ارجو النصيحة من اهل الخبرة ضروري

**dodlyboy** · 01-08-2010 06:42 PM

انا قدامي عربية فورد موستانج موديل 81 سيدان 2300 سي سي كاربيراتير و عربية دواخل فابريكة و كاملة اوتوماتيك و صاحبها بيقولي العربية مفهاش كلمة و مش عايزة مصروف خالص.... انا عايز اعرف اي حد يعرف العربية دي و اسعار قطع غيارها و متوافرة ولا ايه ياريت الرد ضروري عشان عايز ارد عليه و انا عاجبني شكلها اوي اوي بس مقلق من قطع غيارها .....

**dodlyboy** · 01-08-2010 09:07 PM

الناس نايمة اوي هنا ليه كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟

**aYaBooY** · 01-08-2010 10:39 PM

معلش كنت لسة بغسل وشي ههههههه
العربية ديه معدودة و اكيد قطع غيارها هاتبقي متعبة علشان بالعدد
طبعا انا متخيل شكل العربية و قوتها
بس تفتكر عربية من سنة 81 يعني بقالها حوالي 30 سنة هاتكون مش محتاجة مصروووف ديه العربية بعد 5 سنين بتكون عاوزة مصروف

**dodlyboy** · 02-08-2010 06:33 AM

الف شكر يا باشا على ردك و اهتمامك.... بص يا سيدي صاحبها طبعا بيقولي الكلام دة و اكيد محدش بيشتري سمك في مية.... انا كدة كدة هروح اشوفها و اكشف عليها بس نفترض انها فعلا سليمة دواخل و مكنة و كل حاجة... انا متردد اوي اوي اشتريها عشان قطع الغيار... اجيبها منين و هل هلاقي ليها اي حاجة ولا لا و انا من اسكندرية.... صاحبها بيقولي في القاهرة و دمنهور الناس بتوعها و كدة.... فياريت لو حد عنده نمرة اي حد بتاع قطع غيار فورد يقولي اكلمه و اسأله و كدة...شكرا

**dodlyboy** · 02-08-2010 06:35 AM

و على فكرة بصراحة يعني انا معايا 15 الف اصرف عليها و ازبطها بس الفكرة مش عايزة مصروف ولا لا.... الفكرة لو لا قدر الله عملت حادثة او حبيت اغير حاجة فيها او صيانة و كدة... هلاقي ليها ولا لا و فين فهمتني يا باشا ؟؟

**aYaBooY** · 05-08-2010 01:57 AM

يا حبيبي العربية ديه زيها زي الفورد بوما
مرة كنت عند قطب ( الميكانيكي الي بتعامل معاه ) تقريبا عدلي البومة و اسماء اصحابها
تفتكر لو عربية موجود منها في مصر 15 عربية و طبعا من سنة 80 اكيد اتكهن منها بتاع 5 يبقي باقي 10 تاجر اهبل مين الي هايجيب حاجات لعربية فيه منها في مصر 10 حتت
العربية انا عارف انها اقل ما يقال عنها عربية فاجرة بس لو فرضنا ان الكاربراتير حصل فيه مشكلة تفتكر لو فرضنا انك لقيت واحد استيراد عند حد هايبعهولك بكام ( حط نفسك مكان التاجر ) انا لو مكانة لازم اظبطك و البسك في حيطة كمان
ديه عربية يركبها صنيعي و يكون متخصص فورد علشان يكون عارف يوفق ليها حاجات من عربيات تانية او تقضيها خراطة ووجع قلب
و بعدين حرام عليك انك تصرف 15 الف على عربية بالكتير يوم ما تبيعها هاتجيب 20 الف

**wkisho2005** · 05-08-2010 03:26 AM

ياباشا ayabooy جاب الكلام من الاخر دا الواحد ساعات بيحتاس عشان قطعة غيار لفورد في اواخر التسعينات ومنتشرة الي حد ما اشتري فورد بردو بس عربية جديدة واشتري راحتك معاها

**dodlyboy** · 05-08-2010 12:35 PM

كلامك اقنعني اوي يا ayaboy و خلاص انا صرفت نظر فعلا عن العربية دي مع انها عاجباني بس مش طالبة وجع قلب على رأيك و الف شكر ليك يا برنس على رأيك الي افادني اوي و متشكر طبعا للاخ wkisho على مشاركتك.... طيب ايه رأيكو في عربية فورد كا ؟؟ الي هيا باب واحد و صغيرة كدة شفت واحدة عاجباني اوي موديل 2000 و متزبطة ماشاءلله اوي و صاحبها بيتكلم في 25 .... ولا فييستا احسن ؟؟

**aYaBooY** · 05-08-2010 07:54 PM

طيب يا معلم السؤال كا ولا فيستا اتكرر كتير قبل كدة دور في المنتدي و شوف الناس قالت ايه للقابلك
و حدد بس عن نفسي شايف ان الفيستا افضل علشان الحجم و فرق السعر عن الكا مش كبير

**aYaBooY** · 06-08-2010 10:57 AM

الموضوع: ارجو النصيحة من اهل الخبرة ضروري

LinkBack

أدوات الموضوع

عرض

-

-

-

-

-

المواضيع المتشابهه

ارجو النصيحة ضروري...معايا أكسنت 2010 وعايزأغيرها وأركب داياتسو تريوس2010!!!!

محتار بين التيدا و السول ارجو النصيحة و عمل مقارنة من ذوى الخبرة

ارجو المساعدة من المحترفين عاوز اظبط عربيتى وعاوز النصيحة من اهل الخبرة

ارجو النصيحة من اهل الخبرة

ارجو النصيحة من الناس الخبرة

الكلمات الدلالية لهذا الموضوع

المفضلات

المفضلات

ضوابط المشاركة