اصــــل الـــعــلـــوم

**PRO-DRIVE** · 02-03-2008 12:11 AM

المشاركة الأصلية كتبت بواسطة electroman

على فكرة يا برو .. معظم فطاحل علماء العرب كابن سينا و مجموعة كبيرة سوف تزهل لو عرفت ان اصلهم مش عرب بل اغلبهم من دول اسيا الصغرى و القوقاز .. دول زى كازاخستان و اوزبكستان واذربيجان .....الخ الخ !!!!!!!!!!
......

يكفيني انهم مسلمين :)

الاسلام جه عشان يحطم الحدود السياسيه يا سيد الكترومان

ارجوك بلاش جدال عشان مش حرد تاني في الموضوع دا بالذات

عربيات انا معاك ل3 سنين قدام مبزهقش

علي فكره كمان لمعلوماتك الغزيره كتبه الحديث و كتبه القرأن و مدونين قواعد اللغه العربيه و النحو

و اغلب مفسيرين القرأن مش عرب و من نفس الجنسيات

زي ما قلتلك الاسلام جه عشان يزيل الحدود الفكري اليساري الناظر للقوميه فقط
التعصب للبلد او للقبيله او للمنطقه
وجهه نظر قاصره و محدوده جداا

رجاء مره ثانيه عند حضرتك رد في صلب الموضوع علي الرحب و السعه

**electroman** · 02-03-2008 12:58 AM

المشاركة الأصلية كتبت بواسطة pro-drive

يكفيني انهم مسلمين :)

الاسلام جه عشان يحطم الحدود السياسيه يا سيد الكترومان

يا برو انا مسلم لكن انتمى للانسانية كلها و اتمنى الخير للجميع و هذا هو تقدم البشرية الذى لا مناص منه شئنا ام ابينا .. و يا ريت تتحطم كل الحدود السياسية بين البشر بصرف النظر عن ديانتهم او لون بشرتهم او عرقهم ..

انا معاك ل3 سنين مابزههقش ........
بس انا بزهق و بعدين محدش ضامن عمره لبكره ... خايف اموت من غير ما اعبر للك عن رايى !

و على فكرة معلوماتى غزيرة فعلا !! انا مرضتش اجيب كمان سيرة علماء الدين و المفسرين و مدققين الاحاديث غير العرب عشان
متزعلش و تفتكرنى ببالغ ..بس طلع عندك فكرة .... الحمدلله !

حكاية التعصب للفكر القومى و اليسارى و البلد و القبيلة ..الخ .. انا اكره التعصب و اراه سبب بلاوينا الحالية و منه التعصب الدينى
الذى لم تذكره بالمره ؟؟ .. الانسان المتعصب انسان غير سوى سيكولوجيا ..المشكلة ان احنا عايشين فى عالم منفتح الان كله على بعضه
و نت و اتصالات و دش و اقمار صناعية ..الخ .. يعنى منقدرش ننعزل عن باقى البشرية و ننغلق حتى لو كانوا غير مسلمين ..هذا مستحيل!

اما انى اخرج عن الموضوع فهذه نكته ..اولا هذا الموضوع ليس خاص بالسيارات !! ..ثانيا مكانه المنتدى الاجتماعى ! .. ثالثا
الموضوع الذى يطرح فيه فبغرض المناقشة و عرض مختلف الاراء ..مش بس الاراء اللى الواحد فيها " برو " ده او ده !! والموضوع اللى انت طرحته خاص بالعلم !! .. انا شخصيا اعتبر العلم لا وطن له .. و لا دين له - اللهم الا العلم الخاص بمسائل دينية كالفقه و الشريعة .. الخ -

و اخيرا من وقت لاخر تجد من يكتب فى الصحف او الكتب عن ان العرب هم الذين علموا اوربا و هم اصل العلم .. الخ .. و اعتقد ان مبعث ذلك هو ما نشعر به من احباط و هزيمة ..
يا سيدى الحضارة دوارة و ابن خلدون العبقرى شرح ذلك من زمان .. هناك علماء عرب و مسلمين غير عرب قدموا اسهامات قيمة فى عدة
مجالات لكن الخطأ ان ننسب لهم كل الفضل فى تقدم العلم الان .. و مثلا كثير من الغربيين اعترفوا بقيمة و اهمية ابن رشد .. و ابن رشد نفسه
اخذ الكثير من الفلسفة اليونانية التى كادت تندثر و اعاد تقديمها للغرب .. العلم و الاكتشافات العلمية ملك للانسانية كلها .. و لا ينبغى ان نظل
عايشين فى فكرة ان علماء العرب هم منبع العلم فقط او نكتفى بذلك .. علينا ان نجد و نجتهد و نتعلم و نحاول ان نقدم اسهاما علميا جديدا بدل
ان نعيش فى الماضى ... لان الماضى اصبح ماضى ... اسمح لى امضى و انام عشان عندى شغل الصبح . و خالص مودتى .

**CryptonX** · 02-03-2008 01:08 AM

[QUOTE=electroman;181654]يا برو انا مسلم لكن انتمى للانسانية كلها و اتمنى الخير للجميع و هذا هو تقدم البشرية الذى لا مناص منه شئنا ام ابينا .. و يا ريت تتحطم كل الحدود السياسية بين البشر بصرف النظر عن ديانتهم او لون بشرتهم او عرقهم
[quote/]

احسن كلمة سمعتها في الموضوع ده كله
ياريت كل الناس تفكر كده .
انا مسلم - مصري - انسان .

**ahmedateya** · 02-03-2008 01:12 AM

بيقولك : يكفيني انهم مسلمين !!

