يا ريت رأى أمين....أنا فى منتهى الحيرة

**faithiology** · 03-08-2010 10:31 AM

السلام عليكم..... أنا لسه عضو جديد بس بصراحة شايفكم عاملين شغل جامد أوى: 100%...
سؤاللى هو:
أنا دلوقتى محتار بين عربيتين ملهومش صلة ببعض خالص: سيراتو هاى لاين بجميع الكماليات و فانتاسيا بيس لاين مانيوال 2011 (بس برضه فيها كماليات مش قليلة)... وسبب الحيرة هو عدم القدرة على إجابة الأسئلة الآتية:
1. تكلفة الصيانة الدورية لكل من السياراتين...فرق جامد يعنى ولا بسيط؟
2. هل الفانتازيا فعلا سيارة حساسة أوى ومقرفة فى الصيانة (يعنى واحد قال إن لو فى لمبة اتحرقت وركبت لمبة تانية مش هتنور ولا العربية هتتعرف عليها إلا لما تدخل على كمبيوتر التوكيل)؟
3. الفرق فى تكلفة قطع الغيار حاد ولا لأ؟

يا ريت حد يساعدنى مش عايز اتدبس
وشكراً

**ahmedyehia515** · 06-08-2010 04:28 PM

المشاركة الأصلية كتبت بواسطة faithiology

السلام عليكم..... أنا لسه عضو جديد بس بصراحة شايفكم عاملين شغل جامد أوى: 100%...
سؤاللى هو:
أنا دلوقتى محتار بين عربيتين ملهومش صلة ببعض خالص: سيراتو هاى لاين بجميع الكماليات و فانتاسيا بيس لاين مانيوال 2011 (بس برضه فيها كماليات مش قليلة)... وسبب الحيرة هو عدم القدرة على إجابة الأسئلة الآتية:
1. تكلفة الصيانة الدورية لكل من السياراتين...فرق جامد يعنى ولا بسيط؟
2. هل الفانتازيا فعلا سيارة حساسة أوى ومقرفة فى الصيانة (يعنى واحد قال إن لو فى لمبة اتحرقت وركبت لمبة تانية مش هتنور ولا العربية هتتعرف عليها إلا لما تدخل على كمبيوتر التوكيل)؟
3. الفرق فى تكلفة قطع الغيار حاد ولا لأ؟

يا ريت حد يساعدنى مش عايز اتدبس
وشكراً

1- تكلفة الصيانة بتاعت الاسكودا أغلى من الكيا و متهيألى أغلى شوية كويسين.
2- انا معايا الفابيا ، و هى فيها حساسات بس عمرى ما سمعت عن موضوع اللمبة ده، العربية مقرفة شوية فى حساستها بس مش للدرجة ده.
3- زى الصيانة ، قطع غيار الفانتازيا أغلى من السيراتو.

السؤال الحقيقى هو ليه أصلاً تقارن العربيتين دول ببعض ، انت ممكن تقارن السيراتو بالكورولا و المازدا و الإلنترا و الصنى و الفانتازيا تقارنها بالسيفيك و الجيتا، أنا شخصياً لو بختار بين الاتنين هختار الفانتازيا عشان شكلها أحلى و من جوه أوسع و الثبات أحسن بكتير و فى الأول و الآخر موتور فولكس فاجن بس طبعاً الموضوع أذواق و ربنا يوفقك للى فيه الخير.

**eng_ahmedryad** · 06-08-2010 06:10 PM

مافيش شك أن الكوري والياباني عموما في الصيانة هايكون أسهل وأرخص في المصنعية و قطع الغيار

أما موضوع حساسية العربية وأنها محتاجة معاملة خاصة ده يفيدك فيه ملاك العربية القدام

**Astra200** · 06-08-2010 08:59 PM

انا معرفش السيراتو اخبارها ايه --

بس انا سوقت ياباني (سويفت) والماني (اوبل استرا) وبعدين الاوكتافيا -- طبعا اريحهم الاوكتافيا -- يعني ممكن تعمل مشاوير طويلة وتخرج من العربية مش تعبان-- ثبات -- تحكم

يعني وانا ماشي بسرعة لوعملت ملف مفاجيء -- العربية ماتلفش منك -- وده مهم

موضوع اللمبات ده مبالغة -- بالعكس -- العربية بتعرفك لو فيه لمبة محروقة وانت مش واخد بالك -- تقوم تغيرها بدل ماحد يقولك خد بالك اللمبة دي محروقة

-لو فيه كوتش مريح شوية -- برضة حتقولك

بص لومكانك -- مش حاخد عربية كوري مهما كان شكلها

بس انت بتتكلم علي مستعمل ولا جديد ؟

قطع غيار الفانتازيا مش غالية الا في بعض الحاجات -- وده ممكن يكون وارد في اي عربية تانية

رايي -- خد فانتازيا

الصيانة مش معقدة --- تغير سير كاتينة والبكرة علي 60000