سوزوكى التو 2008

**mone_eg** · 16-03-2008 09:02 AM

المشاركة الأصلية كتبت بواسطة meedoo

انا لسه مش استلمت وهاستلم خلال هذا الاسبوع وهاقوللكم رايى فيها

ونحن في انتظارك
:p:p:p:p:p

**meedoo** · 29-03-2008 09:23 PM

السلام عليكم السياره 800 و لسه ماجربتش التكييف لانى ما كملتش 1000 كم بس سحبتها حلوه جدا و ثابته على الطريق و الدركسيون ناعم زى الباور على فكره انا كنت راكب لانوس قبلها و ما تفرقش كتير فى السحب مع العلم انى لسه ما قرصتش عليها عشان التليين واى استفسار انا فى الخدمه

**shrofa** · 13-04-2008 05:04 PM

المشاركة الأصلية كتبت بواسطة Abdm

اقرأ الموضوعات الخاصة بالسوزوكى ألتو أولا فسوف تجد بعض الاجابات عن أسئلتك
ثانيا : أدخل على الموقع دة
http://www.maruti800.com/goodies.asp
فسوف تجد قائمة أسفل الصفحة مكتوب فيها cars&more وستجد داخلها كل سيارات سوزوكى وكل شىء عنهم .

شكر يا باشا على السايت الجامد ده :)

**mohamedwasfy** · 31-07-2008 11:12 AM

انا استلمت العربيه من حوالى شهرين 800سىسى والعربيه بصراحه ممتازه جدا واقتصاديه فى البنزين وكمان فيها ميزه حلوه ان التكييف بتاعها جامد وانا بنصح اى حد عايز يشترى مستعمل انه يبعد عن المستعمل ويجيب جديد فى حدود امكانياته

**adelgeb** · 03-08-2008 02:49 PM

لا يوجد محرك مخصوص للتكييف فالسيارة بها مصدر واحد للطاقة وهو المحرك وهو المسئول عن الجر والتكييف .

**ahmedfrag** · 11-08-2008 02:19 PM

سيارة رياضية ومريحة وممتازة جدا للأفراد والأسر الصغيرة

**yosr** · 16-08-2008 08:50 PM

عندي ألتو 800 كاملة من 10 أشهر

السيارة ناعمة فيما عدا أن الباور مش قوي لكن ناعم عل كل حال
السيارة اقتصادية بالمقارنة بغيرها حوالي 8.5 ليتر كل 100 كيلو (مع التكييف)
سرعة السيارة عالية جدا (وصلت بها 130 وكانت محتاجة أكثر)
السيارة قوية (شفت مني مطبات وتكسير كثير)
التكييف ممتاز (كأنك في موسكو)
التكييف لا يؤثر على سحب الموتور إلا قليلا (وأرجح فكرة أن له موتور وحده)
حجم السيارة عملي بالنسبة للافراد للاسر الصغيرة فقط
حجم الحقيبة الخلفية صغير نسبيا
الدبرياج ناشف بالمقارنة ببعض الأنواع (طبعا أحسن من الفيات)

أعتقد أن هذا تقرير مفصل
وشكرا وجاهز للاسئلة

**afreetarma** · 25-09-2008 08:43 PM

بصوا يا جماعة أنا عندي الألتو 1100سيسي2008 و بصراحة العاربية 100 100 ناعمة جداً و البور بتعها ماية ماية دال البور بتعها أحسن بكتير من البور بتاع شيفولية أبترا وسحبتها حلوة أوي وتكيفها تلاجة و ماية ماية وكراسيها مريحة جداً و مستوى العزل فيها كويس أوي و المساعدين كويسين و كويسة على المطبات المشهورة بها مصر وكمان فيها rbm وثابتة جداً على الطريق لكن عيوبها كالأتي أنا جبتها من التوكيل مودرن الفي الدقي و ألي أن فيها راديو سيدي فرحت بعد ماستلمت العربية رحت أركب الراديو سيدي في أبو رواش لأته رودستار مصري وده أسواء راديو سيدي تشوفة في حياتك ودة مش الراديو سيدي بتاعها الأصلى و كمان التبلوة بتاعها مفهوش ساعة بس متقلقوش أنا رحت جبت ساعة السوفت من الوكالة وركبتها وشغالة ماية ماية وعيبها كمان صالونها ديق سنة وشنططها صغيرة شويا وكمان قطع الغيار لقتها غالية شوية يعني مثلاً الفانوس الأمامي عامل 300 جنيه و الخلفي 275 و الأكسدام 600 جنية بس طبعاً الحجات الأصلية و عموماً انا شايف أن العربية دية كويسة كداً ويكفي أنها يباني تقفيل هندي يضرب بالجزمة العربيات الكوري و الصيني ودة رأي فيها بصراحة