الشقة لازم تكون ايجار قديم

**azmeralda** · 02-08-2010 01:59 PM

فى ناس كتير جدا بتوافق بأيجار مؤقت عادى
واللى مش راضى غير بتمليك برضه دى حرية شخصية
زى اى مقياس تانى فى الجواز
يعنى زعلانين قوى و اللى بيشترط عينيها تبقى خضرا دى مش تفاهة اكتر
كل واحد يشترط اللى على مزاجه وهيلاقى اللى يرضى بيه

**elassar2010** · 02-08-2010 02:00 PM

المشاركة الأصلية كتبت بواسطة أحمد كمال

و مش ممكن جوز بنتك يفلس و لا يتداين و لا يمرض و لا يسيب شغله فيضطر يبيع التمليك و لا العمارة تقع ؟؟؟؟؟!!!!!!!

أبرك النكاح أيسره ...... ارحموا الشباب شوية بقى !!!!!

فعلا ممكن يفلس ويداين لس دى حاجات انا معرفهاش دى حاجات فى علم الغيب

على فكرة انا شاب ومش متجوز
بس انا لو عندى اخت مش هرضى غير بواحد عندة شقة مستقرة ولو اوضة وصالة فقط فقط

معلش يعنى واحد مامعهوش يجيب شقة اى مساحة وفى اى منطقة وشغال موظف هيحوش ويجيب شقة!!!!!!!!!!!!!!!

**ezzatfox** · 02-08-2010 02:06 PM

المشاركة الأصلية كتبت بواسطة أحمد كمال

ده مش استقرار

ده قلة ايمان بربنا و بالرزق

يعني ايه اوقف حال بنتي على شقة تمليك

طيب و لو اتجوزها و دخل بها و تاني يوم باع الشقة هاعمل ايه هاخلعها منه؟

و لا لو مرض و اضطر يبيعها و يتعالج بتمنها؟

مفيش حاجة مضمونة .... الضامن ربنا .... ممكن يتجوزها فقير و يغتني ..... و ممكن يتجوزها غني و يفتقر .....

+ 1000000000000000000000000000

دة اللى عايز اقولة بالظبط ... الارزاق بيد الله .. و ربنا بيرزقك برزق اللى معاك سواء زوجة او اولاد كل واحد بييجى و رزقة معاة .. اهم حاجة البنى ادم ... اخلاقة و دينة و اجتهادة و تناسبة علميا و اجتماعيا مع مستوى زوجتة .

**Bishoy.Girgis** · 02-08-2010 02:09 PM

حبيبي طيب ما تدور علي شقق اسكان الشباب و علي فكرة شقق جميلة او ابني بيتك و كمان الاوقاف الايام ديه بتعمل لوترية علي شقق جاهزة التشطيب و ربنا يوفقك

**أحمد كمال** · 02-08-2010 02:21 PM

المشاركة الأصلية كتبت بواسطة elassar2010

معلش يعنى واحد مامعهوش يجيب شقة اى مساحة وفى اى منطقة وشغال موظف هيحوش ويجيب شقة!!!!!!!!!!!!!!!

الله اعلم انت ايش عرفك و لا دراك بغيب ربنا؟ ممكن ربنا يرزقه برزقها و رزق عيالهم و يبقى غني و مليونير في ظرف كام سنة و ساعتها يسكنها في فيلا مش شقة !

**Ahmed.Ali** · 02-08-2010 02:27 PM

المشاركة الأصلية كتبت بواسطة أحمد كمال

انا عندي بنت

و لو اتقدم لها واحد محترم و ابن ناس

بس ظروفه ما تسمحلوش يشتري شقة حاليا هاقبل بالايجار و الارزاق على الله

الاخذ بالاسباب في انه متعلم و عنده مؤهل و وظيفة بدخل معقول يكفي فتح البيت

انما ربط الموضوع بشقة تمليك غلط طبعا .....

