يا ريت رأى أمين....أنا فى منتهى الحيرة

السلام عليكم..... أنا لسه عضو جديد بس بصراحة شايفكم عاملين شغل جامد أوى: 100%...
سؤاللى هو:
أنا دلوقتى محتار بين عربيتين ملهومش صلة ببعض خالص: سيراتو هاى لاين بجميع الكماليات و فانتاسيا بيس لاين مانيوال 2011 (بس برضه فيها كماليات مش قليلة)... وسبب الحيرة هو عدم القدرة على إجابة الأسئلة الآتية:
1. تكلفة الصيانة الدورية لكل من السياراتين...فرق جامد يعنى ولا بسيط؟
2. هل الفانتازيا فعلا سيارة حساسة أوى ومقرفة فى الصيانة (يعنى واحد قال إن لو فى لمبة اتحرقت وركبت لمبة تانية مش هتنور ولا العربية هتتعرف عليها إلا لما تدخل على كمبيوتر التوكيل)؟
3. الفرق فى تكلفة قطع الغيار حاد ولا لأ؟

يا ريت حد يساعدنى مش عايز اتدبس
وشكراً

صراحة انا اعرف السيراتو الهاي لاين عربية محترمة جدااا وشيكك جداااا وامكانياتها جبارة بس الفانتازيا ده مسمعتش عنها غير لما يتقال ايه يا عم الفانتازيا الي انت فيها بس هسال واشوفها ومنور يا باشا الموقع

الفانتازيا صيانتها مش مكلفة خالص وصيانتها حلوة
تانى حاجة الكلام الى بيقولو صحبك دة غلط
الكمبيوتر بتاعها بيقبل عادى

حضرتك مينفعش تقارن الاتنين فرق شاسع بين الاتنين للفنتازيا أنا ركبت السيراتو لمده شهر هي فيها مشكله العفشه النشفه ألي بتأثر على الثبات مع مطبات الهوا الموتور والسحب جبار بس الفتيس محتاج غيار خامس استهلاك البنزين مرتفع شويه بالنسبه للفنتازيا العيب الوحيد إن طلعتها بطيئه شويه بس بتعوض بالعزم العالي والفتيس ٦ نقلات واستهلاك بنزين ممتاز

الفنتازيا مبنيه على شاسيه جولف ٥ و ثلاثين سنه من الطتوير كيا أول عربيه تنتشر وتخش المنافسه هي السيراتو
رأي حضرتك لازم تجرب الاتنين أنا شخصيا اشتري فنتازيا بدون تردد

اقتباس:

---

المشاركة الأصلية كتبت بواسطة hisham80

حضرتك مينفعش تقارن الاتنين فرق شاسع بين الاتنين للفنتازيا أنا ركبت السيراتو لمده شهر هي فيها مشكله العفشه النشفه ألي بتأثر على الثبات مع مطبات الهوا الموتور والسحب جبار بس الفتيس محتاج غيار خامس استهلاك البنزين مرتفع شويه بالنسبه للفنتازيا العيب الوحيد إن طلعتها بطيئه شويه بس بتعوض بالعزم العالي والفتيس ٦ نقلات واستهلاك بنزين ممتاز

الفنتازيا مبنيه على شاسيه جولف ٥ و ثلاثين سنه من الطتوير كيا أول عربيه تنتشر وتخش المنافسه هي السيراتو
رأي حضرتك لازم تجرب الاتنين أنا شخصيا اشتري فنتازيا بدون تردد

---

انا مع الرأي ده و بصراحة مع توافر الفلوس مقدرش اتخيل حد ممكن يعلى السيراتو على الفانتازيا

من ناحية التسارح والسحب السيراتو اقوى شوية وبقول شوية لان الفانتازيا بتعوض الكلام دة بعدين يعنى هيا الطالعة بس اللى بطيئة نسبيااا
اما من ناحية الصاج فالافانتازيا صاجها ممتاز دة غير الفرامل بتاعتها اقوى
ومن ناحية لثبات فمفيش كلام الفانتازيا انا شايفها ممتازة ودة ميمنعش ان كمان السيراتو باجنوط ال17 ثابتة بس الفانتازيا لو بجنوط 15 حتى بتبقى ثابتة جدااا على السرعات العالية
دة غير انك فى الفانتازيا بتبقى مرتاح اوى وبتحس ان السواقة ليها طعم خاص
من الاخر الفانتازيا لا يعيبها الا الماتور اللى بطىء نسبياا فى البداية مع العلم انة هوا موتور الجيتا والباسات
من الاخر فانتازيا يعنى عفشة وموتور وفرامل المانى (فولكس )

اقتباس:

---

المشاركة الأصلية كتبت بواسطة mohamedrabia

صراحة انا اعرف السيراتو الهاي لاين عربية محترمة جدااا وشيكك جداااا وامكانياتها جبارة بس الفانتازيا ده مسمعتش عنها غير لما يتقال ايه يا عم الفانتازيا الي انت فيها بس هسال واشوفها ومنور يا باشا الموقع

---

الكلام ده مينفعش إطلاقا يتقال علي الفانتازيا..ممكن تعكس الكلام ده علي السيراتو..اللي هي أصلا موتور وشاسيه إلنترا..ثم إن العربيتين مينفعش يتقارنوا ببعض..فرق السما من الأرض.

