السلام عليكم
ماهي السرعة القصوى للايفو و هل هي ثابتة ؟ يعني ممكن اوصل بيها 140-160 عادي ؟
عرض للطباعة
السلام عليكم
ماهي السرعة القصوى للايفو و هل هي ثابتة ؟ يعني ممكن اوصل بيها 140-160 عادي ؟
اعتقد اكتر من كده انا معايا بونتو كلاسيك و بتجيب لحد 175 كم / س الحمد لله
اعتقد انت موتورك اكبر و اقوي اعتقد توصل 180 مستريح و الله اعلم
يعني حد جاب بيها قبل كده 180 فعلا ؟ او حتى عدى ال140 عادي بسهولة ؟
و هل بتبقى ثابتة ولا بتعوم ؟؟
لالا 190 صعب اوي
ممكن 160 165 كدا
انا شفتلها فيديو علي youtube جايبها 190
بس معرفش انا جبت بيها 150 بس اعتقد اخرها 170 في الظروف العادية.
إيه الكلام ده يا جماعه د أنا جبت بعربيتي إبيزا ١٣٠٠ و ٥٥ هورس باور ١٦٠ بس كان منزل بصراحة يعني الطبيعي إنها بتجيب ١٤٠ بسهوله
وكمان موتور بقالو ١٦ سنه شغال
يبقي الإيڤو الــ ٧٧ هورس باور يجيب كام ؟؟؟؟؟ أكيد يجيب ١٨٠ و ١٩٠ عادي
بس في حاجة علي فكره ساعات التوكيل بيبقي قافل السرعه علي حد معين عشان الناس متفتريش ع المواتير و تبهدلها
الابيزا بتاعة حضرتك وزنها فاضية 885 كيلو و بتجيب 100 كيلو فى 16.8 ثانية
الايفو وزنها 1040 و بتجيب سرعة 100 فى 13.2 ثانية
و فى الفيديو يا عمرو العربية ماجبتش ال175 أصلا
انا كان معايا جراند بكدج 2 2009 و هى هى الأيفو و جبت بيها فى طريق العالمين 200 ! مش عارف الناس الى بتقول اخرها 170 و 160 دة ازاى !!؟؟ :s العربية احسن من كدة بكتيير
حضرتك مافهمتش وجهة نظرى , أنا عايز أقول ان الايفو أتقل بكتير من الابيزا بتاعتك مثلا و رغم كدة تسارعها لحد 100 أحسن بكتير, إذا الموتور ال77 حصان عامل شغل كويس
بالنسبة للأرقام دى أنا بجيبها من موقع فيات أو مواقع تانية كبيرة زى autoevolution.com
أنا مش عارف ازاى عربية السرعة القصوى بتاعتها 165 و تجيب 200! بالتأكيد كان منزل جامد و اتجاه الهوا كان معاك قوى
ازاى 1400 ومتعديش 170 مستريح
ده البيكانتو 1100 وبتكسر ال 160 وعدادها أصلا 180
170 بالعافية و علي خمسة ار بي ام !!!
دة عندي الأونو بتجيب 140 و بنبقي راكبين 4
هي اة بتاخد وقت شوية من 100 لـ 140 بس بتجيبها و مبتبقاش حارقة علي الأخر
اكيد العربية دية فيها حاجة، لأن الرقم مش طبيعي
الايفو أتقل من الأونو بكتير
أيوة يا موي ما الأونو 1000 سي سي 45 حصان و التانية 1400 77 حصان
خلاص اية المشكله لما الايفو تجيب 170 بقى ؟ دى حاجة كويسة ان عربية 77 حصان تجيب السرعة دى, و فى رأيى الشخصى العربية لو مشيت بسرعة أكتر من كدة مش هاتبقى أمان فى طرق مصر الزبالة
و أغلب العربيات ال1600 اللى فى مصر 110 ولا 120 حصان بتجيب 200 أخرها, يعنى مش فرق كبير قوى
هو اه يا موي انا جبت حوالي 175 كم / س لان المؤشر كان معدي 170 و كان الكلام ده على طريق مصر اسكندرية في حتة من الحتت المتسفلتة جديد بحس ان العربية فيها بتسحب شكل عجيب و مكنش منزل على فكرة كان عادي بس انا ساعتها مكنتش بحرق كنت دايس متوسط يعني
و بصراحة مقلقتش من العربية ساعتها كنت حاسس انها راسية جدا بس طبعا خفيفة جدا اي طوبة هيبقى شكرا
لكن غير كده مكنش فيه مشاكل خالص الحمد لله
بس انا معملتهاش غير مرة واحدة لحد دلوقتى و محاولتش اعملها تاني
أنا جبت بردو بالجراند 195 .... وعادي خالص بجيب 180 و فضلت ماشي فترة طويلة كده عادي ...
يا جماعة ال 77 بتوع الجراند والإيفو كفاية و زيادة ... والموتور مع الوقت بيجيب معاك أكتر .
فيات الحقيقة تفوقوا على نفسهم في المواتير والتكنولوجيا بتاعتها و بيستفيدوا من كل حصان في العربية ...
هو الاوتو بتاع الايفو عامل ازاي ؟ ستربتونيك ولا ايه الفرق بظبط ؟
و ده نفس الموتور الي عندنا و جايب بيها 195 اهة
YouTube - Fiat Grande Punto 1.4 8V Top Speed
انا جبت بالجراند الأتو 180 وكان بالكروز (المثبت يعني مزود منه ) وكانت زي الفل واعتقد انها كان ممكن تجيب 190طريق القاهرة اسكندريه الصحراوي ثباتها مشاء الله كويس ربنا يبارك لصاحبها