الموضوع: لمبة الزيت متورة ومش بتطفي مع اني غيرت الزيت والفلتر

دة العادى فى الفيات ال 128 و ال 127 ممكن بس حاجة تكون ملمسة زيارة بسيطة للكهربائى و الدنيا تبقى فلة و المرة دى من غير سجاير هههههه ازيك يا فندم

ههههههههههههه ازيك يااتش اخبارك ايه دايما انت الي ترد عليا والله ماانا عارفه اودي جمايلك دي فين بس الي قلقني في الموضوع انها اول مرة تحصل معايا وانت عارف ان الستات بيحبوا النظام شوية ولو حاجه غريبة حصلت في العربية ولو صغيرة مابيعرفوش يناموا وفي موضوع عطل السيارة ده عمرنا ماهنطالب بالمساواة ابدا الراجل راجل والست ست

تصدقى بالله انا قبل ما ادخل الموضوع عرفت ان عربيتك 128 هههههههههههههه اصل 128 مشاكلها معروفه عموما اللمبه دى حلها غالبا مشكله فى الكهرباء عموما خلى الميكانيكى يغيرلك ترس الزيت هتلاقيه سعره حوالى 13 جنيه

المشاركة الأصلية كتبت بواسطة enayat

ههههههههههههه ازيك يااتش اخبارك ايه دايما انت الي ترد عليا والله ماانا عارفه اودي جمايلك دي فين بس الي قلقني في الموضوع انها اول مرة تحصل معايا وانت عارف ان الستات بيحبوا النظام شوية ولو حاجه غريبة حصلت في العربية ولو صغيرة مابيعرفوش يناموا وفي موضوع عطل السيارة ده عمرنا ماهنطالب بالمساواة ابدا الراجل راجل والست ست

هههههههه اصل انا عامل زى النحلة على المنتدى لو أصدقائى فى رابطة التمبرا مش متواجدين بلف كدة فى المنتدى و بعدين أول ما شفت الاسم قلت هوبا المرة دة حا تكون بصرة ههههههه بالمناسبة ما هو المنطقة السكنية لكى ممكن أقولك على كهربائى شاطر و رخيص و ممتاز بس فى الزيتون جسر السويس كدة بعيد و لا معقول

المشاركة الأصلية كتبت بواسطة heshamzaky

هههههههه اصل انا عامل زى النحلة على المنتدى لو أصدقائى فى رابطة التمبرا مش متواجدين بلف كدة فى المنتدى و بعدين أول ما شفت الاسم قلت هوبا المرة دة حا تكون بصرة ههههههه بالمناسبة ما هو المنطقة السكنية لكى ممكن أقولك على كهربائى شاطر و رخيص و ممتاز بس فى الزيتون جسر السويس كدة بعيد و لا معقول

معقول نسيت ان انا مرور المنصورة ؟
طيب يعني كهربائي ولا ميكانيكي يغير ترس الزيت واوعي تقولي الاتنين

المشاركة الأصلية كتبت بواسطة memononos

تصدقى بالله انا قبل ما ادخل الموضوع عرفت ان عربيتك 128 هههههههههههههه اصل 128 مشاكلها معروفه عموما اللمبه دى حلها غالبا مشكله فى الكهرباء عموما خلى الميكانيكى يغيرلك ترس الزيت هتلاقيه سعره حوالى 13 جنيه

متشكرة جدا ياميمو بس كده هاروح لكهربائي وميكانيكي ولا ايه؟
وان شاء الله بكره الصبح هاروح اشوف الموضوع ده طبعا الصبخ بتاعي الساعه 1 ظهرا وهاقولكم عملت ايه لما ارجع ان شاء اللهعلشان الناس تستفيد

المشاركة الأصلية كتبت بواسطة enayat

معقول نسيت ان انا مرور المنصورة ؟
طيب يعني كهربائي ولا ميكانيكي يغير ترس الزيت واوعي تقولي الاتنين

أة صحيح معلش الزهايمر بس أنا كنت فاكر ان فية مرور النزهة و العربية هى الى من المنصورة معش السن لة أحكام بقى ههههههههههههه بانسبة لموضوع الترس بجد و الله أنا مش عارف أصل ال 127 مش كدة المشكلة بتبقى أن سلوك الكهرباء مستوية فى حلة بريستو و دايما تقل بأصلها بس الكهربائى ممكن بس ما يكونش قفل على السلوك بشريط لحام عدل يعنى أستخسر يلف السلك كويس مع أن شريط اللحام ب 2 جنية بس هى بخل من الصنايعى شوية

خلاص ان شاء الله بكره كهربائي الاول ولو كله تمام اطلع علي الميكانيكي ولما ارجع ان شاء الله هاقولك عملت ايه
موضوع حلة برستو وحلة استانلس ده انا معرفش غير حلل المطبخ هههههههههههههه
بكره هاكلمك واقولك بالا سلام