طلب من أطباء الأسنان
عايز اعرف ايه الاسلوب الصحيح فى التعقيم فى عيادة الاسنان
ضرورى للأهمية
عرض للطباعة
طلب من أطباء الأسنان
عايز اعرف ايه الاسلوب الصحيح فى التعقيم فى عيادة الاسنان
ضرورى للأهمية
يعني ايه الاسلوب الصحيح للتعقيم؟
المفروض انك كمريض بتدخل العياده بتلاقي الدنيا نضيفه الارض نضيفه عالاقل معليهاش بقع دم او خلافه الكرسي اللي بتقعد عليه نضيف الادوات اللي بتتحط في بقك يا اما تلاقيها متكيسه او خارجه من مكان نضيف تبص على ضهر المرايه اللي هتتحط في بقك لو لقيتها مجيره و عليها حاجات بيضا يبقى التعقيم عند الدكتور زي الزفت و الادوات ما بتتغسلش كويس
ممكن تطلب من الدكتور وانت بتاخد البنج لو لقيت الحقنه جاهزه قولله لا انا عاوز الحقنه تتفتح قدامي(سن الابره يعني)و طبعا لازم يكون لابس جوانتي و الكوبايه تتحط قدامك مش تدخل تلاقيها محطوطه و شفاط اللعاب لو موجود عند الدكتور يبقى نضيف و جديد و برضه محطوط قدامك
لو بتعمل تركيبات يبقى التراي اللي بيتاخد بيها المقاس تكون نضيفه و مفيهاش اي اثار للعجينه اللي بيتاخد بيها مقاس الفك
و لو بتعمل حشو بنظره خاطفه كده وانت قاعد عالكرسي تبص على مكنه الحفر نضيفه ولا لا و عليها دم ولا لا او الحاجات البيضا زي اللي موجوده على ضهر المرايا بتاعه الفم
دي كلها حاجات تتاكد منها الدنيا صح عند الدكتور ولا لا
ومش فاكر حاجه تانيه لو افتكرت هقوللك
اه افتكرت
لو اداه من ادوات الشغل اللي بيشتغلك بيها الدكتور وقعت عالارض لازم تخليه يجيب واحده تانيه مكانها لو لقيته حطها مكانها و كان شيئا لم يكن
و الادوات لما بتترص قدامك بتترص على منديل و لا كيس نايلون ولا طبق بلاستيك يستعمل لمره واحده ولا لا
افضلهم طبعا الطبق ثانيهم الكيس النايلون و اخرهم المنديل بس زي قلته لانه بينقع دم و قرف و حاجات
انا شخصيا بستعمل الاطباق البلاستيكيه ذات الاستخدام الواحد
وللاسف فيه دكاتره البنات اللي عندهم بيمسحوا الاطباق دي و ينضفوها و يعيدوا استخدامها و ربنا يلطف بينا
اذا انعدمت الضمائر فلنا الله
العفو يا باشا و اي خدمه
التعقيم ضمير ........
مستحيل العيان يقدر يعرف مستوى التعقيم أو مدى كفاءته
حضرتك تختار طبيب ثقة ....
عموما موضة عيادات الأسنان بتنقل أمراض دي خلاص بطلت
بس في تقنيات جديدة ووسائل أكثر احكاما في التعقيم على مراحل مختلفة
بس مش هاتشوفها
اللي دكتور مصطفى قاله طبعا نصائح مفيدة لكنها تضمن النظافة فقط أو مظهر العيادة
الكونترا ممكن تكون نظيفة ومش متعقمة .
و كتير من الأطباء بيكون عندهم سيستم للتطهير و التبديل بين المريض و التاني و مش بيكون حط الكوباية ولا تجهيز التخدير الموضعي و الشفاط بيتعمل قدام المريض ..
