الموضوع: الاعلانات و الضغط العصب على الصبح

ستيلا هايتس الساحل الشمالى عيشها بحريه!!
يعنى ايه عيشها بحريه؟! نفسى اعرف!!

صاحى الصبح و طالع تيت تيت تيت و الدنيا زحمه و تسول لى نفسى اسمع نجوم اف ام و الواحد خايف يتأخر يتخصمله زى كل يوم و الهانم تقولى عيشها بحريه

طيب بكام يا حاجه !! اسعار تبدأ من فقط 399 الف!!! تولتوميه تسعه و تسعين الف!! ده تبدأ فقط واخدلى بالك!!! طيب ليه كده على الصبح!!!

سيبك من ده
بنك الاسكندريه اصبح اسمه اليكس بانك!!! لييه؟! قالك ايه قالك اه قالك عشان بنك يتطور لعالم يتغير!! ده فعلا احلى اعلان يوصف الوضع المزرى اللى احنا فيه! بنك فى مصر باسم مصرى بقاله سنين طويله عشان يطوروه و الناس تقبل عليه غيروا اسمه لاليكس بانك كده خلاص ماعدش نوتى و بيئه