ياترى توكيل كيا يعرف حاجه اسمها ميثاق الشرف ؟؟
بما انى فى اجازتى السنويه واللى مقضيها فى البيت وجايب كرسى وحطه قدام البانيو
ومفهم البنات ان ده المصيف بتاعهم السنة دى بعد ما كيداهم جاءت على الاخضر واليابس مافيش حاجه قدامى غير الكمبيوتر وفجاة وانا بدعبس لقيت الخبر ده وكان بتاريخ 17/11/2009
لجنة السيارات بجهاز حماية المستهلك تصدر ميثاق شرف خاص بالسيارات المستوردة
ويتكون الميثاق من 5 بنود، يؤكد البند الأول منه على الالتزام بصيانة وإصلاح السيارات المستوردة خارج الضمان من الموديلات التي تتعامل معها الشركة، طالما أن الشركات وكيله لها بجمهورية مصر العربية، وبذات المقابل المادي للسيارات التي تضمنها الشركة، وتستثنى السيارات غير المصممة لأجواء وظروف التشغيل داخل البلاد.
ويؤكد البند الثاني التزام الشركة بأن يغطي الضمان كافة مكونات السيارة ضد عيوب الصناعة لمدة ثلاثة أشهر من تاريخ استلام العميل لسيارته، أو ثلاثة آلاف كيلو متر، أيهما أقرب.
طبعا انا قريت الخبر ده وتنحت انا عربيتى ظهرت فيها المشكلة وهى حوالى 2500ك وبعد شهرين من شراء العربية معنى كده انى كان ممكن اروح التوكيل واصلح العيب على حسابهم؟؟؟؟ :majd(4):
كملت البنود ولقيت حاجه غريبة جدا مكنتش متوقعها ابدا :
حرصت اللجنه على إرضاء الوكلاء بشأن السيارات الخليجية وصيانتها، حيث قررت أن يدفع العميل من يحوز سيارة خليجية 1.5% من قيمتها لمركز الصيانه المعتمد، وهناك من يقول - بل يؤكد - إنه لا تجني على المستهلك من حق الوكيل الذى يستورد سيارات مناسبة للسوق المصرية ويقوم بإستيراد قطع غيار خاصة بسيارته أن يحصل على جزء من المال من عملاء السيارات الخليجية لإستيراد قطع غيار مناسبة لسيارتهم خاصة وإن هناك قطع غيار لايتم إستيرادها للسيارات المتوافرة فى مصر فى الوقت الذى يثور تساؤل أكثر منطقية وهو ما هو ذنب من وثق فى تصريحات وزير التجارة والصناعة المهندس رشيد وإستخدم حقة فى أن يشترى سيارات خليجية أو جاء بها من الخارج تنفيذا لقراره.
وقتها بدأت المنافسة الحقيقية بين المستوردين والوكلاء سعريا وإن كانت الغلبة للوكلاء بعد أن منعوا دخول السيارات المستوردة لمراكز الخدمة الخاصة بهم فأصبح من يشترى سيارات مستوردة من قبل المستوردين بدون أب شرعى بالرغم من أنهم إستخدموا حقهم بقرار وزارى!!.
ايه فهمتو ولا لسه معنى البند ده......؟ هاتو ورقة وقلم واله حاسبة واحسبو معايا يمكن اكون انا غلطان
انا عربيتى خليجى سعودى قيمتها 110000ج *1.5% = 1650ج:majd(4):
امال ايه حكاية ال 4000 ج دى.......!!!!؟:_Alshmokh08[1]::_Alshmokh08[1]:
معنى كده ايه احنا بيضحك علينا ماهو لو على المبلغ ده 1650 ج كنا دفعناهم وخلصنا وعملنا صيناتنا فى التوكيل .ياترى جهاز حماية المستهلك عارف الكلام ده ؟
من صح البكر ....ايه ....من بكى الصح .......ايه من بكرا الصبح هتصل بجهاز حماية المستهلك واسال على الكلام ده ....من بكراالصبح ايه ما خلاص الصبح طلع .
واللى عايز يطلع على البنود بالكامل يدخل على اللينك ده
ظ„ط¬ظ†ط© ط§ظ„ط³ظٹط§ط±ط§طھ ط¨ط¬ظ‡ط§ط² ط.ظ…ط§ظٹط© ط§ظ„ظ…ط³طھظ‡ظ„ظƒ طھطµط¯ط± ظ…ظٹط«ط§ظ‚ ط´ط±ظپ ط®ط§طµ ط¨ط§ظ„ط³ظٹط§ط±ط§طھ ط§ظ„ظ…ط³طھظˆط±ط¯ط©