الموضوع: كبوت استيراد لدايو لانوس

المشاركة الأصلية كتبت بواسطة ashebl

حد يعرف ثمن الكبوت الاستيراد كام؟
وهل بالفعل أغلى من الجديد لأن كثير من الأخوة بيقول أن الاستيراد بيبقى فيه فلتو
أما الجديد ليس فيه الفلتو والخامات أقل؟
الموضوع ده لأن لدي خبطة صغيرة في مقدمة الكبوت بسبب أحد الموتوسيكلات وربنا سترها والخبطة تحتها عضم يعني لازم تسخين والتكلفة 250 إلى 300 جنية سمكرة ودهان.

علي ما اتذكر في حدود من 600 : 850 جنيه... وكثير اشادوا بالاستيراد عن الجديد...

فعلا بتكون في حدود 600 جنيه , بس مش عارف بالعازل الداخلي ولا لا

واتوقع انك كمان هتلاقي كبوت بنفس لون عربيتك ان شاء الله , وكده هتكون وفرت تمن الدهان كمان

معقول كبوت اللانوس الاستيراد بقه اغلى من كبوت النوبيرا ؟؟؟؟ ولا الاتنين سعرهم زاد مؤخرا ؟؟؟؟

لان كبوت النوبيرا من سنه او سنه ونص كان عامل 650 جنيه بالظبط , بس بصراحه مش متاكد اذا كان جديد ولا استيراد

انا شارى واحد لنفس السبب الى عندك
من حوالى 9 شهور ب 800 ج و مفهوش خدش و بنفس لون العربية و مش راشش
و ركب على طول من غير اى حاجه و فعلا كان احسن متجيب جديد و ترش و فلاتو ووووو

أنا بالفعل لقيت واحد استيراد كامل بالشبكة الأمامية والعازل اللباد وخراطيم الرشاشات ب 800 جنيةو لون العربية لكن 1000 جنيه كتير على خبطه صغيرة في الكبوت لأني ححتاج لرش الأكصدام لأنه اتجرح شويتين من الخبطة تحت الشبكة.
بافكرأعالج الموضوع ب 300جنية لكن السؤال هل رش الكبوت يعيب العربية.
وكل كام شهر على الوضع ده أروح أشتري كبوت وخلافه أحتاج رأي الناس في الموضوع.