حادث الدائري 2/8/2010

**nasroo** · 02-08-2010 02:13 PM

شهد الطريق الدائرى صباح اليوم حادثاً مروعاً عند نزلة أوتوستراد المعادى، إثر انحراف سيارة مقطورة عن مسارها واصطدامها بالسيارات، وهو ما أسفر عن مقتل 6 أشخاص وإصابة 14 آخرين.

كانت غرفة العمليات قد تلقت بلاغا باصطدام سيارة مقطورة تحمل مواد بناء أعلى الكوبرى الدائرى بالسيارات على الطريق بعد أن انحرفت عن مسارها، وعلى الفور انتقل إلى مكان الحادث رجال الإسعاف، وتم انتشال جثث المتوفين، ونقل المصابين إلى مستشفى البنك الأهلى.

انتقل فريق من النيابة العامة برئاسة أمير نوار وكيل نيابة البساتين وبإشراف أيمن فرحات رئيس النيابة إلى مكان الحادث لإجراء المعاينة المبدئية، وتبين اصطدام أكثر من11 سيارة بعضهم بعض، نتيجة انحراف إحدى السيارات ذات المقطورة التى تحمل مواد البناء عن طريقها المتجه إلى المنيب، ومن ثم فانقلبت فاصطدم بها 9 سيارات ملاكى وأجرة وسيارة شرطة، كما قامت سيارة مقطورة أخرى بالاصطدام بالسيارات من الخلف، وقررت النيابة سحب السيارة المقطورة والسيارات المحطمة من على الطريق لتيسير حركة المرور التى توقفت أكثر من ساعتين

والله الحادثة توجع القلب انا شوفت كذا عربية اسعاف رايحين يشيلوا الناس والعربيات اللي مدمرة على جنب الطريق
لاااااااااااااااااازم نشوف حل في المقطورات دي خصوصا انه في نفس المكان من اسبوع مقطورة وقعت من فوق على العربيات اللي تحت

لا حول ولا قوة الا بالله

**ahmed elsherif** · 02-08-2010 02:18 PM

لازم يشوفوا حل في المقطوره والله علي الزراعي مهازل انا بكون ماشي 100 مثلا الاقي نقل معدي طاير من جمبي ده يبقي ماشي كام؟؟ والعربيه بترقص منه وسعات بتعمد اني اعطله شويه عشان يغيب عقبال ما يجمع سرعه تاني

**kamatsho** · 02-08-2010 02:21 PM

لا اله الا الله محمد رسول الله

عربيات النقل دى مشكله فى مصر ومش هيقدرو يلاقولها حل مهما اتنططو وعملو ايه مش هيلاقو حل برضو يرحم الناس الغلابه بتوع الملاكى منهم

**Samir Elshahawy** · 02-08-2010 02:26 PM

بجد الحتة دي لما بأعدي منها بأتشاهد
ربنا يستر

**nasroo** · 02-08-2010 02:32 PM

يا بشمهندس سمير انا بتشاهد وانا خارج من بيتي دلوقتي مش في الحتة دي بس انا بمشي اتوستراد -دائري - صحراوي

رغم انها مش فارقة انا عربيتي اتخبطت وهي فوق الرصيف من ميكروباص عشة طلعلها فوق الرصيف - في اكتر من كده

**تامر.محمد** · 02-08-2010 02:34 PM

نتيجة انحراف إحدى السيارات ذات المقطورة التى تحمل مواد البناء عن طريقها المتجه إلى المنيب، ومن ثم فانقلبت فاصطدم بها 9 سيارات ملاكى وأجرة وسيارة شرطة، كما قامت سيارة مقطورة أخرى بالاصطدام بالسيارات من الخلف،

يعني العربيات اتعملت ساندوتش محترم بين المقطورتين !!!!!!!!!!!!!!!!!

انا كنت ماشي من هناك النهارده و لقيت الطريق واقف واخدت طريق تاني , بجد حرام شلال الدم اليومي ده !!!!!!!!!!!!

**د.محمود صلاح** · 02-08-2010 02:48 PM

لا حول ولا قوة الا بالله ... حادث مأساوي

**nour3alanour** · 02-08-2010 02:55 PM

عمرها ما هتتحل أبدا علشان المشكلة مش في النقل أو المقطورات
المشكلة في العنصر البشري اللي سايقها وفي المسئولين اللي مبيتخذوش عقوبات رادعة وقاسية بجد لوقف استهتار السائقين والمهازل اللي بتحصل منهم
حسبي الله ونعم الوكيل

الموضوع: حادث الدائري 2/8/2010

LinkBack

أدوات الموضوع

عرض

-

-

-

-

-

المواضيع المتشابهه

لعنة الطريق الدائري مازالت تطاردنا ، حادث جديد على الدائري.القطامية

حادث جديد على الدائري - 19-8-2010

حادث علي الدائري مسطرد

حادث أخر مروع علي الدائري

حادث شديد علي الدائري

الكلمات الدلالية لهذا الموضوع

المفضلات

المفضلات

ضوابط المشاركة