حادث الدائري 2/8/2010

**shadygalal669** · 02-08-2010 10:50 PM

المشاركة الأصلية كتبت بواسطة mr_vampire

انا سمعته انهم بيفكرو يوقفو تراخيص العربيات المقطورة خاااااااااااااااااااااالص ويحل محلها العربيات التريلا او الكساحات زي مابيسموها ( العربيات الطوييييييييييييلة اللي بتبقي حتة واحدة ده واسمها راس وديل ) حد عنده تاكيد للكلام ده ياشباب؟؟؟؟؟؟؟؟

معرفش الحقيقه بس نبقي نسئل عن الموضوع ده

انا عندي كساحات اللي انت بتقول عليها دي اللى هي راس و مقصوره قطعه واحده

عارف الكساحات دي اسواء معامله ممكن تتخيلها من المرور بيشفوها

العربيات عندي ممنوع تطلع الدائري و ممنوع عني و سط البلد و ممنوع مش اقل من نص الطرق اللى في البلد و النص التاني بمشي فيه بتصريح حكومي

لو عندي شايل حفار او لودر و خارج مثلا 10 سنتي و العربيه اتمسكت فيها مخالفه ب33 الف جنيه الرقم ده مش مبالغه على فكره ده فعلا في مخالفه كده

بالنسبه للاستاذ كريم منير لما بيقول المقطوره اقل نقله ب6 الاف جنيه مش عارف بس حاسس انه رقم مبالغ فيه شويه بس لو هيلغوها بجد يبقي احسسسسسن عشان العربيات دي فعلا فعلا فعلا مؤذيه جداااااااا و التحكم فيها اصعب من الكساحه لان بيبقي المقطوره الاولي على صنيه و التانيه على مسمار

الحمد لله السواقين عندنا في المكتب محدش فيهم ليه في الشرب ولا العك ده عشان الحج عندنا شديد بس الموضوع ده بيخسرنا ان مفيش سواقين بتقعد بيزهقوا و بيمشوا بس انا عندي يمشوا احسن ما يطلع مسطول

بدون مبالغه كل شهر في سواقين جديده و ساعات بتوصل لكل اسبوعين كمان

**ainshouka** · 03-08-2010 05:39 AM

طب اشمعنى فى المنطقة دى بالذات

**abdelaziz-waleed** · 03-08-2010 09:47 AM

ربنا يرحم المتوفيين ويشفي المصابين
للحصول على مرور آمن يجب توافر 5 حاجات
1- تعليم (يعني مافيش رخصة تطلع الا بعد مدرسة وامتحانات)
2- هندسة طرق (اقامة طرق بمواصفات قياسية)
3- قانون يطبق على الكل من البواب حتى رئيس الجمهورية
4- سيارات جيدة وصالحة للسير على الطريق (فحص فني اثناء تجديد الترخيص)
5- تكنولوجيا (على سبيل المثال مراقبة الطرق بكاميرات ورادارات)

يا ترى احنا في مصر كام نقطة من دول بيتعملو بما يرضي الله وبدون رشاوي ومحسوبيات ووسايط وانعدام ضمير
انا هترك ليكم الاجابة

**Esam Mosaad** · 03-08-2010 10:28 AM

اول الشهر ده برضوا لقيت الطريق الدائرى عند نزله باسوس كلوا اصفر استغربت حوالى كيلوا الطريق مسفر على الجوانب
وبعد كدا الاقى نص عربية شروكى محروقه وقدمها 128 نص برضوا
فترجمت انها حادثه من عربيه نقل كانت محمله رمل

ربنا يستر عليها ويرحم الجميع

**Karim_Monir** · 03-08-2010 11:52 AM

المشاركة الأصلية كتبت بواسطة shadygalal669

بالنسبه للاستاذ كريم منير لما بيقول المقطوره اقل نقله ب6 الاف جنيه مش عارف بس حاسس انه رقم مبالغ فيه شويه بس لو هيلغوها بجد يبقي احسسسسسن عشان العربيات دي فعلا فعلا فعلا مؤذيه جداااااااا و التحكم فيها اصعب من الكساحه لان بيبقي المقطوره الاولي على صنيه و التانيه على مسمار

لاء الرقم صحيح
بما انك عندكو مكتب نقل فاكيد عارف الاسعار التقريبة
ده انت لو جبت عربية جامبو تنقل شوية عفش من القاهرة لاسكندرية اللي هي مسافة 220 كم بياخد 500 جنيه
تخيل انت بقي المقطورة بتشيل قده كام مرة فالرقم صحيح تماما من واقع تجارب نقل في شركتي بننقل بضائع لمحافظات كتير

