عايزين نعرف يا جماعه اغلبية اللوجانوية اللى فى المنتدى بيحطوا بنزين ايه ويا سلام لو الاعضاء يقولوا اشمعنا النوع ده بالذات:shyy:
عرض للطباعة
عايزين نعرف يا جماعه اغلبية اللوجانوية اللى فى المنتدى بيحطوا بنزين ايه ويا سلام لو الاعضاء يقولوا اشمعنا النوع ده بالذات:shyy:
نسبة انضغاط محرك اللوجان 9.5 وبالتالى العربية المفروض يتحط فيها بنزين 92 فيما اعلى بالاضافة لنصائح الصانع
باستخدام بنزين على الاقل 91 اوكتان وطبعا ماعندناش 91 فا الافضل 92 ودة اقل رقم اوكتان المفروض يتحط فى العربية دة طبعا على كلام الصانع
طبعا الكلام دة مايكلش معانا كا مصريين لازم نجرب المستويات الادنى حتى لو على سبيل الفضول
وبم انى مصرى فطبعا جربت ومع تجربتى بنزين 90 العربية زى ما هى مافيش اختلاف كبير فى الاداء ولكن يلاحظ ان نسبة استهلاك البنزين بتكون اعلى من نسبة استهلاك 92 ولكن مش بشكل كبير
يعنى من الاخر الفرق بين بنزين 90 و بنزين 92 يستاهل ثمنه .
استاذ رنجو انتا ليه مش بتشرفني باي رد على اسئلتي علما اني بحترم رأيك جدا ان شاء الله يكون المانع خير
ولو سمحت انا لسه مستلم العربيه من اربع ايام بس استهلاكها عالي في البنزين مش عارف هل هيبقى فيه تحسن والا اعمل ايه
الاستهلاك 135 كم في الصفيحه علما اني بحط بنزين 92
صانع الشئ اولي بصيانته . و مدام الشركة المصنعه اوصت ببنزين اعلي من 91 و اللي هو عندنا 92 فوجب عليه ان اصون عربيتي و امونها 92 . و انا الكسبان لأن فيه احد الوحوش في السفر قال انه فول التنك 92 مشي بيها 650 كم و فول التنك ب 90 مشي بيها 480 كيلو يعني فرق 170 كم و الفرق بينهم 5 جنيهات فقط . فأيهما افضل .
للأسف أنا لا ينطبق عليا أى من الاختيارات أعلاه ..
أنا فى كل مرة بأفول باحط صفيحة 80 + صفيحة 92
وماشى الحال.
ولو حتى بالتكييف ده مش طبيعى خالص ، صفر العداد الاول و احسب من اول و جديداقتباس:
الاستهلاك ده مش طبيعى خالص
ده بالتكييف ولا من غير؟
92 بس لو مش موجود 90 شغال
انا بفول 92 وساعات 90 وساعات 80 عادى
التكييف شغل كويس فى كله
لدرجة انه بيعرق فى الازاز الامامى عند المساحات
92 وبس
اساسا مكتوب علي تانك البنزين (91-95-98) ليه بقا احط 90 و 80:mahf(5):
اانا دايما بحط 92 وعربيه موز الحمد الله وساعات نفسى تهفنى وبحد 95 بس مش بحس بفرق كبير اللهم تحسن ف صوت الموتور وهدوء اكثر
انا بصراحه بحط بنزين 92 من ساعت ماجبت العربية و زي الفل و الاستهلاك تماااااااااااااام
i use 92 as recomended by the agent,they told me so when i got the car.i didn t try anything else ,thanks to experts at nile motors i read about the octane number and that using a lower grade than that recomended is bad for the motor and using higher number is useless
انا اختباري مع العربية ان بنزين 90 بيقلل السحب و بيعلي استهلاك البنزين و انا حطيطه علشان كنت على سفر و التنك كان فاضي و مفيش غير 90. فنصيحتي فول 92 اوفرلك على السفر
يعنى أنت يا سوبر بتسمع تسقيف
أنا كنت فاكرك مش مقتنع بحكايه التسقيف ديه من ساعه الموضوع القديم لما بشوى قال الحكايه ديه
أنا بصراحه لغايه دلوقتى فولت مرتين 80 وما سمعتش تسقيف
لكن لما بشوى قال أنه متأكد وأن الصوت مش هايتسمع الا بالليل خالص فى مكان هادى مجربتش عشان واثق فى كلامه
طيب يا باشا ما تخليك فى اال 92 بقى لأنك كده هتقصف عمر الماتور بدرى
التسقيف لازم هيأثر على الماتور
يا جماعة انا مهندس ميكانيكا احب اقول حاجة بالنسبة لرقم الأوكتان. الرقم العالى(92و95و98) لايعنى اطلاقاً اطلاقاً ان البنزين دا نضيف او نقى من الشوائب او الرواسب او ليه قيمة طاقة اكبر (calorific value) بالمرة انما معناه ان هذا البنزين صاحب الرقم مثلاً 92 يناظر خليط من الوقود يحتوى على 92% اوكتان. و نسبة الأوكتان تحدد متى يتم حدوث اشتعال ذاتى للوقود داخل غرفة الأحتراق اى قبل انطلاق شرارة البوجيه كلما كان اعلى كلما كان الأشتعال الذاتى متأخر. فاذا حدث اشتعال للوقود ذاتياً قبل اللحظة الزمنية المصممة سابقاً لوقت الأشتعال بالبوجيه فسيشكل هذا عزوما و اجهادات شديدة على سطح المكبس (مما يسبب صفع و تسقيف) واجهادات على ذراع التوصيل البيل و عمود الكرنك كذلك. و بناء على هذا من الخطورة استخدام اى بنزين ذو رقم اوكتان اقل من الموصى به من قبل الشركة المصنعة. توجد سيارات تتقبل بنزين 80 بسهولة لن نسبة النضغاط و درجة الحرارة القصوى داخل الغرفة تكون اقل و بالتالى لا تكون هناك فرصة للوقود ليشتعل ذاتياً و بالتالى لا داعى بالمرة للبنزين 92 او 90 فى مثل هذه السيارات. اما فى اللوجان او اى سيارة اخرى حديثة فلابد الألتزام بتوصية المصمم لأته مش بيعمل دعاية او عاوز يكلفنا لكن رقم الأوكتان هام جداً و يدخل فى الحسبان عند حساب نسبة الأنضغاط و اقصى درجة حرارة و اقصى ضغط فى نهاية شوط الأنضغاط قبل الأشعال مباشرة. توجد اسباب اخرى للتسقيف و لكن هذا فى السيارات القديمة اللى عاملة كيلومترات كبيرة جداً
كلام مقنع جدا يابشمهندس وانا شايف انه هو ده التحليل العلمى لررقم الاوكتين
الباشمهندس macathius
الف شكر على المعلومات القيمه دى وللامام دائما
انا اسمع ان العربيه دى نازله للدول الفقيرة ومؤهلة للعمل باى نوع من انواع البنزين زى 80 على حسب معلوماتى واعرف ناس بيخلطوا البنزين كتير
92 زى الفل وبعدين ما هو كدا كدا غالى
بحط بنزين 92 عل طول ومرة في الشهر 95 او لما اكون مسافر عشان ادلع الماتور شوية...
يعتى محدش جرب ال80 تانى
بنزين 92 ولا للمغامرة مع الرينو
متابع