واحد صحبي كان بيشتري سيارة امبارح من المصرية قالوله الاسعار حتزيد لزيادة الجمارك حوالي ٩٪ ، وانا كمان كنت بسال في معرض تاني قالي نفس الخبر انها حتزيد في خلال اليومين دول، حسبي الله ونعم الوكيل
عرض للطباعة
واحد صحبي كان بيشتري سيارة امبارح من المصرية قالوله الاسعار حتزيد لزيادة الجمارك حوالي ٩٪ ، وانا كمان كنت بسال في معرض تاني قالي نفس الخبر انها حتزيد في خلال اليومين دول، حسبي الله ونعم الوكيل
ممكن يكون مش حقيقه سعات بيقولوا كدا وخلاص بس انا كنت في المصريه فرع المنصوره محدش قالي حاجه من دي مع اني رحت كذا مره
بس الله اعلم
حاول تتاكد من الخبر دة وهل هيسرى على اللى حجز
أكيد نصبة علشان تشتري بسرعة,و بعدين متنساش دية المصرية
يا ريت يكون كلام إشاعات, أنا فعلا حاجز مع توكيل كيا ومستني ربنا يستر وما يكونش حقيقي.
بس اللي خلاني أقول الخبر إني سمعتو من مصدرين مختلفين, المصرية لما صاحبي كان رايح يستلم عربيته, وانا كنت بسأ ل النهاردة في مصر أوتو موتيف فرع م.نصر على حاجة تانية خالص وقالي خبر الزيادة ده لسة جايلو ومستني الفاكس يجيلو في أي وقت علشان يبيع بالأسعار الجديدة.
كان نازل في اهرام السيارات عدد الجمعه اللي فاتت ان اسعار السيارات هتزيد في اغسطس!!!!!!!!!!
وسمعت برضه ان هيونداى غلت
اعتقد السبب هو تطبيق المواصفات الجديده
الجمارك هتزيد أزاي ؟
ومين اللي بيقول الأسعار تزيد ؟
عايزين يخلصوا ويبيعوا بسرعة
هي لو هتزيد هما هيقولولك عشان تشتري بالرخيص ؟
يا جماعة ده إجراء متبع عند معارض العربيات لما يحبوا يزودوا البيع ... بس الحقيقه كل واحد مننا يفتكر كده اشترى عربيته بكام ويسأل عليها تاني دلوقتي هيلاقيها قلت مازادتش .... أغلبهم بيعملوا كده عشان مهما غلوا في السعر عليك تشتري بدون تفكير لأنها ( على حسب كلامهم) هتغلى فالسعر ده يعتبر فرصه.
«المالية» تتجه لفرض جمارك على نسبة ضمان السيارات المستوردة
ط§ظ„ظ…طµط±ظ‰ ط§ظ„ظٹظˆظ…
الزيادة لها سبب .... الرابط دة فيه خبر طازة من المصري اليوم
الفكرة باءة إن أكيد يا جماعة المراكز إلي بتبيع الضمان هتنتهز الفرصة وهتعلي الاسعار .. يعني بختصار
يلا قبل ما يغلااااا
فرقعة معارض
لا تهلع
لو حصل زيادة ده يبقي عشان مواصفات زيادة تعزز الامان للسيارة مش اكتر
اما السيارات اللي فيها هذه المواصفات العشرة اللي بيقولوا عليها " اللي نفسي اعرفها بالضبط هي ايه "
اكيد مش هتغلي ده للي انا فهمته من ملحق اهرام الجمعة
ايه الهرجلة دى ؟
امال ايه كلام الـ 10% بتاعت كل سنة اللى هتنزل لحد ما تبقى صفر سنة 2018
بجد لا تعليق
للاسف ياجماعه الخبر ده صحيح انا كنت عند واحد صاحبى عنده معرض فى مدينه نصر و قالى الكلام ده امبارح بسبب موضوع المواصفات القياسيه وده جايلهم من الموزعين الكبار و الشركات حتى على العربيات الى عندهم دلوقتى (اللى هيا مالهاش دعوه بالمواصفات )بس اهى فرصه لاى مصلحه و الناس هى اللى بتدفع والله الواحد مش عارف يعمل ايه مع الناس ديه
استحاله الجمارك تزيد
ده اشتاله من المصرية
منقول
تتجه وزارة المالية إلى إصدار قرار بفرض جمارك على نسبة الضمان والصيانة من إجمالي قيمة السيارة المستوردة من الخارج وإلغاء الإعفاء المقرر عليها، بحسب ما أكده مسؤولون في شعبة السيارات بإتحاد الغرف التجارية.
