يونس: إعادة التفكير فى دعم الكهرباء للقادرين فى ظل انتشار أجهزة التكييف

**M_Marwan** · 02-08-2010 02:53 AM

القاهرة - محرر مصراوى - أكد الدكتور حسن يونس، وزير الكهرباء والطاقة، أن 98% من المواطنين يحصلون على الدعم لأسعار الكهرباء وأنه لابد من إعادة التفكير فى ذلك خاصة للقادرين فى ظل التنامي الهائل، وانتشار أجهزة التكييف وارتفاع معدلات مبيعاتها من 55 ألف جهاز سنويًا لاكثر من 700 ألف سنويًا مع الحفاظ على أسعار الشرائح لمحدودي الدخل.
وقال وزير الكهرباء إن العام الحالي شهد إضافة ألف ميجاوات للشبكة الموحدة للجمهورية تعمل بدون وقود اعتمادا على عوادم الوحدات الغازية وأن إجمالى القدرات التى اضافها القطاع العام الماضى والحالى بلغت 5 الاف ميجاوات وأن هذه القدرات تزيد على إجمالى القدرات التى كانت متاحة فى مصر قبل عام 82.
وأشار إلى أنه رغم هذه القدرات الهائلة التى اضيفت إلا أن هناك زيادة لم تكن متوقعة فى إستهلاك الكهرباء خاصة فى فترة الذروة التى تزيد فيها الاحمال بأكثر من 3300 ميجاوات تتطلب إستثمارات تزيد عن 3ر3 مليار دولار .
جاء ذلك خلال تفقد الوزير لمحطة توليد سيدى كرير العملاقة ومركز تلقي بلاغات المواطنين بمنطقة طرابيه بوسط مدينة الاسكندرية، رافقه خلال الزيارة اللواء عادل لبيب محافظ الاسكندرية، والدكتور محمد عوض، رئيس الشركة القابضة لكهرباء مصر، والمهندس إبراهيم ماضي، رئيس شركة الاسكندرية لتوزيع الكهرباء، والمهندس محمود بلبع رئيس شركة إنتاج غرب الدلتا.
وأكد يونس أن إنقطاع التيار عن محافظات جنوب الوادي ليس له علاقة بإرتفاع الأحمال والاستهلاك وهو مجرد عطل عادى كما يحدث فى جميع دول العالم بما فيها أمريكا التى شهدت إنقطاعا للكهرباء عن العاصمة واشنطن لمدة 4 أيام مع العاصفة الترابية ، مؤكدا أن حدوث الاعطال شىء وارد لكن المهم كيفية إعادة التيار والاستقرار للشبكة، مشيرًا إلى أن العاملين بقطاع الكهرباء يستحقون التقدير على سرعة اعادة التيار خلال ساعة وهو انجاز غير مسبوق .
وأشار الدكتور حسن يونس وزير الكهرباء والطاقة إلى أن القانون ينص على ضرورة وجود مولدات احتياطية داخل المؤسسات والمستشفيات الطبية والمرافق الحيوية بالدولة والتى لاتحتمل انقطاع التيار الكهرباء ، مؤكدا على أن كفاءة محطات الكهرباء المصرية التى تديرها الدولة عالمية وتفوق كفاءة المحطات التى يديرها القطاع الخاص فى مصر منذ 8 سنوات.
وأكد الوزير رفضه التام لقطع الكهرباء وظلام أى شارع سواء كان رئيسى أو جانبى وأكد أن قرار تخفيض الانارة يهدف إلى توفير 600 ميجاوات بإستثمارات تبلغ حوالى 4 مليارات جنيه دون الأضرار بأى مواطن وأن تنفيذ القرار قد شابه بعض الأخطاء التى نعمل على تدراكها .. مشيرا إلى أن وزارة المالية خصصت 260 مليون جنيه لاستبدال اللمبات العادية إلى مرشدة بالشوارع .
وقال إنه سيتم إنشاء المدينة العربية على مساحة 130 فدان بمشاركة 22 دولة عربية ، وكذلك إنشاء المدينة الطبية وتضم 55 مركزا عالميا كفروع للمؤسسات الطبية العالمية .
المصدر: موقع الحزب الوطني، مصراوي.

