السلام عليكم يا جماعة الخير
يا ريت حد يفيدنى فى المشكلة الاتية :-
لما بدور العربية اول اليوم بتعمل صوت (تكه) ولاتدور وبالمحاوله مره ورا مره بتدور
فمتهيألى ده مش مشكلة بطارية . علما بأنها طول اليوم بتدور كويس
ارجو الافاده وجزاكم الله خيرا
عرض للطباعة
السلام عليكم يا جماعة الخير
يا ريت حد يفيدنى فى المشكلة الاتية :-
لما بدور العربية اول اليوم بتعمل صوت (تكه) ولاتدور وبالمحاوله مره ورا مره بتدور
فمتهيألى ده مش مشكلة بطارية . علما بأنها طول اليوم بتدور كويس
ارجو الافاده وجزاكم الله خيرا
اذهب للكهربائي وقوله شيكلي علي الاوتماتك بتاع المرش وجلب المارش والشربون
اي تشيك كامل علي المارش
ده غالبا عيب القواطيش او البطاريه نفسها
غالباً بطارية أو قواطيش إبدأ بفحصهم أولاً قبل أى شىء أخر و ذلك حصل لى عملياً مرتين المرة الأولى غيرت قواطيش و إتحلت المشكلة و فى المرة الثانية كانت البطارية و غيرتها
شكرا لردكم يا جماعة بس لو المشكلة فى البطارية مكنتش عملت اى صوت عند الدوارة
انا بسمع صوت (تكه) عند الدوارة
حضرتك التكه دي كانك مثلا جاي تشيل حاجه تقيله من على الارض , ولمجرد انك رفعتها 1 سم فوق الارض حسيت انك مش قادر تشيلها ف تروح سايبها تاني !! هي دي نفس الفكره
العربيه في بدايه الدواره بتسحب كل طاقه البطاريه عشان تشغل المارش وتقوم العربيه , وعشان كده لو حضرتك مشغل مثلا نور وتكييف وكاسيت واي حمل كهربي بتلاقي ساعه المارش كل ده بيطفي لغايه لما العربيه تدور وبعدها يرجعو يشتغل تاني عادي
يعني صوت التكه ده معناه ان الطاقه اللي جوا البطاريه مش كفايه عشان تدور المارش , وعشان كده لما حضرتك بتعمل بيها مشاوريك بتشحن وبتفضل لاخر اليوم شغاله تمام , ولما تتركن تبدأ المشكله من جديد
يارب اكون قدرت اوضح الفكره
السلام عليكم
اسئلة مهمة
هو المارش بيعتل معاك يعني بتحس ان سرعه دورانه بطيئه ولا لا؟
وهل انت بتعمل حاجه علشان العربية تدور ولا لا يعني بتحرك الكابلات او بتستني شويه وبعدين تدور تاني ولا هي بتدور لوحدها ولا ايه بالضبط علشان نقدر نحدد المشكله
انا عن نفسي لما البطارية باظت كانت اوقات تدور العربية واوقات تاني متقدرشي تدورها وتعمل تكة بس روحت للكهربائي وصل بطارية خارجة ودور دارت
قلت له لا فك البطارية بتاعت العربية وجرب علي البطارية الخارجية لوحدها وبرده دارت وجربت كذا مره لقيتها بتدور اتاكدت انه عيب بطارية غيرتها والحمد لله المشكلة انتهت
اما بالنسبه لموضوع ان الساعه والكاسيت بيطفوا لما تدور العربيه ده (تقريبا والله اعلم) لان الكمالياتبتاعة العربية بتشتغل لما يكون وضع مفتاح الكونتاكت علي ON or ACC انما مبيشتغلوش علي وضع الاشعال
دى مشكلة بطاربة البطارية يااستاذ عاوزة تتغير لسة حاصلة معايا من اسبوع كل اما اشغلها اسمع صوت التكة دى وبعد اما غيرتلها البطارية شغالة تمام متتعبش نفسك كل اما هتروح عند الكهربائى يقلك اوتوماتيك مارش والاشتغالات دى هى عيب بطارية غيرها وريح دماعك زى اما عملت اسال مجرب