السلام عليكم
صديق لي يبحث عن شركة سياحة يطلع معاها الحج السنة دي
اهم حاجة إنها تكون شركة محترمة وتكون فترة الرحلة حج سريع أقل ما يمكن (5 أيام أو أسبوع)
فيه عند حضراتكم اقتراحات؟
عرض للطباعة
السلام عليكم
صديق لي يبحث عن شركة سياحة يطلع معاها الحج السنة دي
اهم حاجة إنها تكون شركة محترمة وتكون فترة الرحلة حج سريع أقل ما يمكن (5 أيام أو أسبوع)
فيه عند حضراتكم اقتراحات؟
عشت وشفت شركة اتصلت بيها إمبارح أسأل عن الحج وقالولي بـ 155 ألف جنيه :)
155 الف !!!
هو الحج بقا سياحة ولا اية ؟؟
انت اول مره تشوف الاسعار دى ولا ايه ؟ :-)
ماهو سياحه من زمان فى مصر
بص يا اخى ابو حمزه لو عاوز حج بسعر معقول فى مصر - بصرف النظر عن المستوى - مقدامكش غير يا اما حج القرعه او الجمعيات الاهليه غير كده يبئى انت دخلت فى شركات بزنس مش حج
بعد كده هتلاقى اعلان نازل واحد يحج مكانك وانت تدفع الفلوس وهو يحج
ومبروك يا حج
فى شركة فى القاهرة - 2 عمارات العبور اسمها نيو سيتى
ممكن تكلمهم وتعرف نظامهم ايه ولو فيه نيه معاهم انا اعرف كويس جدا ممكن اظبطهملك
اسأل على واحد هناك اسمه الحاج / عبداللطيف
24025806
24015258
24049261
وقاله انا من طرف محمد الطويل - الأكاديمية
ميه خمسه و خمسووون الف جونيه مصرى!!
ايه يعنى دول مايحصلوش شاليه فى الساحل
فيه شركة ويلفير دى شركة محترمة جدا و اسعارها مقبولة
وماسمعتش سعر 155 الف قبل كدة بصراحة
شركة دار السلام بالمعادى
العنوان 220 أ ش الجزائر
ت/25175000
انا طلعت مع الشركة دى عمرة فى شهر مايو اللى فات
طلعت 3 ايام فى مكة فقط بصراحة احسن وانضف شركة ممكن الواحد يطلع معاها
معاش يا فندم طيب هو برنامج الرحلة ايه؟؟؟؟
يعنى ايه الزيادة دى ليه السعر دة
انا المفروض مسافر اقضى فريضة اسلامية يعنى المفروض ان الرفاهية و الكلام دة ملوش مكان
لانك مش مسافر تتفسح
انا مش عارف ليه المبالغة فى السعر دة!!!
هو دة رقم طبيعى؟؟
انا اخر سعر سمعته كان 48000
أنا ذهبت عمرة مع شركة النورس للسياحة
الحقيقة كانوا كويسين عن غيرهم
http://www.140online.com/2/Companies/C16704.aspx
في شركت برينسيس أو رويال ودول رحت معاهم وكانوا زفت زفت قطران
والله ماعارف برنامج الرحله ايه للتكاليف دى كللها انا كنت قريت اعلانهم مره فى الاهرام من سنتين واستغربت الاسعار جدا
بس هو بيعمل حج سريع لمدة خمس ايام بس وكل الاقامات والفنادق والانتقالات اخر راحه واعلى مستوى وكمان دعاه تلفزيونيين كان مرافقين للبعثه وطبعا الانتقال من جده للمدينه المنوره طيران
مشاركاتكم كانت أكتر من كافية جميعاً
جزاكم الله خيراً
وأخص بالشكر الأساتذة
mido777
هشام توفيق
askafrawy
karaktar
ahmed 1981
على فكرة انا كلمت شركة الطيار
ولمعلوماتكم التكلفة فيها 50 ألف للرباعي مكة والمدينة و 55500 لثنائي مكة رباعي المدينة
و 75 للثنائي مكة والمدينة
العفو يا اخ ابوحمزه واتمنى اننا نتقابل فى الحج هذا العام ان شاء الله
انا شوفت فى الجرنال 85 الف جنيه
السريع بيبقى غالى وده حاجة غريبة مع انه بيقضى فترة اقل
حضرتك بتقول فريضة اسلامية وانا بقرا فى الاعلانات كاتبين توفير نسكافيه وعصائر ومشروبات كانها رحلة وواضح ان فى ناس بتبهتم بيها لان اسمه ناس هناك بتتخانق على الجمبرى وبيشتكوا ان ان الجمبرى بيخلص بسرعة؟؟؟:b4_592:
بالنسبة للاخ ابو حمزة انا سمعت عن النورس برده انها حلوة وكانت ب39 الف بس مش عارف حتلاقى اماكن ولا لا
واكيد الثنائى بيبقى مع بعض...بالعكس ده الاساس بتاعه انهم يبقوا اتنين جايين مع بعض والا حيبقى صعب يوفق اتنين ميعرفوش بعض
فهو معمول للناس اللى عايزة تطلع مع بعض وميطلعش حد معاهم
انا حجزت لابويا مع مصر للسياحة وربنا يستر وتطلع عدلة ومفهاش بهدلة
السعر دة معقول جدا....بالنسبة للجمبرى البيخلص بسرعة انا مش عارف دة ايه
ياترى ربنا بيتقبل ولا لا...انا المفروض رايح ناسي الدنيا و ما فيها و بادى الفرض...يبقى ازاى اشتكى من ان الجمبرى بيخلص والنسكافيه بلاك من غير لبن و ال......:Ka_che1[1]:
ومعلش هقتبس كلام نشر فى احدى الجرائد العربية:
السلام عليكم :
رحلات الحج والعمرة تصنف على أنها جزء من ( السياحة الدينية ) وبالتالي تخضع هذه ( السياحة ) لقوانين السياحة وتصنيفاتها ...