**M_Marwan** · 02-08-2010 02:55 AM

من هم القادرين ؟؟

هل سيادة الوزير بيفترض ان المواطن اللي ساكن في شقة و جايب تكييف بالقسط لان درجة الحرارة 40 يعتبر من القادرين
هل القادرين هم اللي قادرين يسكنوا في شقة و يجيبوا مجرد اكلهم ؟؟؟؟
يعني المفروض ان الغير قادرين يكونوا بلا مأوى و مش لاقيين الأكل !!!!
يعني الدعم يروح بس للناس المقيمة في الشارع

الحل بسيط الناس كلها تطلع تبات في الشارع عشان الحكومة تعرف ان الشعب كله بقى مش قادر و العالم كله
يشوف الحالة المزرية اللي وصل لها شعب مصر !!

**Ahmed Samy** · 02-08-2010 03:07 AM

هم مش كانوا 16 مليار ....بقوا 3,3 دلوقتي

و بعدين هي العالم دي فاكرة ان التكييفات بتزيد علشان الدخل بيزيد أو ترفيه مثلا !!!

درجة الحرارة بتزيد كل سنة

بتطلع فوق الأربعين و الناس يتقطع من قوتها علشان تعرف تتنفس في الحر ياللي ماتعرفوش ربنا

هو لو واحد ربنا كرمه بمقدرة على تقسيط جهاز يديله هوا بارد تقومو تقطمه وسطه كهربا ...

سيبوها بقى

مادام صعبة قوي كده و مش لاقيين لها حل

سيبوها يمكن تعمر

**islamnabil** · 02-08-2010 03:36 AM

اكيد سيادة الوزير قصده بالقادرين هو الناس اللس لسة قادرة تعيش
اصل مالهاش معنى تاني

**wawoo** · 02-08-2010 04:22 AM

المشاركة الأصلية كتبت بواسطة ahmed samy

هم مش كانوا 16 مليار ....بقوا 3,3 دلوقتي

و بعدين هي العالم دي فاكرة ان التكييفات بتزيد علشان الدخل بيزيد أو ترفيه مثلا !!!

درجة الحرارة بتزيد كل سنة

الحرارة مش بتزيد كل سنة ..الحرارة بتزيد نتيجة التصميم السىء للمساكن و الشقق الجديدة و عدم الاهتمام بزراعة الاشجار و زيادة التلوث و استعمال اجهزة التكيف بشكل عشوائيى ..و كل دى اسباب احنا مسؤيلين عنها

و انا مع اى قرار للحد من انتشار اجهزة التكييف لانها بقيت بزيادة جدا و مصر جوها معتدل مش محتاج كل اجهزة التكيف دى ..خصوص ان معظم المصريين بيستعملو اجهزة التكيف بطريقة خاطئة ..

اللى عاوز يركب جهازين و ثلاث اجهزة فى شقة هو حر لكن يدفع بقى تكلفة استهلاك الكهرباء الحقيقى بدون دعم .

**Ahmed Samy** · 02-08-2010 04:51 AM

المشاركة الأصلية كتبت بواسطة wawoo

الحرارة مش بتزيد كل سنة ..الحرارة بتزيد نتيجة التصميم السىء للمساكن و الشقق الجديدة و عدم الاهتمام بزراعة الاشجار و زيادة التلوث و استعمال اجهزة التكيف بشكل عشوائيى ..و كل دى اسباب احنا مسؤيلين عنها .

الحرارة بتزيد عالميا و تم تسجيل اعلى درجات الحرارة على الإطلاق في معظم دول العالم في 2010

المشاركة الأصلية كتبت بواسطة wawoo

و انا مع اى قرار للحد من انتشار اجهزة التكييف لانها بقيت بزيادة جدا و مصر جوها معتدل مش محتاج كل اجهزة التكيف دى ..خصوص ان معظم المصريين بيستعملو اجهزة التكيف بطريقة خاطئة ..
.

ممكن تبدأ بنفسك و اتخلى عن التكييف مادام الجو معتدل عندكو ...

المشاركة الأصلية كتبت بواسطة wawoo

اللى عاوز يركب جهازين و ثلاث اجهزة فى شقة هو حر لكن يدفع بقى تكلفة استهلاك الكهرباء الحقيقى بدون دعم .