متابع ياهتمام

لان فية كلام كتير مستغرب اني اسمعه

اقتباس:

---

المشاركة الأصلية كتبت بواسطة Adham

متابع ياهتمام

لان فية كلام كتير مستغرب اني اسمعه

---

زي إيه؟؟

انا كنت في نفس حيرة سيادتك كدة .. بس رسيت في الاخر على الفانتازيا المانيوال
بص من الاخر مفيش اي مقارنة على الاطلاق لا في الثبات ولا قوة الموتور ولا متانة العربية ولا عوامل الامان ولا الصناعة ولا اي حاجة .. علما بان السيراتو سيارة محترمة جدا وتستحق الاحترام وانتشرت جامد وبقي ليها سوق محترم
ولكن جميع نقاط المقارنة في صالح الفانتازيا طبعا (ميش تحيز علشان عربيتي بس دي الحقيقة فعلا)
بس في نقاط لصالح السيراتو .. اولا واهمهما ودي تعتبر فيصل كتير عند ناس كتير وهي موضوع الاوتوماتك اللي اصبح ضرورة في شوارعنا المزدحمة حاليا .. ودا موضوع مهم جدا .. تاني حاجة التسارع في البداية بتاع السيراتو افضل .
شوف بقي انت اية افضلك واستخير واتكل على الله .. بس لو موضوع الاوتوماتك ميش فارق معاك بدون تفكير استخير واتكل على الله وهات الفانتازيا وان شاء الله ميش هتندم خالص
اة حاجة كمان اعرف ان توكيل كيا افضل من توكيل اسكودا (دا من باب الامانة) .. بس اعتقد لو توكيل اسكودا فتح فرع القطامية هيفرق كتير قوي .. وبالمقارنة اسعار الصيانات هتلاقيها تقريبا متقاربة (اة فعلا تصدق) وكمان قطع الغيار متقاربة في السعر جدا ان ماكنتش في الفانتازيا ارخص (طبعا هتقول اذاي بس .. بس هي دي الحقيقة واسال وقارن بين اي قطعتين غيار في العربيتين هتلاقيهم متقاربين جدا فس السعر مع فارق ان الاسكودا قطع غيارها معمرة كتيييييييييييير عن الكوري بوجه عام)
بس خلاص .. انا قلت اللي اعرفة
سلام
:w6266d

جزاكم الله خيراً جميعا.....متشكر جداً للمساعدة

اقتباس:

---

المشاركة الأصلية كتبت بواسطة inspiron

زي إيه؟؟

---

زي :

اقتباس:

---

المشاركة الأصلية كتبت بواسطة HISHAM80

استهلاك البنزين مرتفع شويه بالنسبه للفنتازيا .....................

الفنتازيا مبنيه على شاسيه جولف 5

---

اقتباس:

---

المشاركة الأصلية كتبت بواسطة mohamedrabia

الفانتازيا ده مسمعتش عنها غير لما يتقال ايه يا عم الفانتازيا الي انت فيها بس هسال واشوفها

---

اقتباس:

---

المشاركة الأصلية كتبت بواسطة Fadi Ezzat

الفانتازيا صيانتها مش مكلفة خالص

---

هى فانتازيا موديل 2011 نزلت ؟ و لو نزلت ..بكام

يا جماعة بجد حرام المقارنة بين الفانتازيا والسيراتو إيش جاب لجاب، الفانتازيا ده عربية تقارن بالباسات والجيتا وما فوقهما لكن السيراتو طبعاً لا

اقتباس:

---

المشاركة الأصلية كتبت بواسطة yassermahmmoud

يا جماعة بجد حرام المقارنة بين الفانتازيا والسيراتو إيش جاب لجاب، الفانتازيا ده عربية تقارن بالباسات والجيتا وما فوقهما لكن السيراتو طبعاً لا

---

هو ده الكلام..ومش عارف بجد بجد.شئ غريب..الناس تقارن بين العربيتين دول إزاي.الفانتازيا هاي لاين تجيب عريتين سيراتو.