وقال علاء السبع رئيس لجنة الجمارك وعضو مجلس إدارة الشعبة العامة للسيارات في إتحاد الغرف التجارية إن هناك قراراً بإلغاء الإعفاء الجمركي المقرر على نسبة الضمان والصيانة ضمن قيمة السيارة المستوردة، حسب صحيفة "المصري اليوم" الثلاثاء.
وأوضح السبع أن قيمة السيارة كانت مجزءة من قبل الشركة الأم إلى جزأين الأول يتعلق بثمن السيارة، والثاني خاص بقيمة الضمان والصيانة، الذي يتراوح بين ٣ و٥ آلاف جنيه في المتوسط، مشيرا إلى أن المالية كانت تفرض جمارك على ثمن السيارة، بينما تعفي قيمة الضمان من هذه الجمارك، تشجيعا لتقديم خدمات للعميل وزيادة استثمارات ما بعد البيع من قبل الوكلاء والعاملين في السوق.
وأشار إلى توقف حركة الإفراج الجمركي عن السيارات في الموانئ، بعد تلقيها تعليمات شفهية بالقرار الذى لم يصدر به منشور رسمي حتى الآن من قبل مصلحة الجمارك، متوقعا صدور القرار في غضون أيام قليلة.
من جانبه أكد عمر بلبع نائب رئيس الشعبة العامة للسيارات أن هناك قراراً مرتقباً داخل كواليس وزارة المالية بشأن فرض جمارك على قيمة الضمان، وقال بلبع في إن فرض جمارك على القيمة المخصصة للضمان والصيانة سيرفع أسعار السيارات المستوردة، الأمر الذي يزيد مخاوف عودة التباطؤ مجددا إلى المبيعات بعد تحركها خلال الأشهر القليلة الماضية.
وأشار بلبع إلى أهمية ثبات أسعار السيارات في الفترة الحالية، خاصة أن تداعيات الأزمة المالية العالمية أثرت بشكل كبير في المبيعات، ودفعت الوكلاء والتجار إلى تخفيض هوامش أرباحهم بشكل كبير.
كما لفت علاء السبع إلى أن الوكلاء والمستوردين قد يتجهون إلى تقليص خدمات الصيانة للعملاء، خاصة أن فرض جمارك على قيمة الضمان يزيد من أعبائه المالية في الوقت الذي تزداد فيه حدة المنافسة بين العاملين في السوق لتحقيق مبيعات.
السؤال دلوقتى العربيات الخليجى حتزيد هى كمان و لا ايه بس المنطق بيقول انها مش حتزيد لان هى اصلا مالهاش ضمان يا ريت حد يفيدنا يا جماعه و حسبى الله و نعم الوكيل.
السلام عليكم
انا كنت في غبور امبارح و سالت علي الالنترا قالي ب 97900 قلتله دي اوتوماتيك قالي لأ دي اول فئة في المانيوال قلتله ايه قالي كل العربيات زادت من 3000-5000 جنيه ماعدا الفيرنا زادت 1000 جنيه
منقول
فرض جمارك جديدة على السيارات المستوردة
الأربعاء، 4 أغسطس 2010 - 11:13 | http://www.contactcars.com/images/View-icon.gif (2108)
2 http://www.contactcars.com/images/ShareIcon.gif Share
http://contactcars.com/Images/News/Large/cares_3.jpg
جمارك جديدة على السيارات
أعلنت مصلحة الجمارك فرض رسوم جمركية بنسبة 9% من قيمة السيارات المستوردة عند الإفراج الجمركي عنها.