طب ماهو اللي عنده تلات أجهزة بيدخل في شريحة عالية و يبتقطع فواتير .... ماتقلقش دي ماتفوتش على الحكومة

**wawoo** · 02-08-2010 09:37 AM

المشاركة الأصلية كتبت بواسطة ahmed samy

الحرارة بتزيد عالميا و تم تسجيل اعلى درجات الحرارة على الإطلاق في معظم دول العالم في 2010

ممكن تبدأ بنفسك و اتخلى عن التكييف مادام الجو معتدل عندكو ...

طب ماهو اللي عنده تلات أجهزة بيدخل في شريحة عالية و يبتقطع فواتير .... ماتقلقش دي ماتفوتش على الحكومة

تمام يا دكتور ..حرارة الارض بتزيد فعلا لكن مش بالمعدل اللى نقدر نقول علية مخيف يعنى
و فى مصر الصيف السنة دى معقول جدا و الحمد لله باستثناء بعض الموجات الحارة جدا ..

و انا فعلا معنديش ولا جهاز تكييف ..المراوح بتقوم بالواجب معقول جدا و ممكن استحمل كمان شوية ايام حر مش مشكلة "يمكن دة بسبب تصميم المسكن نفسة " ..

اذا كان ولا بد تكيف يبقى جهاز واحد فى مكان المعيشة او اكتر مكان بيتواجد فية عدد افراد الاسرة و يكون الاستخدام بالمعقول ..

**elassar2010** · 02-08-2010 10:25 AM

المشاركة الأصلية كتبت بواسطة ahmed samy

الحرارة بتزيد عالميا و تم تسجيل اعلى درجات الحرارة على الإطلاق في معظم دول العالم في 2010

ممكن تبدأ بنفسك و اتخلى عن التكييف مادام الجو معتدل عندكو ...

طب ماهو اللي عنده تلات أجهزة بيدخل في شريحة عالية و يبتقطع فواتير .... ماتقلقش دي ماتفوتش على الحكومة

+99999999

**elassar2010** · 02-08-2010 10:29 AM

المشاركة الأصلية كتبت بواسطة wawoo

الحرارة مش بتزيد كل سنة ..الحرارة بتزيد نتيجة التصميم السىء للمساكن و الشقق الجديدة و عدم الاهتمام بزراعة الاشجار و زيادة التلوث و استعمال اجهزة التكيف بشكل عشوائيى ..و كل دى اسباب احنا مسؤيلين عنها

و انا مع اى قرار للحد من انتشار اجهزة التكييف لانها بقيت بزيادة جدا و مصر جوها معتدل مش محتاج كل اجهزة التكيف دى ..خصوص ان معظم المصريين بيستعملو اجهزة التكيف بطريقة خاطئة ..

اللى عاوز يركب جهازين و ثلاث اجهزة فى شقة هو حر لكن يدفع بقى تكلفة استهلاك الكهرباء الحقيقى بدون دعم .

زراعة اشجار اية؟؟؟؟؟؟؟؟؟؟؟؟؟؟؟؟؟
الشوراع كلها كان فيها اشجار والمحافظ الى هو من الحكومة وموظف حكومى شالها بالبدوزر وحط مكانها عواميد نور
التصميم السىء للمساكن مش مجلس المدينة الى هو جهة حكومية هو الى بيدى تراخيص البناء

اصل اكيد يعنى مش كل الناس هتروح تسكن فى مدينتى ب2مليون جنية حيث البحيرات الصناعية
الاشجار الخضراء

**محمد عز** · 02-08-2010 12:07 PM

ياااادى الدعم اللى وجعانين دماغنا بيه

ما هوا لو وزارة الكهربا شايفة شغلها كويس

وبتعتمد على الطاقة المولدة من الرياح والطاقة الشمسية

والمحطات النووية

مكنش الوضع اللى زفت ده حصل

الموضوع: يونس: إعادة التفكير فى دعم الكهرباء للقادرين فى ظل انتشار أجهزة التكييف

LinkBack

أدوات الموضوع

عرض

يونس: إعادة التفكير فى دعم الكهرباء للقادرين فى ظل انتشار أجهزة التكييف - انشر الموضوع فى :

-

-

-

-

-

-

المواضيع المتشابهه

التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!

كات اوت التكييف و الاريال الكهرباء

التكييف و الكهرباء و الحصان ..

هل ممكن اركب التكييف الكهرباء فى 2105

أسعار أجهزة التكييف حاليا

الكلمات الدلالية لهذا الموضوع

المفضلات

المفضلات

ضوابط المشاركة