المكان : قسم الجيزة
الزمان : لسه النهرده من 10 دقائق
كنت رايح اعمل فيش وتشبيه وقلت اجرب المستعجل (المميكن كما يطلقون عليه هناك) حتي اتجنب الإنتظار لمدة اسبوع (والحبر العجيب بتعهم ده)
المهم القسم نموذج لأقسام الشرطة المصرية ..مكان غير ادمي و قذر وبه كل الديكورات المعروفة لأقسام الشرطة و التي تكاد تكون موحدة وكأنهم يتعمدون ذلك إبتداً من الباب الحديد و حتي الحوائط البيضاء الملطخة بالسواد
طبعة معاملة غير ادمية برضه و زحام غير عادي و شخط و نطر ..وكالعادة حجرة الفيش "المميكن" مكيفة و معزولة عن كل ذلك و برضه كالعادة تجد نموذج الموظفة الحكومية والتي تراها في المرور و مكاتب الصحة ...الخ
يجب ان تكون بدينة ...وقد تكون محجبة او غير محجبة -مسلمة او مسيحية ...المهم يجب ان تكون بدينة
يجب ان تكون طبقات الصوت عندها عالية وكأنها بتزعق
يجب ان تكون طريقة كلامها صارمة آمرة و متحفذة
يجب ان تكون عابسة (مكشرة)
الحجرة بها عدد 2 موظفين يقومون بعمل الفيش كلاً علي حده
المهم ان علي الساعة 12:30 كده لقينا الإثنين اخدو بعضهم ومشيوا و تم إستبدلهم بموظفة واحدة فقط علي الرغم من الزحام (وطبعاً وصت تعالي همهمات تلقي باللعنات علي البلد من المنتظرين )
ولحظي السعيد كان الدور عليا عشان ادخل حجرة الكشف و كنت رقم 2 في الدور وكانت الساعة حوالي 1:30 وبعد ما دخلت لاقيت صوت دوشه بره و فجأت اتفتح الباب و دخل رجل طويل بملابس مدنية و بعد ما القي السلام و رفض المشروبات المعروضة عليه من الشماشرجي اللي قاعد بره ...زعق في الست وقلها ايه الزحمة الي بره دي ؟؟ وانتي قعده لوحدك ليه ؟؟ وطبعاً رد الست بأنها الوردية المسائية جعل الراجل يستشيط غضباً وقال مين قال كده وهما مشيوم بدري ليه ؟؟ وطلب دفتر الحضور و الإنصراف و امرها بأنها تتصل بيهم و تجبهم من البيت تاني و عملهم لفت نظر ووزع جزاءات
وبعدين شفها وهي بتعملي الفيش وكانت لطيفة بشكل مبالغ فيه وواضح فيه التمثيل بس لم يشفع لها ذلك وقالها الإجراءات لازم تتم كالأتي وكان لسه حيشرح لها ولكنها بسرعة قالتلي "خلاص كده يا بشمهندس...تقدر تتفضل) طبعاً عشان مشوفش الي حيجرلها
تحية لهذا الرجل الذي يقوم بعمله علي اكمل وجه (عرفت بعد كده انه ضابط اسمه احمد وعمره حوالي 50 سنه كده)