الموضوع: لكل اللي بيتصوروا بالردار ( الدخول للاهمية )

المشاركة الأصلية كتبت بواسطة shooter123

انا كنت بتصفح المنتدي كالعادة ودمي محروق من كل شوية 150 جنية لردارات دي مش مكفيهم الضرايب والسرقة اللي بقت عيني عينك والكل عارف مش محتاج اتلكم عن موضوع السرقة ده عشان الموضوع ميطولش مني
المهم
انا قررت بما اني كل ما اسافر اطلقت ردار - وانا بسافر كتيررررررر - اني امشي 90 و يتحرق الشغل يستنوني بقي وحعتبر نفسي اتصورت برده بس حدي الفلوس لاي حد يقدر يعملنا كاشف للردار
انا دمي اتحرق بجد خصوصا لما قريت كمان موضوع الرجالة هنا
http://www.nilemotors.net/nile/169205-a.html
يا ريت حد يكون عارف الجهاز ده وبلاش موضوع الردار اللي في النوكيا ده لانه مش فعال
وبما ان دمي محروق من الحكومة وعمايلها قررت اني اشتري الجهاز ده لي ولاي من هواة السرعة مجانا ( كأني اتصورت )

الجهاز غالي"في حدود الف جنيه او يزيد شوية"
كمان لو ظابط شافه في العربية يتعملك قضية "مش سحب رخص ومخالفة"

بس انا اعرف واحد جاب جي بي اس للعربية معاه كاشف رادار
ميزته بقى ان لو حد كلمك تقوله دا جي بي اس عشان بتوه كتيير بس كان غالي اوي

حلو اوي وانا بقرأ موضوع حسبت اللي دفعته لقيت فوق الالف جنية بكتير ( اتصورت 12 مرة ) كويس ان الرخصة مش بنقط زي اللي في دبي
قولي الجهاز اللي ممكن الظابط يشوفه ده حجمخ كبير ولا ايه ثم ان الظابط بيبقي قاعد في الظل في العربية او علي كرسي واللي بيجيبله الرخص الامين يعني مش حيشوف حاجة
طيب جهاز الجي بي اس اللي معاه كاشف للردار الاقيه فين وسعره كام بالتحديد وانا ممكن اشترية من اي حته
كمل جميلك واديني معلومات كاملة
بعتذر بقي للناس بدل الموضوع طلع غالي اوي كدا مضطر اجيبه لنفسي بس

الاسعار متفاوتة
كان في موضوع هنا انواع الرادارات وتعرف ازاي انهي منها ال شغال في مصر
radar detector items - Get great deals on Electronics, eBay Motors items on eBay.com!
دي اجهزة كاشف الرادار
حضرتك ممكن تشتريها من على الموقع على طول

الجهاز ال مع صحبي جايبه من امريكا ومشوفتوش على النت خالص

المشاركة الأصلية كتبت بواسطة aly_hosny

الجهاز غالي"في حدود الف جنيه او يزيد شوية"
كمان لو ظابط شافه في العربية يتعملك قضية "مش سحب رخص ومخالفة"

فكرتنى انا معايا جهاز كنت شارية من حوالى 5 سنوات ب 750 جنية
بس كان بينور كثير و يزعق على الفاضى و المليان
و كنت كل ما اتكل علية تتسحب الرخصة منى رادار
و اتشئمت منه و سيبة فى البيت
بس كان لى موقف باااا مسخرة ،،،
كنت مسافر انا و 3 اصدقائى لقضاء يومان فى راس سدر
الكمين شكا فينا و ووقفنا و فتش تفتيش ذاتى فى السيارة
و تحت الكراسى و مسبوش حتة مدوروش فيها و المهم عمال يطلع كل الى شنطة السيارة
شنطنا و اكل و طلع فى ايديو جهاز كاشف الردار و بيسئلنى اية دا
و انا بكل سرعة بدون تفكير قولتلو ده انفرا لاب توب
و انتو عارفين دى ولا حاجة بالاسم ده
بس اهى طلعت منى كده و كنت كلى ثقة و هو قالى ااااه تمام
و هو مش عايز يقولى يعنى اية علشان ميبنش انه جاهل
و بعدها ركبنا السيارة و فضلنا نضحك حوالى ساعة على الغباء

واااسف للاطلة

الف شكر يا باشا حقيقي
وحشتريه فورا
واول ما يوصلني حصوره وابلغكم بالنتيجة وكلفني كام