السلام عليكم ورحمة الله وبركاته
أولا:-
الكاسيت السى دى وده اهم حاجة فى السيستم كله لانه هيتبنى عليه كل حاجة
وده هيكون بيونير اللى فى شفاط للسى دى بدون غطاء متحرك
نصيحة استعمل اسطوانات اوديو وتكون مادة نضيفة زى ال benq
السونى جميل وبيعمل نفس صوت البيونير لكن بيجيب عدسه مع كثرة الاستخدام
ثانيا:-
السماعات
بيونير لو عايز صوت عالى وBass حلو
سونى لو عايز نقاء صوت
كينوود لو بتحب ال Bass الجامد (فى حالة لو مش هتركب صب)
الصب يكون فى بوكس فى الشنطة ويركب عليه جى ام منفصل - او بازوكا jbl
ثالثا:-
ال GM ، وده اقترح انو يكون symphony ومحدش يزعل ويقولى تعبان - كل الجى امات بتضخم بس يتركب ويتظبط صح
رابعا:-
الشماسات او التويترات ودى بقى وظيفتها انها بترمى صوت لبعيد وبتجسم
خامسا:-
سلوك الكهرباء للجى ام تكون 3 ميللى بفيوز
السلوك او الوايرات تكون حاجة محترمة rca gold plated ودى اللى بتتوصل من الجى ام للكاسيت
وسلوك السماعات تكون 1 ميللى لضمان كفاءة التوصيل وكل سماعة بسلك منفصل
سادسا:-
يتم ضبط الجى ام على low pass فى حالة توصيله على الصب
اما السماعات فيتم ضبط الجى ام على Full pass
الشماسات لو هتتوصل على الجى ام تضبط على hi pass
وبكده يكون عندك سيستم صوت محترم
وأى سؤال انا فى الخدمة