**shadygalal669** · 04-08-2010 03:53 AM

المشاركة الأصلية كتبت بواسطة ihabchina

الكساحة ده بقى حكاية كبيرة اوى ههههههههه ليها تراخيص كتيرررررررررر فعلا وسوقنها نمرة 1 لما تكون فى نقلة ليهم لازم تصريح مرور من اول ما يدور الكساحة لحد ما يوصل مشوارة وبيتحدد السرعة والطريق والزمان والمكان واسم السواق

وبيكسبوا دهب هههههههههه

حضرتك واضح انك عندك خبره ما شاء الله

احنا عندنا مكتب نقل و عندنا كساحات بس مش بنكسب دهب زي ما الناس فاكره والله عادي يعني و بالنسبه للمرور و التراخيص فعلا احنا قربنا نسيب الشغلانه دي بسبب المرور و قرفهم والله

بالنسبه لبنكسب دهب بقي والله ابدا لو حسبتها هتلاقيها يادوبك ماشيه بالعافيه من اقساط و مرتبات سواقين و تباعين و كواتش و مرور و حاجات كتير

ده غير طبعا الحوادث ربنا يبعدها عننا و الاعطال المفاجئه و هكذا

مش عايز اقول لحضرتك احنا عندنا عربيه لسه بتتشد في المنصوره الفاتوره بتاعتها بكااااام

اللى بيكسبوا بجد و ربنا يباركلهم والله مش قر ولا حاجه هما اللى شغالين في نقل الحديد و الاسمنت

اه و بالنسبه للشغل ال24 ساعه احنا مش مسموح لنا اننا نمشي 24 ساعه ده اصلا لو فيه شغل 24 ساعه

احنا شغلنا كله بلييييييييل الا بقي لو في شغل داخلي "القاهره الجديده" ده ممكن يتاخد بالنهار عادي عشان داخلي ومش بنمشي ع الدائري و لا الكلام ده

بالنسبه للتصريح فعلا ده بيطلع بصوره بطاقه السواق و موضوع مقرف لابعد الحدود

**shaddadfalcon1** · 04-08-2010 08:20 AM

يوم فرحي كان جوز بنت عمي عايز ييجي معانا في الزفه بالعربيه دي - تخييل ؟؟

ابويا بيقولو هتروح تعمل ايه ياعلاء قاله همشي ازمر وراهم

وكان عندهم مره زفة عفش وكانو ماشيين بزفه فيها حوالي 5 عربيات من دوول - شوف انت بقي دوول يعملو ايه

العربيات دي فعلا لو اتلغت الأسعار هتولع يعني زي ما الأخ الفاضل قال علي الأسعار لو نقلة من القاهره للأسكندريه ب 1600 جنيه ودي غالبا هتلاقيها في حدود 70 طن يعني حواليحمولة 35 عربيه نص نقل والعربيه النص نقل اجرتها حوالي 220 في نفس المسافه يعني 7700 جنيه وحتي لو افترضتا ان النقله بتاعة الكبيره اللي هيا 5000 برده لسه اوفر بكتيير

**ihabchina** · 04-08-2010 11:02 AM

المشاركة الأصلية كتبت بواسطة shadygalal669

حضرتك واضح انك عندك خبره ما شاء الله

احنا عندنا مكتب نقل و عندنا كساحات بس مش بنكسب دهب زي ما الناس فاكره والله عادي يعني و بالنسبه للمرور و التراخيص فعلا احنا قربنا نسيب الشغلانه دي بسبب المرور و قرفهم والله

بالنسبه لبنكسب دهب بقي والله ابدا لو حسبتها هتلاقيها يادوبك ماشيه بالعافيه من اقساط و مرتبات سواقين و تباعين و كواتش و مرور و حاجات كتير

عارف والله ههه

ربنا يكون فى عونك ويسرلك الحال

-

الموضوع: حادث الدائري 2/8/2010

LinkBack

أدوات الموضوع

عرض

-

-

-

-

-

المواضيع المتشابهه

لعنة الطريق الدائري مازالت تطاردنا ، حادث جديد على الدائري.القطامية

حادث جديد على الدائري - 19-8-2010

حادث علي الدائري مسطرد

حادث أخر مروع علي الدائري

حادث شديد علي الدائري

الكلمات الدلالية لهذا الموضوع

المفضلات

المفضلات

ضوابط المشاركة