سؤال مهم بخصوص عطل فى أوبل أسترا 1600 أتوماتيك موديل 2004

السلام عليكم ورحمة الله ,

أنا كنت بسأل أهل الخبرة فى موضوع أنا معاية أوبل أسترا 1600 أتوماتيك موديل 2004 وفيها مشكلة أنها العربية بتبطل على طول فى السلانسة يعنى أول ما أدول واشيل رجلى من على البنزين تبطل على طول وتفضل تعمل كدة كتير ونفس الكلام وانا ماشى وبهدى عند مطب جامد أو كدة بردة تبطل واضطر انى أجيب العصاية على المور وادور تانى وممكن تتكرر كتير أوى لدرجة انها فعلا كرهتنى فى العربية وروحت كشفت عند أتنين الأول صابر الى فى مدينة نصر قالى الكمبيوتر مطلع ان فيها حساس egr وعاوز يتغير بس انا محبتش التعامل معاه لأنة بيتنك وبايخ جدا , المهم روحت عند التانى فى المعادى مركز أسمة الهندسية كشف عليها قالى هية مسجلة عطل فى ال egr وحساس الشكمان بس دة ميقولش انهم بايظين قولتلة فعلا انا فكتهم مرة ودورة وهما مفكوكين قالى يبقى لازم يسجلوا العطل دة قالى يبقى احنا لازم نمسحهم الأول ونشوف لما العربية تدور تانى هتسجل نفس الأعطال يبقى فعلا فيها مشكلة الحساسات دية والحمد لله عملنا كدة ومسجلتش اى حاجة تانى خالص بس للأسف العربية مشكلة التبطيلة دية فعلا قرفانى انا عاوز حد يقولى ممكن اعمل اية او افك اية انضفة او اتصرف ازاى مع العلم انى الحمد لله بفك بأيدى وممكن انفذ بنفسى ومعاية كل العدة المطلوبة ممكن بعد أزنكزا حد يفيدنى فى المشكلة دية؟


أرجو الرد بالشرح وبسرعة لأن انا خايف من كتر استخدام المرش الكتير دة يحصلة حاجة وانا العربية اتوماتيك يعنى ساعتها مش هعرف اتصرف وشكرا......

فى أنتظار المساعدة.

هى لو فيها أيدل ممكن يكون هو اللى فيه المشكلة.
بس انت ليه مدوخ نفسك و عاوز تفك و تنضف .. ادى العيش لخبازة .. روح لمقار و هم يشوفوا فيها ايه .. ويقولك هات ايه بالضبط .. و تريح دماغك و تجيب من الاخر.

اقتباس:

---

المشاركة الأصلية كتبت بواسطة kareemz

هى لو فيها أيدل ممكن يكون هو اللى فيه المشكلة.
بس انت ليه مدوخ نفسك و عاوز تفك و تنضف .. ادى العيش لخبازة .. روح لمقار و هم يشوفوا فيها ايه .. ويقولك هات ايه بالضبط .. و تريح دماغك و تجيب من الاخر.

---

+111111

احسن حاجة مقار ثم مقار ثم مقار وانشاء الله تطلع حاجة بشلن.

والله انا مش موضوع أدوخ نفسى بس للأسف كل شوية حد يعك فيها يبوظلى حاجة تانية لما قرفت فدلوقتى بدور على حد بقى يكون حصل معاه العيب دة أو يكون عندة معرفة اية دة لأنها مشكلة تزهق بس بجدا شكرا على مروركم

ده عيب ايدل صريح
عليك و على مقار

انا كان عندي نفس العطل في عربيتي زيها بس 2005 وغيرت ال egr والعربيه بقت تمام وزي الفل . طلامة بتبطل بعد تنضيفه يبقا مبيقفلش كويس ملوش حل انا كان عندي نفس المشكله . لما يفتح وهي علي السلانسيه بيخنقها وتبطل فوري لان العادم داخل علي المتور وهو سلنسيه المفرود ميدخلش الا و rpm عالي .

اكثر من واحد قال لك العيب و اللى اعرفه انه ايديال (طالما على السلانسيه) و فادى معاه زيها و قال لك ال egr

ألف ألف شكر على مروركم جميعا , طيب هوا لو أيديال بيتغير ولا بيتنضف؟
ومن رأيكم أفضل حد هوا مقار يعنى؟ أخر حاجة طيب هوا ممكن يتكلف فى حدود كام لو EGR أو Idle
وشكرا..........

كنت بالنسبة لفادى أنتا لما غيرت ال EGR بتقول أتظبطت طيب أنا لما بشيل فيشة ال EGR خالص بردة بتفضل تبطل كتير

كدة الايدل (منظم الهواء ) بايظ