و أنا الحقيقة لو مريض طلب مني أفتح الإبرة قدامه بافهمه انه لازم يثق في أمانتي
ولو مش عايز يثق في النقطة دي ...بافهمه ان في 1000 نقطة هو أساسا ما يعرفهاش و ممكن أقصر فيهم لو ماعنديش أمانة
الخلاصة
بتدور على التعقيم .......دور على الضمير
أولا بشكر دكتور أحمد سامى للمداخله
طلب من الأطباء
ممكن حد يقول وبإختصار او من غير اختصار طريقة التعقيم الصحيحه لنقلها لأحد المستوصفات تعمل بجوارى عشان فعلا بشوف اعداد كبيرة عندهم وانا عرفت من طبيب فى المنتدا ان طريقة التعقيم الصحيحة ان بيتم تحضير لعدد 10 أدوات لـ 10 حالات ولو زاد عليهم واحد بيرفضو عشان ادوات التعقيم خلصت على المرضى العشر
المطلوب
1) الحد الأقصى فى التعقيم
2) الحد الأدنى فى التعقيم بمعنى (أقل حاجه تتعمل فى التعقيم لعدم نقل أى أذى للمريض)
أنا عارف ومتأكد ان رقم (2) دى مش حتعجب أطباء كتير بس انا طلبها لتيسير طلبى للمستوصف
أعذرونى عشان انا مش طبيب بس حبيت اعمل حاجه
ولكم جزيل الشكر
معلش مفيش حاجه اسمها الحد الادني للتعقيم
الحد الادني للتعقيم ان يبقى فيه ضمير بمعني اني لو شايف المكان و الادوات لا تصلح او التعقيم شايف ان هوه تعبان يبقى بناقص منوا (انا مش قادر اعمل الخير يبقى ما اعملش الشر مش اعوم مع الموجه)و الحد الاعلى للتعقيم ان يبقى فيه ضمير و احتياطات الانفيكشن كونترول
اللي هيه متمثله في حاجات كتييييييييييييييييير اوي ابتداء من نظافة المكان و انتهاء بنظافه الادوات اللي بتستعمل مع المريض
المشكله ان موضوع الانفكشن كونترول ده تقريبا بناخده في كل تخصص من مجالات طب الاسنان و كل قسم بيتكلم في الموضوع من وجهه نظره ولو اتكلمت في الموضوع ده من هنا لبكره مش هخلص كلام بس من الاخر ان اي حاجه ممكن تتعقم لازم تدخل جهاز التعقيم و اي حاجه ما بتتعقمش تترمي لانها في الغالب هتكون ذات استخدام واحد وفي حاجات ما بتترماش بس ما ينفعش دكتور الاسنان يمسكها و بيجيب مساعد ليه هوه اللي يعملها اصغر مثال و تافه جدا وممكن ما حدش بياخد باله منه
الموبايل لو جه للدكتور موبايل و هوه شغال بيرد و هوه لابس الجوانتيhttp://www.nilemotors.net/Nile/image...7_4%5B1%5D.gif طبعا و شوف بأه رد على كام موبايل قبل كده وهوه لابس الجوانتى و هيحط ايده في بقك :satelite:
معلش يا دكتور احمد تعليق بسيط على موضوع فتح سن الابره قدام المريض
المريض لو طلب منك كده لا تتردد في فتح سن اخر لان انت لو حاولت توضح مبدأ الثقه و الكلام ده المريض برضوا هيبقى متشكك منك (هوه جايلك اكيد لانوا واثق فيك بس فيه ناس عندها وسواس قهري و عاوز زياده تأكيد )ودول ربنا يبعدنا عنهم لانهم بيخلوا الواحد يخرج من هدومه:fdsa:
وكلاتمك صح التعقيم ========================>ضمــــــــــ ــــــــــــــــــــــير
رأي حضرتك يحترم طبعا
كنت بافتحها قدام العيان في الكلية فقط لأنه جاي كلية و ما يعرفش أنا مين لأني طالب أو امتياز و خلاص ....
انما عمري ما عملتها في العيادة اني استجيب لمريض شكاك
بدون عند طبعا ...الحجة القوية للطبيب تخليك تقدر تقنع مريضك بسهولة ...
_________________________________________________
خطوات التعقيم بشكل مختصر :
1 - جمع الأدوات في وعاء مخصص للأدوات الغير معقمة (يكون خارج نطاق العمل العلاجي) يعني في غرفة مخصصة أو على الأقل في ركن بعيد.
2 - تقوم الممرضة بغسل الأدوات بالفرشاة تحت الماء (مغمورة) أو باستخدام جهاز الموجات فوق الصوتية و هو مش غالي تمنه 1000 جنيه للحجم المتوسط و بيوفر وقت و خطر كبير .
3 - تجفيف الأدوات بشكل جيد و التأكد من ازالة كل الرواسب و الدماء
4 - البعض يضيف خطوة تعقيم كيميائي
5 - تغليف الأدوات بحد أقصى 4 ادوات في الكيس الواحد (اختياري) بعض اجهزة التعقيم لا تلائم الأكياس مع قدرتها على التعقيم بكفاءة عالية .
6 - تحضير الأوتوكلاف حسب نوعه (بداية من السوائل الخاصة و حتى الماء المقطر اللي ممكن تشتريه من البنزينة حتى) لكن شراء الماء المنتج للتعقيم افضل لكنه يرفع التكلفة بقدر ضئيل .
7 - بعد نهاية الدورة اللي ممكن توصل 3 دقائق فقط أو ربع ساعة في الأجهزة العادية ....يتم ترتيب و توزيع الأكياس على أماكن الاستخدام (بعد ملاحظة علامة التعقيم انها ايجابية).
الحاجات اللي فاتت دي مش صعبة و ممكن عملها بتكلفة أجهزة تعقيم لا تتجاوز 6 الاف جنيه
طبعا ممكن رفع التكلفة لـ 36 الف
افضل اجهزة التعقيم في مصر هي أجهزة تاو و هيدرا الإيطالية
طبعا في حاجات تانية بس دول اللي اتعاملت معاهم