الموضوع: لسه فى ناس بتسأل :)

مرة زمان كنت مع اصحابي سهرانين في المقطم و احنا راجعين العربية عطلت كنا تقريبا نصف الليل او بعده بشوية و كنا على منزل المقطم للاوتوستراد (طريق سيء و كلة ملفات خطرة), و قف لنا شاب راكب سيات وكان (شفاة الله) معوق في ساقة و تبين انه دكتور في جامعه الازهر على ما اذكر او معيد, و كان قمة في الذوق و الاخلاق ووقف معانا وراح جاب ميكانيكي ورجع ووقف لغاية ما العربية اتصلت ومشيت و مارضيش ابدا يسيبنا و يمش لغاية ما اتطمن ان العربية ماشية

لذلك انا لما باشوف حد عطلان جنب الطريق لو كان الوقت يسمح و مش متأخر على موعد هام باتوقف و اساعد بس للاسف فية ناس ما بتقدر
مثلا مرة تانية في وقت متأخر ليلا كنت مروح و لقيت مرسيدس واقفة في عباس العقاد علي يسار الطريق و صاحبها واقف عالرصيف وراها

ركنت عاليمين و نزل عديت الشارع و سألتة ان كان محتاج مساعده للعربية لقيتة بص لي من فوق لتحت زي ما كون باشحت منة, و قاللي لااااأ

سيبتة و عديت الشارع في ثانية و ركبت و مشيت

و على النقيض في رمضان قبل الماضي في طريق المدافن اللي بيطلع من ورا المنطقة الحرة لغاية الدائري قبل كارفور و في عز الضهر كان واحد باسبيرانزا واقف في الرمل جنب الطريق و معاه طفل صغير وقفت لة و تبين ان الكاوتش نام منة و الراجل عنده انزلاق غضروفي و مايقدرش يشيل الكاوتش او يرفع العربية وكان في الاول شكلة متخوف لانة واقف في حتة مقطوعه و معاه ابنة الطفل فانا قمت باللازم و ساعدته وغيرت الكاوتش الراجل كان في قمة الخجل و الامتنان و انا كلمتة و قلت لة ان الدنيا بخير و ان الناس لبعضيها و مساعده المسلم لاخية وقت الشدة فرض

و دة واجب الفرد نحو المجتمع يا جماعه وزي ما حاتساعد الناس ربنا حايوقف لك اللي يساعدك وقت الشدة

لسة فى ناس كتيرر ولاد حلال فعل الخير فى البلد دية بيجد غالبا فوق دماغك............لسو واحد صاحبى كان عامل حادثة وخبط طفل صغير واحد كتر خيرة وقف وبيشوفة عندة ارتجاج او حاجة البوابين كلهم اتلمو على الراجل وهاتك يا ضرب فية رغم هو مكنش لية اي دعوة ....

عمر الخير ما يختفي في الدنيا

المشاركة الأصلية كتبت بواسطة ahmedtefagad

لسةواحد صاحبى كان عامل حادثة وخبط طفل صغير واحد كتر خيرة وقف وبيشوفة عندة ارتجاج او حاجة البوابين كلهم اتلمو على الراجل وهاتك يا ضرب فية رغم هو مكنش لية اي دعوة ....

هي فئة البوابين القرويين دي كدة مالهاش دعوة تتلم وتضرب الاول و بعدين تبقى تفهم هو اية اللي حصل

مايفرقهمش الا العصاية

لو الراجل اللي وقف دة كان ضابط و ضرب عايرين في الهوا كانوا زي ..... وقفوا صف و تعظيم سلام للباشا حتى لو هوة اللي كان خابط الطفل

هو دة الشعب المصري

الطين حواة و الدود جواة

مرره كنت في اكتوبر ومعايا راجل كبير وكنت داخل اعمل حاجه في حته هناك فسبتله العربيه دايره والتكيف شغال
راح هو عايز يوفر قام قافل العربيه وساب التكيف شغال عالبطاريه وفضاها
جه واحد قلتله عالموضوع راح دور على كهربائي ملقاش ومعاناش كبل وفضل كتير يلف لحد ما لقيته اشترى كبل مخصوص وجه دور العربيه وكان عايز يديهوني ومياخدش تمنه
بجد في ناس قمه في الذوق رغم ان البطاريه عملتها معايا تاني في شارع شهاب وكان معايا كبل وكل ما اقول لواحد اوصل معاك الكبل وادور يقوم باصصلي بقرف وماشي
تخيلو وقفت نص ساعه في اكتر شارع حيوي في المهندسين ومش طالب غير انهم يفتحو الكبوت دقيقه واحده ومحدش عبرني
ربنا يعامل كل واحد على قد نيته