ينفع الميه تقطع 3 ايام في الجو ده

**Karim_Monir** · 03-08-2010 11:19 AM

بالذمة ده كلام
يرضي مين المية تقطع 3 ايام في الجو النار ده في منطقتي الحرفيين
الكهرباء وفهمناها
لكن المية
وبطلو يبعتو فناطيس المية خلاص
والمية المعدنية هاتكفي اكل ولا شرب ولا تواليت
والله حرام يا بلد
وتكلم كل انواع النمر بتاعت الطوارئ مابيردوش
ولما تكلم غرفة الطوارئ الرئيسية يقولك فيه مشكلة في الماسورة الام
ومش عارفين هاتتحل امتى
بالذمة ده كلام
حسبي الله ونعم الوكيل

**Ahmed Nasr** · 03-08-2010 11:29 AM

الحكومة بتقول ينفع؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

**m10_10** · 03-08-2010 11:30 AM

ياكبير الناس اللي هناك لو ردو بيقولو اي حاجة..
عندنا في اكتوبر بيكونو مجهزين الردود قبل مايردو دة لما بيردو بعد طلوع الروح..
من ضمن الخدمات واحد عندنا كان تبع البلدية ماشي بالجرار اللي بيسوي الارض وماشي جنب بوكس الكهربا اللي جنب بيتنا قطع الكابل وانا قاعد في البيت سمعت صوت الفرقعة بتاعه قطع الكابل والكهربا طبعا فساعتها قطعت ..
بكلمهم الراجل من قبل ما احكيلو اللي حصل بيقول احنا اصلا قاطعين الكهربا صيانه من شوية..
طب ياعم مش تعرف انا فين الاول ولا عنواني .. وبعدين الكهربا ماتقطعتش غير لما الجرار دة قطع الكابل هو اي هبل في الجيل وخلاص..
والاسم بنقدم خدمات للمواطنين...

**ahmed76** · 03-08-2010 11:35 AM

انا متخيل الموقف تماما

حر لا يطاق
نرفزه وعصبيه داخل المنزل لكل افراد الاسره
طيب و الاطفال يعملوا ايه ( وخاصه السن الاقل من 4 سنين)

الطفل محتاج ( تواليت و استحمام وغيره كل كام ساعه )

الحل فى الحاله دى ان الواحد يسيب لهم الشقه ويروح عند اهله لغايه ما سيادتهم يركبوا الماسوره الاب

**Karim_Monir** · 03-08-2010 11:41 AM

المشاركة الأصلية كتبت بواسطة ahmed76

انا متخيل الموقف تماما

حر لا يطاق
نرفزه وعصبيه داخل المنزل لكل افراد الاسره
طيب و الاطفال يعملوا ايه ( وخاصه السن الاقل من 4 سنين)

الطفل محتاج ( تواليت و استحمام وغيره كل كام ساعه )

الحل فى الحاله دى ان الواحد يسيب لهم الشقه ويروح عند اهله لغايه ما سيادتهم يركبوا الماسوره الاب

فعلا المشكلة في الاطفال
والنرفزة لا تطاق
وامس روحنا عند اهلها لكن مش كل يوم هاروح مشوار زي ده في مكان شكل عشان المية
وانا عندي محول مية التكييف على زجاجة كبيرة 20 لتر حاططها في البلكونة عشان ماذيش حد بمية التكييف
بستخدمها لتقطير المية خاصة ان الرطوبة عالية
بس حرام والله اللي بيعملوه ده
والرد المستفذ
بقولها طب قوليلي ميعاد تقريبى
يوم اسبوع شهر
تقوللي معرفش
كلمت ناس تانية في شركة المية
بيقولو يمكن النهاردة ويمكن بكرة
السخيف انها جت امس ساعتين واحنا مش موجدين
يعني في امكانية لفتحها اهو

**زينة الله** · 03-08-2010 11:51 AM

ربنا يفك كربك إن شاء الله و ترجع الميه لمجاريها
اللهم أغثهم اللهم أغثهم اللهم أغثهم
يا أكرم من سئل يا حنان يا منان يا قاضى الحاجات
أقضى حاجتهم و فرج كربتهم يا كريم

**ASKAFRAWY** · 03-08-2010 11:56 AM

ياكريم باشا حضرتك مستغرب ليه بس
دة انت فى مصر بلد اللامعقول انا حاسس لو عملوا جائزة لاكثر بلد فيها حاجات لامعقولة بتحصل
يبقى مصر هتاخدها بجدارة
انا فاكر مشكلة البرلس لان كنت مسافر مرة على الطريق الدولى الساحلى و لقيت مظاهرة اهالى القرية ماسكبن جراكن و لك ان تتخيل قرية باكملها عايشة بدون مياه لمدة 4شهور تقريبا و دلك لحدمة مصيف بلطيم عشان الناسس تبلبط و تتبسط
وفى النهاية ابتسم فانت فى مصر....بلد ال 100 مليون مريض

الموضوع: ينفع الميه تقطع 3 ايام في الجو ده

LinkBack

أدوات الموضوع

عرض

ينفع الميه تقطع 3 ايام في الجو ده - انشر الموضوع فى :

-

-

-

-

المواضيع المتشابهه

الشباب الميه الميه اعضاء ونجوم نايل موتورز ارجو المساعده كربراتير

الميه بتنقص كل 5 ايام

من اجل شجرة لم تقطع بعد

(الميه بتنقص جامد)هل فيه ماده بتتحط في الردياتير لمعالجه تسرب الميه ؟

انجدوني الدايو تقطع

الكلمات الدلالية لهذا الموضوع

المفضلات

المفضلات

ضوابط المشاركة