عرض للطباعة
السلام عليكم أولا
عندي سؤال لأهل الخبرة
لما جيت أشتري سيراتو 2010 اتقاللي هات خليجي عشان أربع أسباب رئيسية:
1) دورة التبريد معموله عشان تتحمل درجات حرارة لحد 60 درجه مئوي ( الوكيل لأ)
2) التكييف مصمم للخدمه بكفاءة لحد نفس درجة الحرارة
3) مادة اللون الخارجي مابتتأثرش بالشمس لأنها معموله للخليج.
4) العفشة أشد عشان الخليج.
طبعا ده بخلاف كمية الكماليات الكتير في الخليجي وسعرها الأقل.
السؤال بقى : هل الأربع حاجات دول حقيقي فعلا ولا كلام بياعين؟
والله يا باشا الحاجات دى مش ملموسة بمعنى انه مثلا مش زى مرايات التعتيم واللايت سيستم و esp كل ده ممكن تشوفو بعنيك انما الفروق اللى انت زكرتها صعب تاكيده وياريت حد من الاخوة الكرام يفيدنا
والله يا باشا عشان كده بسأل لأن الكلام ده أصبح لبانه في بق البياعين بس هل ده حقيقي ولا ايه؟اقتباس:
المشاركة الأصلية كتبت بواسطة hosamenter
كلام بياعين يا باشااقتباس:
المشاركة الأصلية كتبت بواسطة baher79
وهما بالمناسبة بيقولوا التكييف والدهان بس
انما موضوع العفشة اللي بيقولوه بياعين الوكيل ...علشان شوارع مصر مدغدغة العفشة أقوي :))))
قد يكون التكيف والدهان و ممكن كمان الزجاج مظلل غير كدا لا
+ مكن كمان تصفيح من اسفل
هما هيخترعوا عفشه عشان الخليج
كنا أتناقشنا فى الموضوع دا وفى الاخر أستقرينا أن مفيش أى فرق
ومتخدش معلومه من بياع فعلا
السلام عليكم ،،،
احب ابدا مشركتي بسؤال ؟
هو المصنع في كوريا و خط الانتاج شغال ,,, هيقول ،، خلي بالكو العربيات اللي طالعة بتاعت السعودية و اللي بعدها بتاعت مصر اما المجموعة اللي جاية بتاعت السوريا و الكويت .... لــــــــــــــــا طبعا
يا جماعة نفكر بعقلنا ، الحاجات الاساسية زي تكييف و لا عفشة و لون إستحالة تكون متغيرة من وكيل و لا خليجي ده كله كلام مش مظبوط ,,,,
ولكن ممكن الخليجي يفرق في اكسسوارات تتركب ، زي سنسور باركنج - فوجات - كاميرا خلفية - جنوط سبور ....
لكن بقول تاني و صدقوني كله كلام في الهوا و ليه ابن خاله شغالة في فولكس فاجن مصر و بيأكد برده نفس فكرتي بزات في سيارات الجيتا كانو كل الناس بتقول الخليجي اشد في الموتور و التكييف و ده كله طلع احلام فقط الزيادة في بلوتوث - و جنوط و سنسور الباركنج علاشان الوكيل لو نزل الفئة ده بيدفع جمارك اكثر عليها علاشان ده بيسنوها رفاهيات في السيارة .
انا اسف علي الإطالة بس عايز اسمع ارائكم في كلامي و لو حد معايا و لا ضدي .
و شكرا لكم جميعا ...
كلام زي الفلاقتباس:
المشاركة الأصلية كتبت بواسطة romioramy
ممكن تستعمل موقع www.kia-hotline.com
سنلاحظ ان الفرق فى الكماليات فقط
انا معايا خليجى 2010