ابتداءً من الرحلات المتواضعة الزهيدة ووصولاً إلى الرحلات المخصصة للذوات من أصحاب رؤوس الأموال !!
وهي رحلات الـ vib ، حيث كل متطلبات الراحة والترفيه متوفرة للحاج والمعتمر ، حتى يكاد يشرف على الكعبة المشرفة من سرير غرفة نومه ثم يقتدي بإمام الحرم وهو في لوبي الفندق !!!
ولعله يذهب إلى عرفات بالرولز رويس ويؤوب منه بالبنتلي !!!!
فهل ترى أنه من التنعم بفضل الله تعالى ، أم أنه لا يستقيم مع مظاهر التساوي بين المسلمين كبيرهم وصغيرهم ، غنيهم وفقيرهم في المشاعر المقدسة ؟؟!!!!
والله عندك حق االكل يقف هناك عنيهم وفقيرهم صغيرهم وكبيرهم الا من رحم ربي ....يارب اغيثنا من يرحمنا سواك ...اللهم اعتقنا من النار وادحلنا جنتك بفضلك علينا واعزنا واكرمنا فمن يكرمنا سواك يارب الكل يتساوي تحت التراب فهل تجعل لنا قبورنا روصه من رياض الجنه ....والله بستعرب جمبري ايه وهو في حد هيبقي فاضي يشرب وياكل يارب بس نفتكر نشرب وناكل علشان نكمل المناسك اعتقد ان مفيش حد يروح هناك وعايز يفوت دقيقه يارب اكتبهالنا انا واحبتي يارب
الموضوع بسيط
كل واحد بيحج حسب إمكانيانه المادية
وبرضه كل واحد بيطلع زكاته حسب مقدار رأس ماله
فلا داعي للخلط فهذه الأمور لم يشترط فبها التساوي
في النهاية كله هيلبس إحرام
لكن في واحد هيقعد في عرفات في التكييف المركزي
وفي واحد هيقعد في الشمس تحت الشمسية
طيب مين ربنا هيتقبل منه
الله أعلم
لكن كلهم إن شاء الله
واحد ملياردير ليه ميدفعش 100 ألف في رحلة حج
المبلغ ده عليه هو مش كثير
إنتوا نسيتوا السنة اللي فاتت لما السعودية أعطت مصر 10 آلاف تأشيرة حج إضافية مجانية
وقامت الحكومة المصرية بتحصيل 10000 جنيه عن كل تأشيرة لتوضوع في صندوق تطوير السيارحة
هل تعلم أن تذكرة الطيارة للسعودية وقت الحج تكون أغلى من تذكرة أستراليا !!
الحكومة بنفسها تقود الغلاء للحج والعمرة
وقت الحج منسألش الناس بتاكل جمبري وكافيار أو عيش وملح
كله ورزقه
ربنا يرزقنا الحج سهلاً ميسراً
ببلاش أو ب 100 ألف مش هتفرق معايا
ما هو كله من عند ربنا
الآن في واحد بيروح عرفات مشي وواحد بيروح برولز رويس
زمان كان فيه واحد يروح مش وواحد يروح على جمل
وواحد يروح على جمل فوقه مظلة (مكيف يعني)
ربنا يوعدنا بالحج والعمرة قريباً يا رب