بركة مياة فى العربية !!!!!!!!!!!!!!!

**mohyeldien** · 02-08-2010 06:29 PM

اليوم فوجئت حين اردت غسيل سيارتى ببركة مياة تحت الدواسات اللى عند الكرسى الامامى اللى يمين السائق
و طبعا ذهلت جدااا من كثرة هذة المياة خصوصا و ان التكيف اساسا فيه مشكلة انه بيأثر على السحب و ما بيرضى يشتغل فى الحر الشديد و طبعا انا عارف انه ده ممكن يكن شحن فريون و لكن انا بشغله برضه فى الاوقات العادية لكن المصيبة اللى ظهرت تحت الدوسات دى
تكون ايه يا ترى و الله كمية مياه كتيرة و ملحوظة بدرجة كبيرة و لولا اننى اضع اكثر من دواسة و تحتهم دواسة موكيت
لكانت المياة وصلت لكل العربية..
فهل فى أحد ظهرت عنده المشكلة دى و يا ترى ايه حلها
افيدونا افادكم الله

**shshmoh** · 02-08-2010 06:57 PM

لا انا اول مره اسمع الكلام ده
سبحان الله

**M.Radwan** · 02-08-2010 06:59 PM

بغسل العربية كتيير جدا عمرها ما حصلت معايا!

**mohyeldien** · 02-08-2010 07:12 PM

و الله يا جماعة مش عارف اعمل ايه فعلا كمية المياة تحت الموكيت كتيرة و مش عارف اعمل ايه

المياة دى ما كانت موجودة قبل اخر مرة غسلتها بالمغسلة فمش عارف هل ده من الغسيل و لا من التكيف
يا ريت الاقى حل ان شاء الله مش عارف اعمل ايه

**nab!l** · 02-08-2010 07:22 PM

غالبا مياه تكييف والله اعلم
لان فى خرطوم بينزل مياه التكييف للشارع
ممكن يكون الخرطوم مش فى مكانه الصحيح
روح لكهربائى قوله يبص عالخرطوم
وبلغنا بالنتيجة

**akmal_hamdi** · 02-08-2010 08:23 PM

ده خرطوم الفايز بتاع التكيف غالبا مسدود فبيصرف جوه العربيه مشكله بسيطه جدا لا تقلق روح الشركه حيعملهولك

**ahmedbakr50** · 02-08-2010 08:34 PM

إن شاء الله خير

**mohyeldien** · 02-08-2010 08:35 PM

المشاركة الأصلية كتبت بواسطة akmal_hamdi

ده خرطوم الفايز بتاع التكيف غالبا مسدود فبيصرف جوه العربيه مشكله بسيطه جدا لا تقلق روح الشركه حيعملهولك

شكرا لجميع الذين تفضلوا بالرد و هذا ما توقعته من وحوش اللوجان حبايبنا الكرام

لكن لى سؤال لازم اروح التوكيل لان من الصعيد و ده مشوار ينفع اروح لكهربائى كما قال أحد الاخوة الكرام هنا
و شكرا لكم جميعا

**joso** · 02-08-2010 08:40 PM

متابع وان شاء الله تكون بسيطه وحلها بسيط بس حاول انك ما تشغلش التكييف لغاية ما تحلها وكمان لازم تنشف الميه باي طريقه

وبالمناسبه دي انا والدي بيقولي اخد العربيه واروح لحد بتاع دهان او سمكري وارشها من تحت كلها ببلاك افريقي ايه رأيكم وشكرا

**abb** · 02-08-2010 08:41 PM

المشكله دى حصلت معايا وكان سببها انى وانا بغسل العربيه فى فتحه فى حوض العربيه بتاعت الهوا الخارجى تحت المسحات
هى اللى كانت بتسرب مياه الغسيل لهويات التبلوه ومنها لطرف الدوسه ومنها للارضيه واكيد هتلاقى الفتحه امام مكان التسريب

الموضوع: بركة مياة فى العربية !!!!!!!!!!!!!!!

LinkBack

أدوات الموضوع

عرض

-

-

-

-

المواضيع المتشابهه

مياة الحنفية دمرت العربية (نقل التجربة للإفادة)

على بركة الله هشترى بيك

بركة مياة فى العربية !!!!!!!!!!!!!!!!!!!!!!!!!!!!!!!!!!

مياة خضرة معا مياة عادية

لقيت بركة زيت تحت العربية

الكلمات الدلالية لهذا الموضوع

المفضلات

المفضلات

ضوابط المشاركة