الموضوع: لكل اللي بيتصوروا بالردار ( الدخول للاهمية )

المشاركة الأصلية كتبت بواسطة shooter123

انا كنت بتصفح المنتدي كالعادة ودمي محروق من كل شوية 150 جنية لردارات دي مش مكفيهم الضرايب والسرقة اللي بقت عيني عينك والكل عارف مش محتاج اتلكم عن موضوع السرقة ده عشان الموضوع ميطولش مني
المهم
انا قررت بما اني كل ما اسافر اطلقت ردار - وانا بسافر كتيررررررر - اني امشي 90 و يتحرق الشغل يستنوني بقي وحعتبر نفسي اتصورت برده بس حدي الفلوس لاي حد يقدر يعملنا كاشف للردار
انا دمي اتحرق بجد خصوصا لما قريت كمان موضوع الرجالة هنا
http://www.nilemotors.net/nile/169205-a.html
يا ريت حد يكون عارف الجهاز ده وبلاش موضوع الردار اللي في النوكيا ده لانه مش فعال
وبما ان دمي محروق من الحكومة وعمايلها قررت اني اشتري الجهاز ده لي ولاي من هواة السرعة مجانا ( كأني اتصورت )

الف سلامة على حضرتك من حرقة الدم و الخنقة من المرور و القائمين عليه... لكن بالهدوء ممكن تفكر معى بصوت عالى ما هى نتيجة أن كل واحد يقود سيارته على الطريق بالسرعة التى يراها مناسبة له دون وجود مرجع أو سرعة تحكم الطريق كله؟
حضرتك مستاء من السرعة الموضوعة 90 كم /س، هل ممكن حضرتك تخرج من بيتك بدرى 10 دقائق مثلا أو ربع ساعة لشغلك و فى نفس الوقت تكون ذهبت لعملك بأعصاب أهدأ و بدون غرامات.
و من فضلك اجسبها بالورقة و القلم لنفرض أن المسافة من بيتك لعملك 60 كم و أن السرعة التى تريد أن تقود بها هى 120 كم/س، أى أسرع من السرعة الموضوعة ب 30كم/س ستجد أن التوفير فى الوقت هو 15 دقيقة.

أرجو تقبل مرورى

معذرة أقصد أن التوفير فى الوقت 10 دقائق فقط، و بالطبع يقل الوقت مع نقص المسافة أى أن الفرق لا يساوى ما يأتى من وراءه من مخالفات.

مش عايزك تضايق خالص

مش مستهلة

انت تسيب العربية طالما مش قادر تسوق براحة و تركب مواصلات او تجيب سائق يسوق ليك و تدفع راتبة من مخالفات الرادادر

يا جماعة..استفسار بس صغير..

هو الناس زعلانة علشان الرادادر بيصورها وهي بتجري فوق المسموح؟؟!!!
ولا بيصورها بالغلط..ولا ايه بالضبط؟

انا بصراحة مش فاهم..

يا ريت حد يفهمني..

المشاركة الأصلية كتبت بواسطة hossaam

يا جماعة..استفسار بس صغير..

هو الناس زعلانة علشان الرادادر بيصورها وهي بتجري فوق المسموح؟؟!!!
ولا بيصورها بالغلط..ولا ايه بالضبط؟

انا بصراحة مش فاهم..

يا ريت حد يفهمني..

الناس زعلانة علشان عايزة تجري

السرعة المقررة 90 عايزيين يجروا 120

المشاركة الأصلية كتبت بواسطة shooter123

عزيزي سيتي
شكرا لردك
لكن الموضوع مش بس زي ما حضرتك قلت وبس لا ده كمان مثلا لو انا مسافر علي طريق جديد اول مرة امشي عليه يبقي لازم اتدبس في ردار ثم صعب اوي احكم عربيتي علي 90 وسط طريق مفتوح وبالذات لما يبقي سالك كمان
زي ما بيعملوا فينا علي الحزام يبقي الشارع واقف اصلا وبرده يقولك الحزام طيب الدنيا واقفة حلبس الحزام ليه؟؟؟؟؟؟؟
وشكرا لمرورك وتعليقك الذي افادني كثير في فروق التوقيت والسرعة

أنا متفق معك أن الطريق السالك و الغير مزدحم يشجع و يغرى بكسر السرعة القانونية، و لكن هنا تكون مقدار الزيادة و الراحة نسبى تماما و فى الغالب الذى يتحكم فيه هو نوع السيارة و قوة المحرك و درجة غزل المقصورة عن الطريق، مثلا لو أنت تقود سيارة حديثة 2000 أو 3000 سى سى جيدة العزل و رائعة الثبات على الطريق ستصبح سرعة 180 كم/س شبيهة بسرعة 120 كم/س فى سيارة حديثة 1600 أو 1500 سى سى و ثباتها و عزلها أقل.
لذا وجب تحديد السرعة على الطريق بل و على الحارة المرورية الواحدة لكل أنواع السيارات لتجنب التفاوت الكبير فى السرعات الذى يعتبر سبب كبير فى الحوادث و اضطراب الطريق.
مش كده و لا إيه.....