لأ مش اوي كده لسه مبقناش وحشين اوي الناس فيها خير برده و اقرب مثال منتدانا هنا
عرض للطباعة
لأ مش اوي كده لسه مبقناش وحشين اوي الناس فيها خير برده و اقرب مثال منتدانا هنا
الحمد لله فعلا لسه فيه خير
مرة كنت نازل شغلى و كانت البطارية نايمة تماماً و كان معايا كابل
......
......
شوية و لقيت أحد الجيران نازل و معاه ابنته فطلبت منه إنى أعمل التوصيلة فوافق مباشرة:satelite:
ده طبيعى لكن المش طبيعى إنه وشوش بنته فقامت مشيت و راحت علشان الظاهر تركب تاكسى و بعد كده عرفت إنها كان عندها إمتحان :120146b
كنت فى نص هدومى .. أنا كنت حاسس إنى بحرجه لما طلبت منه ( ربنا يسامحنى ) و لكن هو كما أحسبه ممن يؤثرون على أنفسهم و لو كان بهم خصاصة ..... هو راجل كنت عارف إنه متدين قبل كده و لكن بعد الموقف ده تأكدت إنه متدين.:w6266d
أنا مبسوط من الموضوع ده جدا لأنى شايف إن احنا كتير بنتكلم عن السلبيات اللى بتخلى الواحد مخنوق و بالتالى هيتصرف بشكل سلبى لكن زى ما شفت فى المشاركات السابقة إن كل واحد اتعمل فيه خير بيحاول يرد المعروف فى كل الناس
انا شوفت حاجة من شويا مش عايز ابوز بيها فرحة الناس بالحاجات الكويسة .. بس لازم اقولها بقي ..
من شويا كدا الشارع عندنا اتدزحم شارع فرعي من شارع فرعي اخر في شارع الهرم ..
بيربط بين شارع اسمة الوفاء والامل والنفق الجديد الي عند المريوطية ..
المهم الشارع فية عربيات راكنة ع الصفيين جه قدام بيتنا في ناس حاطيين رمل وعربية راكنة الناحية التانية
جت عربية نص نقل كانت عايزة تعدي وقدامها عربية سوداقادمة من امامها المهم بتاع نص النقل سرع علشان يعدي الحتة بتاعة الرمل بدل ما يستني المهم كانت اتزنق وجت عربيات تانية والي اخرة
المهم شارع وقف .. ده يقول ده ارجع وده يقولة ماستنيتش لية والي اخرة والكلام الي عارفيينة ..
في وسط الهيصة دي فاكريين العربية السودا دي .. فيها شاب في اواخر العشرنييات عمال يزعق .. اطلع يا ....* خلص يا .... وشتايم بقي من الي هي ..
بتاع النص نقل اتنرفز وحقة الصراحة ! وشتمة ..
راح طلع الواد من العربية السودا .. ومعاة مسدس ؟ ايوا مسدس !! وبيقول الواد بتاع النص نقل خلص يا ابن الـ ........ علشان ماضربكش بالنار ؟ الراجل بتاع النص نقل قالة ما تقدرش .. الشاب بتاع المسدس اعد يشتم فية بتاع النص نقل قالة الله يسامحك فين وفين كان في ست عجوزة ماشية هي الي حاشت الواد المجنون بتاع المسدس ؟؟
!! بصراحة الموقف صدمني وكنت عايز احدف اي حاجة علي الواد ابن التيت ده افتح بيها دماغة ؟؟
مسدس وده خرز ولا ميه والله لو عملها معيا لارفع عالكبوت ومالهودش عندي دية
دي قلة ادب وسفالة
الدنيا والله فيها خير ياجماعه ... إحنا كنا مره راجعين من كارفور اللي بعد كارتة القاهره راجعين ع المعادي يدوبك طلعنا الدائري والعجله نامت وماكانش معانا كوريك... وقفنا أكتر من نص ساعه كانت الساعه حوالي 2 أو 3 صباحا ... وكنا حوالي 5 شباب ... وقفلنا واحد بعربيه دايو .. وقال أي خدمه يارجاله قولناله بس عايزين كوريك... إدانا الكوريك ورفع العربيه وغير الكاوتش كمان عمالين نقوله ياعم خلاص سيب الكوريك بس وإحنا هنغير العجل يقول لا لا لا بسيطه خلاص خلاص ... الله يجزيه خير بصراحه الشاب ده ويكتر من أمثاله .