الموضوع: محدش يعرف محل اكسسوارات فى 6 اكتوبر او الهرم

المشاركة الأصلية كتبت بواسطة محمد الشامي

هو اللي كان في 6 اكتوبر ده بتاع قطع غيار في مجمع على الدين , كان اسمه محمد نجم (على ما اتذكر ), والناس بتشكر فيه جدا

لكن طبعا انت عايز اكسسوار مش قطع غيار , وبصراحه اي محل اكسسوار بعيد عن التوفيقيه هيكون بيبالغ في اسعاره شويه

هو انت عايز اكسسوار زي ايه مثلا ؟؟؟ جربت تزور قسم الاكسسوار بتاع هايبر وان ؟؟

محمد نجم انا سمعت انه عنده لمبات تنجسرام ال عايز اجيبها ومش لاقيها ..... بس مره انت قلت على ما ارفتكر لو مكنتش ناسى ان فى محب عند مستشفى تبارك قريب من التوحيد والنور وفعلا اكيد الاسعار هتكون اغلى بس انا معنديش اى وقت علشان انزول التوفيقيه وانا عايز اغير العربيه شويه لانى قرفت منها عايز اغير السماعات على الاقل الخلفيه وعايز اغير المخدع ال بين الكرسيين ال قدام يعنى عايز احسن ان فى اى تغيير فى العربيه

المشاركة الأصلية كتبت بواسطة محمد الشامي

لو على السماعات انا ممكن ادلك على واحد ورا محافظه الهرم بشويه , راجل محترم وبتاع ربنا ودماغه نضيفه , للكاسيت والسي دي والسماعات ولو عايز جي ام و و وو , يعني اي حاجه في الصوتيات , ومريح في التعامل وذوق

وبعدين ما انت عندك ادريان اللي في المطبعه كويس :-)

وبالنسبه للمخدع فنصيحه خليك في التوفيقيه احسن عشان هتلاقي انواع واشكال واسعار متفاوته , اخطف نفسك كده ف يوم لغايه التوفيقيه بأي طريقه وبجد هتجيب شويه حاجات كويسه باسعار حلوه

طيب قلى على الراجل ال عند محافظه الهرم انا اعرف مدرسه احمد لطفى هناك 3 سنين سنوى تمام ( ايام سوداء ) بالنسبه لادريان مش عاجبنى خالص بحس انه حرامى بصراحه والمحل ال جنبه بتاع قطع الغيار المعامله فيه بقت زباله بجد يعنى افتكر نفسه بقا بتاع اكسسوار بجد الشعب المصرى دا غريب جداااااااااااااااااااااا اول لما يبدا يكبر يتنك على الناس علشان كدا محدش بقا بيروحله ذى الاول

المشاركة الأصلية كتبت بواسطة محمد الشامي

بص يا باشا
انا طبعا معرفش اسامي الشوارع هناك بس انا هقولك بروحله ازاي

طبعا انت بتدخل شارع الهرم عادي (كانك جاي من النفق) وبتلاقي على يمينك محافظه الهرم على طول
بعدها بشويه هتلاقي شارع (اظن اول شارع هيقابلك) على يمينك وعلى ناصيته مسجد صغير , وكمان ادامه على الرصيف التاني ماكدونالدز الهرم (انا مش عارف لسا شغال ولا لا لاني بقالى كتير مروحتش)
هتدخل الشارع ده وهتفضل مااااشي فيه على طول
تقريبا بعد نص الشارع هتلاقي الشارع بدأ ينحرف معاك شويه لليمين كانك هتطلع على شارع فيصل
في الانحراف او الزاويه دي بالظبط هتلاقي محل على شمالك اسمه (الرضوان) , هو ده
صاحب المحل اسمه مصطفى , وكنت اتعاملت معاه عن طريق ابن عمتي (هو اللي بيتعامل معاه دايما) في صيانه الكاسيت الاصلي بتاع العربيه

هتلاقي عنده كل حاجه تخص الصوتيات واسعاره كويسه , والصيني بيقولك عليه صيني مش ماليزي وهكذا

لو حبيت تروحله , اساله الاول على اسعاره وقوله عايز اعمل كذا وكذا وشوف الدنيا ايه , لو كلامه عجبك يبقا على خيره الله , لو كلامك مش عاجبك نشوف غيره :-)

ان شاء الله هروحله واشوف ايه الاخبار وابلغك ان شاء الله