الرجلاش دة لازم يتجرب العربية بعدة زي ما كل الاخوة قالوا
يعنيتتجرب و لو لقيت الدركسيون تقيل يتخف الرجلاش شوية و تجرب تاني
لقيت الطارة خفيفة قوي (تلاقي العربية عايمة منك و مش راسية) يبقى يتقرط عالرجلاش تاني
و كدة لغاية ما يتضبط في وضع كويس تلاقي العربية موزونة و الدركسيون مش تقيل بزيادة و لما تسيبة يرد لمكانة ما يثبتش مكانة
كان مفروض حضرتك تجربها عند الاستلام (مافيش توكيل بيسلم عربية من غير تجربتها) أولما كنت خرجت و لقيتها كدة كنت لفيت و رجعت لهم فورا لكن قدر الله و ما شاء فعل و عسى ان تكرهوا شيئا و هو خير لكم
المهم بقى مسمار الرجلاش دة بيبقى في علبة الدركسيون تحت المشرشر اللي جاي من اكس طارة الدركسيون
يعني هو في تقاطع العلبة مع الاكس و تخف شوية و تجرب لو تقيلة خف تاني و لو عايمة تقل عليها
سهلة جدا و مش محتاجة اي متخصص اي ميكانيكي تعبان يعملها حتى
وتقبل تحياتي
المفضلات