جواز عتريس من غير النيش باطل

**zkralla** · 01-08-2010 10:34 PM

المشاركة الأصلية كتبت بواسطة amatoallah

اتصدق بئي اني لما جيت اجهز كنت رافضه رفض قاطع اني اجيب نيش و الصالون المدهب

و لما قلت كده اتبهدلت بهدله محترمه من حماتي المصون :(

و اضطريت اعمل النيش و اهو مرمي مالوش اي لازمه لا هو لا الصالون المدهب اللي ماتئعدش عليه الا كام مره و لسه بشووووووكه و بكره كره العمي

ربنا يكرمك عشان
اولا : مش مصممه على حاجات شكليه مكلفه بدون لازمه
ثاينا : عشان كبرتى دماغك ومشيتى الامور مع حماتك ومعملتيش المسأله عناد

لأن للأسف معظم البنات دلوقتى - الإ من رحم ربى - بيصمموا على الحاجات ديه ومش بتفرق معاهم حتى لو غرمت اهلها نفسهم وضغط عليهم فى حجات ملهاش لازمه حتى والله احيانا بشوف واحده تضغط - مش على خطيبها بس - لأ على اهلها وبيكونوا على قد حالهم ونفسهم يفرحوها وعشان المقارنات مع بنت فلان وبنت علان وديه جابت وديه عملت وكام مفرش سرير ونوعهم أيه وكام طقم مش عارف أيه وطقم الصينى فلانه جيباه بكام وماركه أيه وكلام فارغ صعب الجواز على الشباب

**AmatoALLAH** · 01-08-2010 10:35 PM

المشاركة الأصلية كتبت بواسطة icehearted girl

هو لوحده؟؟

سمايل واحد خبيث

ههههههههه

اكيد مش هو لوحده

انا كلمتك من شويه ماردتيش ليه

**icehearted girl** · 01-08-2010 10:37 PM

كان النور قاطع والموبايل بعيد ومسمعتوش :( :(

**AmatoALLAH** · 01-08-2010 10:53 PM

المشاركة الأصلية كتبت بواسطة icehearted girl

كان النور قاطع والموبايل بعيد ومسمعتوش :( :(

انتي كمان النور كان قاطع عندك

هو فيه ايه النهارده

**تامر.محمد** · 02-08-2010 03:29 PM

المشاركة الأصلية كتبت بواسطة blazer

هو ايه موضوع مفرش السرير دا
ينفع حد يشرحلى
يعنى هو السرير حيزيد ايه لما يتحط عليه مفرش السرير
مع العلم انى معتقدش انه ينفع يتنام عليه لانه هيحرر فحت !

ده مفرش بيتجاب عشان يتحط على السرير
مش للنوم عليه خالص , هو كده
يتحط على السرير بس مش للنوم عليه , ولا حد يقرب من السرير طول ما عليه المفرش
ليه ؟
سعره بيخش في ألف جنيه تقريبا
:(

**eng.octooo** · 02-08-2010 03:58 PM

هيا جت على المفرش والنيش بس ؟؟؟

انا والدتى متجوزة من 20 سنة .... وتقريبا المعظم لو ماكانش كل النيش ما حدش استعملة والكوبايات بورقها !!!! من 20 سنة

وكل ما تنزل وتشترى اطباق وكوبايات اقولها ؟؟؟ والى فى البيت دول بيعملوا اية ؟؟ تقول : دول للضيوف

طيب يعنى احنا من 20 سنة ماجلناش ضيوف ؟؟

ترد وتقول وتنقطنى : دى للضيوف يتفرجوا علية اما الجداد ناكل فيهم !!! .. دة من ديكورات اوضة السفرة !!!!!!

ارد واقول : هوة انتى جايبة الضيوف تعزميهم ولا تفرجيهم ؟

ترد وتقول : ما هو العادات كدة

طيب الفازتين الكبار اوى دول بتوع اية ؟؟

لا دول كانوا طقم ب 3000 ج ( تخيلوا معايا تمنهم وقتها كان اية من 20 سنة ؟؟)

دول مش عارف اسمهم بوهيمى تقريبا

اقولها طيب ما هم كفاية ؟
تقول لا دول علشان يظهروا الطقم الصينى الازرق

ارد انا واقول هوة بابا جابلك الفلوس دى منين من 20 سنة ؟

تقولى زى ما جدك جابلى الحاجات دى من 20 سنة
هوة الجواز لعبة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

-

-

-

الموضوع: جواز عتريس من غير النيش باطل

LinkBack

أدوات الموضوع

عرض

-

-

-

-

المواضيع المتشابهه

جواز عبود من الثورة باطل!

إتهام باطل باطل

باطل يراد به حق؟!!!!!!

الكلمات الدلالية لهذا الموضوع

المفضلات

المفضلات

ضوابط المشاركة