الموضوع: حركة غريبة عجيبة حصلتلى عايز اجابة لو سمحتوا

نصيحه بقي متعتمدش علي عداد البنزين اساسا
صفر عداد الرحلات مع كل تفويله و اعمل حسابك انك متعتديش 400 كيلو الا و انت ممون :)

فية حجات بتائثر في استهلاك البنزين والي بيقولة الكمبيوتر دة بيبقا متوسط الاستهلاك

ومن الحجات الي بتاثر زي ضغطة الرجل علي دواسة البنزين انا مثلا ديما بكبس جامد فا بيزيد الاستهلاك عندي

الطريق زحمة ولا طريق سريع في الزحمة الاستهلاك بيزيد التكيف طبعا الهوا جي من وش العربية ولا من ورا لو الهوا جي من وش العربية الاستهلاك بيزيد الطريق الي انت ماشي علية ناعم ولا مكسر

وكل دة الكمبيوتر مبيعرفهوش

بصوا يا شباب:
أول حاجة موضوع الـ(---) ده بيظهر عندما تكون المسافة المتبقية أقل من 50 كيلو (انظر كتيب المالك صفحة 49)
تاني حاجة غلط جداً جداً تسيب البنزين ينقص لهذه الدرجة لأننه قد يؤدي لتلف المحول الحافزي وده بحوالي 4000 جنيه -حسب علمي- (راجع نفس الصفحة السابقة)
3- لمبة البنزين بتنور لما يبقى 8 لتر في التانك (الكتيب ص 53)
4- حساب الكمبيوتر تقريبي طبعاً.... ومعتمد على متوسطات و معدلات ممكن تتغير علشان كدة الرقم ممكن يتغير
يعني مثلا هو بيحسب المسافة المتبقية ازاي؟؟ أكيد بناءاً على معلومتين: معدل استهلاك البنزين + كمية البنزين المتبقية في التانك..
المعدل بيتغير حسب اسلوب القيادة و طبيعة الطريق و عوامل أخرى وده ممكن يكون تغير اثناء هذه الرحلة وبالتالي الحسبة تغيرت..
أما البنزين الباقي في التانك فالقراءة قد تختلف حسب ميل الطريق... و أنا أتوقع ان الطريق من بيتك للمول صاعد أو نازل لذلك أثناء الذهاب كانت العوامة معطية قراءة أكثر من الحقيقي و بالتالي المعادلة اعطت نتيجة متفائلة للمسافة المتبقية... لكن أثناء العودة اتجاه الطريق انعكس و بالتالي عوامة البنزين أعطت قراءة أقل من الحقيقي و لذلك نتيجة المعادلة قلت بشكل ملحوظ!!!
ده مجرد توقع الله أعلم وألف سلامة ومحدش يسيب البنزين يقل عن الربع علشان وساخة التانك و البلاوي اللي في بنزين مصر العامرة


-

انا ليا ملحوظة على مؤشر البنزين بتاع الواجا, بس مش عارف نفس الموضوع موجود في الجين ولا لأ. المؤشر بيعلى بدرجة بسيطة بعد فترة من ادارة العربية, معرفش الموضوع دا له علاقة بحرارة العربية ولا لأ. اللي خلاني اخد بالي من الموضوع دا, اني لما برجع مثلا من شغلي الى بيتي ولاقي مثلا مؤشر البنزين فوق الصفر بشرطة, واجي ثاني يوم الصبح اشغل العربية الاقي مؤشر البنزين على الصفر وممكن كمان تكون اللمبة منورة.خلاصة الكلام دلوقتي بحاول احط بنزين أول ما المؤشر يقرب للصفر

يستحسن لما التانك يجيب الربع... تمون

الموضوع داخل فيه شكل التانك
بمعنى إن التانك إلى حد ما مخروطي الشكل وبالتالي بيكون معدل تغير مستوى العوامة لما تكون مفول غير لما يكون التانك قرب يفضى
انا عربيتي اللى فاتت كان فيها مشكلة في عداد البنزين (بصراحة مش عارف العداد ولا العوامة ولا التنك ولا الهسهس) المهم كنت كل ما ادور وأتحرك 5 متر بلاقي مؤشر البنزين بينزل شوية وكأن البنزين بيطير وأنا راكن
ومن ساعتها وأنا دايما ملاحظ مؤشر البنزين

بالنسبة لجينا لما تكون مفول:
1. أول ربع بتلاحظ إن معدل تناقصه سريع إلى حد ما (لكنه معقول)
2. الربع الثاني المعدل بيقل شويه، يعنى المؤشر بينقص ببطء.
3. الربع الثالث (تقريباً زي الثاني)
4. الرع الرابع (وهنا يحدث الإنهيار الكبير). بحس إن المؤشر راكبه عفريت وزي ما ميدو قال بيطير في مشوار صغير جداً. أنا مستحيل أعتمد على العربية في مشوار محترم والتنك فيه الربع (متنضمنش)ز

وده راجع لأن التانك من تحت مساحته أقل من فوق وبالتالى العوامة هتتحرك أسرع فر الربع الأخير
ومن الأفضل (زي ما الأخوة قالوا) إن الواحد يمون في الربع الأخير (أو قبله طبعاً) على الأقل حفاظاً على الطلمبة من الشوائب والمحفز.