطارية أو بحاول تانى ادور بدون هز للكابلات فتدور العربية.
ثالثا البطارية حالتها كويسة جدا بس اللى انا لاحظته ان القواشيط مش مربوطة باحكام وده اللى انا هاعمله النهاردة ان شاء الله