يارب عافينا من المصايب والموت الفجأة انا واهلي واخواتي في نايل موتورز وفي كل المسلمين
عرض للطباعة
يارب عافينا من المصايب والموت الفجأة انا واهلي واخواتي في نايل موتورز وفي كل المسلمين
كل اللى يتعمل مسكنات و ليس حل جزرى للموضوع
ولا بتغير القانون ولا بمنع المقاطير ولا ولا
احل ابعد ا لنار عن البنزين
استغلو السكك الحديد فى نقل البضايع
الطرق مش هاتتحمل لوحدها نقل كل بضايع مصر
مصر اتعمل فيها مدن صناعية جديدة ........................كل انتاجها الان ينتقل عن طريق المقطورات او النقل البرى
مصر تملك ثالث اكبر سكة حديد فى العالم
احنا سافرنا دول صناعية برة ............و للاسف ما بنشوفش الكم الهائل من العربيات النقل دى ............
اعملو اللى هاتعملو هو ده الحل النهائى
لسة من اسبوعين فى طريق اسكندرية الصحراوى مرات خالى كانت سايقة العربية بتاعتها و رايحة الساحل و كان فى تريلا راكنة على جنب بتغير عجل المهم من غير نور ولا مثلث اللى قارفينا بيه ملابسات الحادث محدش يعرفها بس للاسف مرات خالى و 3 من بنات خالى(8-11-21 سنة) توفوا و جدتهم (حماة خالى) توفت و بنتين مكسرين ربنا يشفيهم و بيقولوا سواق النقل مات بس لما رحت استلم الجثث مكنش فيه غير امواتنا احنا فربنا يرحمهم و يرحمنا من التريلات و الحكومة و الدنيا كلها و من مستشفيات الحكومة اللى المعاملة فيها غير ادمية و من المستشفيات الخاصة اللى بيحسبوا قطن و شاش ب 1000 جنيه فى يومين ده انا لو بنجد مرتبة مش هيتكلف كدة
ومن التكاتك و من مصر نفسها اللى سنة سنة بكرهها و مش طايق اعيش فيها
ده سيدنا عمر كان بيخاف ان ربنا يحاسبه لو دابة اتكعبلت عشان ممهدش الطريق امال حبايبنا عند ربنا حسابهم ازاى
ربنا يتولانا و يرحم امواتنا و اموات المسلمين
انا سمعته انهم بيفكرو يوقفو تراخيص العربيات المقطورة خاااااااااااااااااااااالص ويحل محلها العربيات التريلا او الكساحات زي مابيسموها ( العربيات الطوييييييييييييلة اللي بتبقي حتة واحدة ده واسمها راس وديل ) حد عنده تاكيد للكلام ده ياشباب؟؟؟؟؟؟؟؟
رسالي الي كل مسئول والله العظيم دم الناس اللي ماتت دي في رقبتكم وربنا هيحاسبكم حساب عسير
فينيك ياحكومة
فينيك ياداخلية
فينيك يارئاسة
صحي النوم ............اصحو بقي .......... الدنيا بقت هرج ومرج وبلطجة وقلة ادب
حسبي الله ونعم الوكيل ......والله بقولها من صميم قلبي
المرور المصري .. لا تعليق
لو كل رجال المرور قرروا يقعدوا في بيتهم بكره و ماينزلوش الشارع فالنتيجة هي هي كما لو كانوا موجودين ..
أنا آسف إني أقول كده و لكن المرور في مصر ما هو إلا أداة لتحصيل الأموال و ليس لتطبيق قوانين المرور
كل يوم مقطوره تعمل كارثه ويروحو ينتشلو الجثث ! كتر خيرهم بصراحه
محدش فكر يوقف نزيف الجثث ده !!! ليه مفيش مسؤول واحد اتكلم؟؟
دا يوم ما اوتوبيس سياحي بيخبط بيجيبولهم اسعاف طائر وبيطلع بيان من الخارجيه وبلاوي سوده
والله الواحد خايف يعد يعافر في حياته علشان يحقق احلامه ومرره واحده يموت فجأه ببلاش بدون اي سبب لمجرد وجوده في مصر
dr_magdi2009
السكك الحديد متجددتش من ايام الانجليز ومينفعش يتنقل عليها بضايع بدون تجديد
وحتى القطر القشاش اتشال لانه كسر القضبان وكان هيتسبب في دمار خط اسكندريه وبدل ما يصلحو السكه رمو القطر !!
اكيد ما اتفعلتش بسبب الاضراب
ما الناس شغاله اضرابات ومحدش عبرهم