مفيش قطع غيار اصلي بسبب الساده اصحاب الخليجي !

**mohamedaghali** · 02-08-2010 12:17 PM

المشاركة الأصلية كتبت بواسطة gazzar91

أنا هاقولك اللي ماتقليش و أنا مسحول بدور على قطع غيار
استيراد..... متحطش أمل عليه
الوكيل.... مافيش + غالي
السوق.... قطع غيار mobis زيها زي بتاعة الوكيل و أرخص في السعر

أنا اللي بتدرب في مركز تبع الوكيل و معملتش عندهم أي حاجة في الحادثة!!!
اتوكل على الله و انزل على السوق..
وهبعتلك على الخاص الناس اللي اتعاملت معاهم...
في رعاية الله

ياريت ياجماعه حد يباعتلى اماكن قطع الغيار غير الوكيل

**Deshahcoka** · 02-08-2010 12:32 PM

gazzar91 والله مش عارف اقلك ايه :) كتر خيرك يا باشا :) ربنا يخليك

الف شكر يا رجالة ليكم كلكم :)

**gazzar91** · 02-08-2010 12:44 PM

المشاركة الأصلية كتبت بواسطة mohamedaghali

ياريت ياجماعه حد يباعتلى اماكن قطع الغيار غير الوكيل

طيب أنا كده طالب الاذن من الاشراف اني أدل الناس عليهم في الموضوع ده لو ينفع

في رعاية الله

**night_phoenix** · 02-08-2010 02:12 PM

المشاركة الأصلية كتبت بواسطة gazzar91

طيب أنا كده طالب الاذن من الاشراف اني أدل الناس عليهم في الموضوع ده لو ينفع

في رعاية الله

ياريت علي العام عشان كلنا نستفيد

**ahmed1981** · 02-08-2010 02:28 PM

المشاركة الأصلية كتبت بواسطة computerking

ياريت حد من البشاوات سواء خليجي ولا مصري يقلي الكلام ده صح و لا اشتغالة توكيل و ايه الحل في مشكلتي ده ؟

الف شكر

نقدر نقول إنه حق أريد به باطل
المفروض هو بعمل دراسة لحجم مبيعات قطع الغيار وعلى أساسه بيشتري قطهع غيار
ومصلحة ليه لأن مكسبها أكثر من أعاف كسبه في العربية

لكن قوله إن الشركة بتبعتله على قدر العربيات التي أرسلت لمصر فهذه كذبة كبيرة
كله بحسابه وحسب ما هو بيطلب منهم
والمفروض الطلبية بتوصله من كوريا إلى مصر خلال شهرين
ومكسبه في قطع الغيار لا يقل عن 200 %

كل التوكيلات بتحاول تغني على موضوع الخليجي لأنهم زمان كان عندهم إحتكار مقنن بواسطة حكومة الإحتكار
وطبعاً يولع في الناس براحته

لكن لما مصر بدأت تتحول لدولة بتمنع بعض الإحتكار هما قلت مكاسبهم الإحتكارية
لذلك بحاولوا يغنوا على وتر الخليجي يمكن يجيلهم وزير حرامي يمنع الخليجي ويرجعلهم إحتكار زمان

**ehab_osman** · 02-08-2010 02:40 PM

المشاركة الأصلية كتبت بواسطة computerking

يعني انا شاري العربية و كيل بالسعر الرسمي الي هوا اياميها كان الخليجي بتاعها ارخص بحوالي 10 الف ولا حاجة في الرنج ده و كمان دافع للباشا الطارق مبلغ 6 الف جنيه استلام فوري بعد العراك ( كان عاوز ياخد 10 صفت على 6 )
الف شكر

انت بشرحك ده رجعتني ايام لما اشتريت العربية بتعاتي وكانت المفاضلة بين الوكيل وبين الخليجي ... واشتريت الخليجى ... وندمت فترة ... بس بعد كلام عن الزيادة 10.000 جم + 6.000 جم = 16.000 جم بقول الحمد لله علي الخليجي .

**mohamedaghali** · 02-08-2010 02:58 PM

المشاركة الأصلية كتبت بواسطة gazzar91

طيب أنا كده طالب الاذن من الاشراف اني أدل الناس عليهم في الموضوع ده لو ينفع

في رعاية الله

لو مكانش ممكن تبعاتلى على الخاص

**aaet1** · 02-08-2010 03:06 PM

طبعا الوكيل هو المسئول عن نقص قطع الغيار، هديك مثال حصل معايا انى من حوالى شهرين عربيتى كان فيها تصليح ومحتاجة صدر، واتلطعت 25 يوم فى الوكيل مستنى الصدر، ولما اكتشفت سبب العطلة رحت أدور عليه بره لقيته عند الجندى واكتشفت انه واخده أصله من الوكيل لأنه موزع له، يعنى الموزع عنده والوكيل ماعندوش

**Atrees** · 02-08-2010 03:59 PM

بص يا باشا بتوع الخليجي ملهومش دعوة خالص دي مشكلة جميع توكيلات السيارات في مصر ( معندناش قطعة الغيار دي )

انا وكيل وعندي سوستة شكمان محتاجة تغير وانا عارف انها عندهم وقالي 15 يوم وتيجي - كل الفكر انه بيفضل بيع قطعة الغيار عن تغيرها في الضمان فري - بس انا عايز اقولك ان التوكيل فعلا محترم واذا كان في مشكلة في تواجد قطع الغيار فدة بسبب الانتشار الرهيب للسيارة واغلبهم عمل كيلو متر وفي مرحلة الصيانات حاليا فاكيد في تقصير

عموما انا اعرف حد في كيا بدون ذكر اسمة قولي انت عايز اية وانا اسالك علية في الخباثة :)

**Deshahcoka** · 02-08-2010 05:16 PM

عتريس باشا :) ربنا يخليك :) انا عاوز كوتيشتين كوبلين خارجي يمين و شمال :)

على فكرة انا مش كنت هغير في الضمان فري ! ده قلي سوء استعمال و انتا حتدفع ! انا من اول ما جبتها بدفع كل حاجة مفيش حاجة الضمان شلها !

الموضوع: مفيش قطع غيار اصلي بسبب الساده اصحاب الخليجي !

LinkBack

أدوات الموضوع

عرض

-

-

-

الحمد لله علي الخليجي -

-

المواضيع المتشابهه

حادثة بسبب فرامل برسونا 2012 والمصيبة مفيش قطع غيار فى التوكيل المحترم

الساده الافاضل اصحاب السياره الmmt

قطع غيار هيوانداي اصلي

قطع غيار ياباني اصلي بخصم جيد

الكلمات الدلالية لهذا الموضوع

المفضلات

المفضلات

ضوابط المشاركة