يا عمي ده دين مش علم...طب ما عندك اليابانين اهم لا مسلمين ولا مسيحيين ولا اي حاجة اصلا
من امتى كانت الديانة هية الدافع و المحفز للانتاج و الابداع؟
و من امتى المفروض افتخر بواحد علشان اخي في الديانة؟
انا مرضيتش اتكلم في ان العلما دول مش عرب اساسا علشان محدش يقول عليا اني عميل او جاسوس او اي تهم من اللي بالك فيها و لكن دي الحقيقة

لكن ماذا ابدعنا لجعل حياتنا المعاصرة افضل: ولا حاجة

نحن على الهاااااااااااااااااااااا ااااااااااااااااااااااااا ااامش

**Dr Ahmed** · 02-03-2008 01:19 AM

للدرجة دى بقينا نكره نفسنا ؟
للدرجة دى فقدنا الثقة فى نفسنا؟
للدرجة دى اتهزمنا؟؟

من غير ماضى نفخر بيه وأجداد نمشى على دربهم هتكون المهمة أصعب جدا !!!

ليه مش قادرين تصدقوا أو تفخروا باللى أجدادنا عملوه .. من غير بكاء على الأطلال ولا لعب بالكلام .. أيوه إحنا معملناش أى حاجة .. لكن آدى ناس جينا إحنا من صلبهم لكن الدنيا كانت فى إيديهم أحسن من الدنيا اللى فى قلوبنا ومش فى إيدينا !!

الرسالة واضحة: إحنا كنا شئ قيّم فى يوم من الأيام ، ونقدر نبقى بإذن الله ، مش زى ما هم عايزين يقنعونا !! ونجحوا فى كده جدا مع ناس كتير !!!!

**PRO-DRIVE** · 02-03-2008 01:22 AM

المشاركة الأصلية كتبت بواسطة ahmedateya

بيقولك : يكفيني انهم مسلمين !!

يا عمي ده دين مش علم...طب ما عندك اليابانين اهم لا مسلمين ولا مسيحيين ولا اي حاجة اصلا
من امتى كانت الديانة هية الدافع و المحفز للانتاج و الابداع؟
و من امتى المفروض افتخر بواحد علشان اخي في الديانة؟
انا مرضيتش اتكلم في ان العلما دول مش عرب اساسا علشان محدش يقول عليا اني عميل او جاسوس او اي تهم من اللي بالك فيها و لكن دي الحقيقة

لكن ماذا ابدعنا لجعل حياتنا المعاصرة افضل: ولا حاجة

نحن على الهاااااااااااااااااااااا ااااااااااااااااااااااااا ااامش

اول ايه في القرأن حتعرف ازاي هي الداينه اللي فيها الدافع

محدش قال ان مفروض تفتخر بيه لأن في الغرب بيفتخروا بيه و مش اخوهم في الديانه

علي اساس انها معلومات جديده مثلا !!!!

قبل ما تتكلم علي الناس اتكلم علي نفسك !!!!

انت ابدعت في ايه ؟؟؟

انت عملت ايه في حياتك !!!!

انت راضي انك تفضل طول عمرك علي الهامش خليك مكانك

**Dr Ahmed** · 02-03-2008 01:27 AM

المشاركة الأصلية كتبت بواسطة ahmedateya

بيقولك : يكفيني انهم مسلمين !!

من امتى كانت الديانة هية الدافع و المحفز للانتاج و الابداع؟

ههههههههههههههههههههههه
-1
-1
-1
نكتة فظيييييييييييييييييعة

أضرب كفا بكف على المسح الذرى اللى اتعرّضت ليه ثقافة الشباب ولا حول ولا قوة إلا بالله !!

**meza** · 02-03-2008 01:33 AM

ما أضافه الغرب لعلمنا ...... أكثر بكثير من أن نجرؤ أن نفكر فى إننا أصحاب الفضل فيما هم فيه. :(

صدقنى يا برو إحنا المفروض نخجل من نفسنا مش نفتخر ....... لأننا معملناش أى حاجة تذكر

طب يا سيدى أنا جد جد جد جد جد جدى الكبير كان مهندس من ضمن المهندسين اللى بنوا الأهرامات ...... هات إتنين جنيه بقى :D...... أنا طلعت من عيله عريقة.

كمان يا برو هدف الفيديوهات دى هو تأريخ فقط و إنصافاً لحق أجدادنا فى ذكر إنجازاتهم لا أكثر ....... لكن هما مش بيقولوا يا جدعان يا أوروبيين العالم العرب و المسلمين دول .... أجدادهم من زماااااااااان هما أصحاب الفضل فى اللى إحنا فيه دلوقتى ... و حياتكم بقى تحترموهم شوية و تساعدوهم باللى فيه النصيب. :p

حالياً لا مجال للإفتخار بما صنعه السابقون و لا مجال للبكاء على الأطلال ......... المجال الوحيد ... تشتغل تتعب تنجح و تجيب الخير لبلدك .

**PRO-DRIVE** · 02-03-2008 01:38 AM

... تشتغل تتعب تنجح و تجيب الخير لبلدك .

و نص اللي بيقوالوا الكلام دا ولا بيعملوا حاجه منه :)

مش اقصدك انت

بس اتخنقت من موضوع كل واحد يعملك نفسه فيها مثل اعلي في كل شيئ

و هو مزوغ من شغله ولا بيعمل اي هبل

و "مقضيها" و تلاقيه بيفتخر بعلاقاته مع دي و دي

و في الاخر يجي في الكلام و هووووووووووووب تلاقي اينيشتاين مثلا واقف بيتكلم