عندي مشكله فى الدريكسون سببها التوكبل
السلام عليكم ورحمة الله وبركاته
في البدايه اسمحولي اني مش هاذكر اسم التوكيل الي عملت عنده الصيانه
الموضوع
اني يو م السبت 31-7 روحت عملت صيانه ال 80 الف كيلو المهم قولت لمهندس الاستقبال انا عايز اظبط رجلاش علبه الدريكسون ( طبعا طبقا لنصيحة السيد المهندس سبعاوي ) المهم العربيه طلعت من التوكيل الساعه 5 وانا اخدتها واول ما ركبت حسيت ان الطارة تقيله شويه قولت ممكن تكون ايدي واخده علي الوضع القديم المهم روحت وتاني يوم كان عندي شغل في السويس وسافرت بسياره الشركه ويوم الاثنين اخدت الاسره ورجعت فى طريقي للغردقه وطول الطريق اجيب العربيه من اليمين تروح في الشمال وهكذا طول ال 450 كيلو وانا شاكك في نفسي اني نسيت السواقه مع اني ماشي الطريق ده من 3 ايام وكمان ضد الهوا والعربيه كانت تمام
المهم فى نهايه الطريق في يوترن قولت اجرب اسيب الطاره واشوف ترجع لوحدها ولا لا المفاجاءه ان الطارة مارجعتش خالص ولقيت العربيه رايحه علي الرصيف كملت لحد البيت وطلبت مهندس الاستقبال قولتلو عن المشكله قالي طبعا كالمعتاد جيبلنا العربيه ونكشف ونشوف
المهم انا مقيم بالغردقه يعني 900 كيل ذهاب وعوده
طبعا كلكم بتساءلو انا عايز ايه من الدش ده كله
انا عايز الاتي
1 - ياريت كل واحد يعمل شغله يعمله بدقه بحيث ان ما يجتجش ان المستخدم يراجع عليه تاني وخصوصا في السيارات لان كان ممكن يحصل مصيبه لا قدر الله بسبب ان فني سرح وهو بيعمل شغله وعمل حاجه اثرت علي حاجات جوه العربيه
2 - اعمل ايه في العربيه بصراحه انا مش عارف اشحص العيب وخايف اروح لحد بره التوكيل يبوظها اكتر
وبصراحه بين وبين نفسي بقول ماهو التوكيل دخلتلو العربيه سليمه طلعت متنيله
افيدوني يا اهل الخبره
مصطفي