الحمدلله لسة الدنيا بخير
النهرده وانا داخل على بنها على طريق اسكندرية الزراعي
واحدة ست ماشية قدامي وقررت فجاة تفادي عربية قدامها وقامت رايحة يمين
العربية اللى على يمينها ادتهلها كلاكس جامد الست توترت عملت الدركسيون شمال
لفة الدركسيون دي خلت العربية تعوم جااااااااااااااامد جااااااااااامد وانا وراها
قعدت تعوم يمين وشمال والحمدلله عرفت تتحكم فيها بس عرضت في نص الطريق بعد ما خلصت تعويم
المشكلة بقى اني كنت وراها على طول ضربت فرامل جامد لغاية ما الكوتش صرخ في الارض وتفادتها بصعوبة عشان كان فيه عربيات جنبي جاية بتجري
وبعديها برده وقفت على جنب وخلتها تعديني وطول الطريق هيا قاعدة تزمر وترفع ايديها ومشيت قدامها وكل ما اجي اروح يمين او شمال ادي اشارة ولقتها ماشية ورايا وبرده ملتزمة بالاشارات لانها مكنتش ملتزمة بيها قبل كده
لغاية ما دخلنا بنها سوا وبعدين سبتها عشان كنت خايف عليها اوى والله عشان اكيد اعصابها كانت باظت
وربنا يستر طريقنا
المفضلات