الفتيس عندي في السينا ؟؟؟ سؤال للخبراء

**fido2010** · 03-08-2010 05:12 PM

مساء الفل علي اعضاء المنتدي

عندي في السينا حصلت حاجة غريبة شويه
كانت العربية ماشية زي الفل و الفتيس ناعم و جميل في النقلات
و روحت عند بتاع عافشة علشان يبص بصة سريعة علي العربية
قالي زيت الفتيس ناقص
و قام مزوده كيلو تخيلو كيلو كامل
و بدأت احس ان الفتيس اول ما بطلع بيبقي ناعم و بعد كده بيخشن مش عارف ليه

يا ريت الردود في اسرع وقت انا قلقان
و شكراً

**mohamed_selim** · 03-08-2010 09:49 PM

اخر مره غيرت زيت الفتيس امتى؟

**fido2010** · 03-08-2010 09:51 PM

استاذ محمد
انا مغيرتش زيت الفيتيس
الراجل بتاع العافشة زوده كيلو بحاله مش عارف ليه كل ده مع اني كنت حاسس بيه سلس و جميل

**mohamed_selim** · 03-08-2010 09:59 PM

ايوه انا سؤالى انت غيرته قبل كده ؟
انا مش خبير بس عندى كان الدبرياج تقيل بس الفتيس مفهوش مشكله و على الاقل كنت ماشى بالزيت ده 90000 (تسعين) ان مكنش اكتر ... بس عرفت انه المفروض يتغير كله كل 60000 و لما اتغير الدبرياج خف شويه و الفيس كويس زى ما هوه

انا اللى جه فى بالى ان ممكن يكون الزيت عندك قديم و ممكن القديم تكون خواصه اتغيرت و لما حطيت جديد محصلش تجانس و السخونه بتبين الموضوع ده و المفروض يتغير كله
او لو فى انواع من زيت الفتيس يكون اللى فى العربيه ليه خواص و الجديد خواص تانيه ...

انا بحاول افكر معاك بصوت عالى لحد ما حد من الخبرا يرد و ممكن برضه اعمل السؤال ده فى الورشه هيشوفوه ناس اكتر و متهيألى أنه سؤال عام مش متعلق بالسيينا نفسها

**fido2010** · 03-08-2010 10:05 PM

انا بشكر حضرتك جدا جدا
و فعلا كلام حضرتك مقنع جدا
طيب و السؤال ايه هو احسن زيت يتحط و مين اللي ممكن يغيرة هل ممكن في بنزينه و لا عند ميكانيكي عادي
العربية عامله 74000 لغاية دلوقتي و احتمال كبير فعلا انه يكون الزيت متغيرش
كلامك منطقي جدا

**mohamed_selim** · 03-08-2010 10:17 PM

العربيه موديل كام؟
معلش السؤال مالوش دعوه بأسئلتك بس انا معرفش فى انواع الزيت و معرفش ينفع فى بنزينه ولا لأ بس انا اخرى فى البنزينه زيت موتور و فلتر و بتكون عيتيه عليهم و اتأكد انهم قفلو الطبه كويس علشان ساعات مبيكونش فى ضمير فى الشغل

**fido2010** · 03-08-2010 10:57 PM

انا بعت لحضرتك علي الخاص يا استاذ محمد

**Ahmed Hamdy** · 05-08-2010 11:36 AM

على فكرة السيينا بتاخد زيت فتيس من نوع معين .. مش أى نوع عادى ..
روح لحد متخصص فى السيينا خليه يشوفلك الزيت ويغيره بالنوع المظبوط ....

ممكن تروح عند الكيلانى فى وسط البلد - شارع شامبليون .. حيبقى عنده الزيت وجنبه ميكانيكى كويس بيفهم فى السيينا ..