لو هو بقى ظروفه تسمح يشتري و رفض يشتري يبقى بيستعبط و ما يلزمنيش

----------

على فكرة اللي يهمني واحد يحافظ على بنتي و يراعيها زي مانا محافظ عليها و مراعيها ...... مش واحد معاه شقة و لا لأ

و كلنا مستقبلنا في علم الغيب و ملياردير النهاردة ممكن يبقى شحات بكرة و العكس بالعكس

مش حتة شقة حمضانة هي اللي تقول مستقبله ايه

+1111
وكمان لو معايا فلوس هشتريله انا الشقه
يحفظ بنتي اهم من فلوس الدنيا كلها
ياما ناس عيشين في فلل و مش مرتاحين و ناس في عشش بس بيحترموا بعض

**X_MM_X** · 02-08-2010 02:32 PM

انا هقول حاجه لصاحب الموضوع طالما البنت واهلها مش راضيين بيك كده فهما ما يستحقوش واحد كويس زيك , واللي ماترضاش بيك ولاتزعل عليها لانهم مش عايزين راجل لبنتهم عايزين شقه والسلام بغض النظر عن اللي متقدم وبكره هيعرفوا الفرق بين الراجل الكويس و اللي معاه شقه ومش راجل

**Bishoy.Girgis** · 02-08-2010 02:43 PM

المشاركة الأصلية كتبت بواسطة azmeralda

ممكن حضرتك توضح اكتر

1- بالنسبة لمشروع ابني بيتك و ده ان الدولة بتدي الارض للشاب المتر باسعار رمزية و تبتدي تبني بيتك .. اكتب في جوجل و ابحث هتلاقي معلومات جميلة جدا عن المشروع ده .. انا كان نفسي احط ليك لينكات هنا لكن ممنوع من قبل المنتدي .
2- في كمان مشروع اسكان الشباب من قبل المحافظات و مثال ليها مشروع اسكان الشباب التجمع الخامس .. برده هقولك دور في جوجل
3- بالنسبة للاوقاف انا مش عارف هي بتعمل اللوترية في كل المحافظات ولا محافظات معينة بس دور و ان شاء الله تلاقي
علي فكرة علي النت هتلاقي شقق بمشروعات الشباب كتيره جدا بس دور و احنا كلنا هنا معاك و ان شاء الله هيكون ليك شقة و نقولك مبروك قريب

**ahmed1981** · 02-08-2010 02:48 PM

يعني المفروض الواحد يرمي بنته وخلاص
المفروض يحاول على قدر إستطاعته إنه يختار واحد مناسب لها

واحدة مثلاً من مستوى مادي مرتفع وكل أهلها عايشين في تمليك فمن حق أبوها يطلب لها شقة تمليك
وممكن القبول بالإيجار في حال إن واضح إن الشخص المتقدم أمين ومعاه دخل هيقدر يجيب شقة وعنده الحماس لكده

لأن في نوع من الشباب ليس أمين في كلمته ومجرد ما يتجوز في شقة إيجار تلاقيه برد وقاعد يفكر في أمور أخرى وعربيات ومصاريف وينططها في شقق إيجار ولكن أهم حاجة يمتع نفسه

عموماً الإختيار لبنتك في هذا الزمان صعب جداً لأن الناس الأمناء قلوا جداً

أحكيلك عن واحد عنده عيادة وعربية وبيفكر يأسس عيادة تانية
وبيقول لأبو العروسة هتجوز في شقة إيجار
طبعاً أبوها قاله يا تمليك يا تروح تلعب بعيد

الموضوع: الشقة لازم تكون ايجار قديم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ايجار قديم ولا تمليك

شقق ايجار قديم

مطلوب شقة ايجار قديم

استفسارعن فائدة عقد ايجار الشقة

مطلوب شقة ايجار قديم

الكلمات الدلالية لهذا الموضوع

المفضلات

المفضلات

ضوابط المشاركة