وقال أحمد فرج سعودي رئيس مصلحة الجمارك إن هذه الجمارك لم يكن يتم تحصيلها منذ عام 2007 على أساس تقديم الوكلاء خدمات ما بعد البيع والضمان والصيانة للسيارات، إلا أنه تبين أن عدم تحصيل تلك الرسوم يعد مخالفاً لاتفاقية الجات الدولية الخاصة بالجمارك، حسب صحيفة "الأهرام" يوم الأربعاء.
وأبلغت مصلحة الجمارك وكلاء السيارات بأنه سيتم تحصيل تلك الجمارك عند الإفراج الجمركي عن السيارات التي قاموا باستيرادها.
وكانت تقارير صحفية قد توقعت مؤخراً اتجاه وزارة المالية إلى إصدار قرار بفرض جمارك على نسبة الضمان والصيانة من إجمالي قيمة السيارة المستوردة من الخارج وإلغاء الإعفاء المقرر عليها.
يشار إلى أن مصلحة الجمارك كانت تجزئ قيمة السيارة إلى جزأين الأول يتعلق بثمن السيارة، والثاني خاص بقيمة الضمان والصيانة، الذي يتراوح بين ٣ و٥ آلاف جنيه في المتوسط، وكانت وزارة المالية تفرض جمارك على ثمن السيارة، بينما تعفي قيمة الضمان من هذه الجمارك، تشجيعا لتقديم خدمات للعميل وزيادة استثمارات ما بعد البيع من قبل الوكلاء والعاملين في السوق.
ومن المتوقع أن يتسبب القرار الجديد في رفع أسعار السيارات المستوردة، الأمر الذي يزيد مخاوف عودة التباطؤ مجددا إلى المبيعات بعد تحركها خلال الأشهر القليلة الماضية.
حسبي الله و نعم الوكيل علي اللي كان السبب و علي كل ظالم و مفتري و مش هاقول اكتر من كدا
ده اوضح مثال لنكتة الكوبري
انا حاحز عربية للبيت في الطارق(طارق اسماعيل) ودافع مقدم حجز وكان المفروض استلم اول اغسطس..ولسه محدش استلم اتصلت النهارده وقالي ان العربيات غليت بس الي حاجز هو الي هيستلم فقط بالسعر القديم.........
معرفش في ايه بقى
كده ممكن اخد خليجي وله ايه؟
مش عراف
بتاع المصرية ده فقر
الخبر طلع صحيح و موجود في القسم العام
أنا لقيت الروابط دي بتقول أن الخبر غير صحيحمش عارف بقى الحقيقة فين :
ظ„ط§ ط²ظٹط§ط¯ط© ظپظٹ ط¬ظ…ط§ط±ظƒ ط§ظ„ط³ظٹط§ط±ط§طھ
الرئيسية
انا لو فتحت بقى هاتوقف :I_angr1[1]:
حسبى الله ونعم الوكيل
فى مصر كله بيغلى الا البنى أدم بيرخص
الموضوع بجد فعلا يا جماعة اهرام السيارات كتبت عنه النهاردة، والتجار عاملين اعلانات نظام الحق قبل الاسعار ما تغلى وحاجات كدة، حسبي الله ونعم الوكيل في كل مسؤل بيخون الامانة
هل ألغي القرار كما قرأت على كونتاكت كارز أم ما زال سارياً؟
الصورة غير واضحة!!
الكلام اشاعة و مش حقيقى ... كمان انا لسة متصل بالتوكيل و قالى ان سعر سيراتو sx موديل 2011 بى 116 الف زى ما هو و حتنزل بجنط 16 بدل 17 و تكييف عادى مش ديجيتال.