هو فية بلى فايكو المانى أمامى ولا لا
عرض للطباعة
هو فية بلى فايكو المانى أمامى ولا لا
محمد باشا بعد التحية
انا من 6 اكتوبر هو قصدك الميكانيكى الى فى الشارع بجانب الكبابجى وامامة واحد بتاع كاوتش لانى عاوز اتعامل مع واحد امين فى 6 اكتوبر وخايف انا بعمل شغل عربيتى فى الحريفيين بس انت عارف طبعا المشوار وطول انتظار الصنيعيى عاملين زى الحلاقين بالظبط
ازيك يا استاذي :-)
الميكانيكي هو عم احمد في الشارع اللي بين كبابجي حسني والسوبر ماركت , لما تدخل الشارع هتمشي 50 متر تقريبا او اقل وبعدها هتلاقي ورشه واخده ناصيه على يمينك , هي دي ورشته
هو راجل ذوق واخلاق وخدوم وفاهم شغله وفاهم الدايو حلو , ومريح في التعامل بإذن الله , لكن للامانه انا متعاملتش معاه في حاجه معقده اوي
السلام عليكم ورحمة الله
اولا الف مبروك على البلى وياريت تقولنا اخبار العربية ايه بعد التغيير
ثانياً انا شريف صاحب اللانوس الزرقاء 1600 الى كنت معاك عند عبده ساعة لما كنت بتغير البلى بأمارة لما صلينا المغرب انا وانتا في المسجد قدام ورشة عبده وكمان انا كنت قاعد جمب حسن الكبير لما كان بيركب طقم الشمبر لموتور الجولييت ... افتكرتني...
احب بس اوضح لحضرتك شوية حاجات ...
انا زمان من 6 سنين لما كان معايا 128 كنت بروح عند عفشجي نضيف وكان عنده مكبس وكان بيغيرلى طقم البلي امامي وخلفي وكان بياخد مصنعية 100 جنيه :3_3_102[1]:وكانت العربية بعدها بتتحول 360 درجه مابالك ديه دايو واحنا في 2010
اما بالنسبة لعربية حضرتك فا انا شفت بعيني لما كنت قاعد والنهارده كنت عند عبده ودردشت شويه مع حسن واتأكدت من الشغل ألى اتعمل قبل ما اكتب اي جمله في الموضوع وحضرتك رحت مرتين اول مره كشفت على العربية بالكامل واتقالك بالظبط على كل الشغل الى فيها وبعدين حضرتك جيت المره التانية عشان تغيير البلى الشغل الى اتعمل فيهاكان الأتي :-
1- فك وتركيب الأجناب الأمامية بالكامل عشان تركيب البلى
2- فك الصرر الخلفية عشان برضه تغيير البلى واتغسلت واتشحمت تمام
3- عمل رجلاش للفرامل الخلفية بعد تغيير البلى الخلفي
4- تربيط كامل للعفشة امامي وخلفي
5- تغيير قربة المية
6- كبس دورة المياه للتأكد من عدم وجود تسريب
انا بصراحه شايف ان المصنعية تمام جداً على الشغل الى اتعمل وحضرتك ممكن تروح لصنايعي تاني من ابو بيضة ورغيف يخربلك الدنيا او يعمللك الى انتا طالبه منه بس يعني ممكن يركب البلى الخلفي منغير ميرجلش الفرامل وتحتاج تفك تاني بمصنعية تانية عشان ترجلشها ممكن يركب البلى الأماي بالدق عشان يوفرلك 20 جنيه بتوع الخراط وييوظلك بليتين SKF ب 220 جندي ودخيني يالمونه :120105~352:
انتا ممكن تلاقي صنايعية فعلا ارخص من عبده في المصنعيه كتير لاكن ممكن ميكونوش مضمونين او متجربين وتغامر بعربيتك وحياتك انما عبده في ناس كتير هنا جربته وكله شكر في شغله وصنعته يعني عندك مثلا تغييرطقم السيور في اللانوس هو بياخد فيها مصنعيه تقريباَ حوالى 100 او 120 جنيه فيه صنايعية غيره بتغير طقم السيور ب 30 او 40 جنيه ...
الميزة بقى في ابو 120 ان عمره وانا متأكد من الى بقوله ما هيركب سير كاتينه غلط يعني مقدم سنة او مأخر سنه وهتاخد منه اشغل 100 % وكل مسمار هيرجع مكانه انما ابو 40 جنيه انتا وحظك :ask: انا مش بقول كده شان عبده قريبى ولا حاجه لا انا بس بقول الحق وعبده بالنسبالى مجرد ميكانيكي عادي لا اكتر ولااقل
حضرتك جايب مشتروات بحوالى 460 جنيه مع كامل احترامي ممكن تروح لميكانيكي كفته يضيعلك 460 جنيه دول في الهوا
على رأي محمد ممدوح الغالي تمنه فيه فعلاً وغير كده الراجل فعلا شغال في التوكيل يعني لو وديتها التوكيل هوه الى هيشتغل فيها برضه بس في التوكيل هتدفع مبلغ هلامي .. يا راجل ده الكشف بس على العربية في التوكيل بحوالى 100 جنيه
انا عاوز اقول حاجه مهمه جداً وديه قد تكون غايبة عن ناس كتير .. على الرغم من إنتشار الدايو انتشار رهيب وكل من هب ودب بقي يشتغل فيها إلا انها مازالت عربية حساسه جداً ومحتاجه صنايعي ماهر جداً عشان يشتغل فيها ولو الحاجه متعملتش فيها صح بعد فترة قليلة هتبقى كنبة وليست دايو .
انا اسف اني طولت بس انا حبيت اوضح الكلام لآني كنت موجود وشفت بعيني محدش قالى وبرضه انا في حاجات بنتقد عبده فيها ولاكن الراجل بعيد عن الكلام ده صنايعي شاطر جداً وكل إنسان ليه عيوب وميزات إستحالة الكمال الكمال لله وحده .. وتقبل مرورى ومبروك مرة تانيه على الشغل ربنا يباركلك في عربيتك ويكفيك شرها وكل سنه والناس كلها طيبة وبخير
شريف محمد
استاذ شريف انا سعيد بمقابلتك
انا متفق معاك بالاشياء اللى صلحها بس لما احكى لاى حد على المصنعيه يقولوا غالى شويه
لان نفس الحاجات بالظبط ماعدا القربه ده عملتها وزيادة عليها تغيير مساعدين امامى وخلفى وبطاحات وكوبايات ومسمارين ميزان ب 200 جنيه
ولكل جواد كوبه هو لما كبس دورة التبريد ملقاش حاجه وقالى غير الغطا غيرت الغطا ومع ذلك كان فى تسريب ...وسبحان الله اكتشفت العيب فى القربه .... ومع ذلك ماتكلمتش معاه فى حاجه
وشكرا لاهتمامك بالموضوع
ههههههههههه ايه الكلام العجيب ده المصنعيه عندنا ب80جنيه الاربع عجلات وسعر البلى 65 جنيه الواحده الاصلى