عرض للطباعة
كنت عاوز أغير سير كاتينه العربيه
لأن سمعت انو لازم يتغير لما تحس ان الماتور اخشن
وبحس أوى بموضوع الخشونيه دى لما اجى ادور العربيه.
السؤال دلوقتى هو الكلام ده صح ولا مالوش علاقه بسير الكاتينه
وهو بكام وأغيرو عند مين
والعربيه عامله 120 ألف كم
وشكرا جزيلا للرد:satelite:
الخشونة اللى بتتكلم عليها دى طبيعية لانها من الاشعال و اهتزاز المكنة
سير الكاتينة تشترى الاصلى من غبور نفسه ابو رواش او قليوب او اى موزع معتمد زى فرع عماد الدين
و الحق غيره لان لو لاقدر الله اتقطع هتتكلف خراطة وش سلندر و احتمال تغيير كوستبانات باضعاف تمن السير
و متشتريش سير كورى من برا التوكيل لانه مش مضمون ممكن يتقطع فى اى لحظة
سعره فى حدود 300 جنيه و غيره عند اى ميكانيكى مضمون... اهم حاجه يظبط الزنبة علشان متخلفش منه سنه هتضيع الدنيا و اى ميكانيكى بيشتغل فى العربيات الجديدة بالنسبة له الموضوع عادى
هو سير الكاتينة كاوتش ولا جنزير
سير الكاتينه عندك جنزير ومابيتغيرش الا لما بتحس ان صوته بقا عالى
الكلام ده غلط السير ممكن يقعد معاك لحد 200الف كم واكشف عليه قبل ماتغيره
أعتقد ان عمره الافتراضي أكتر من 120 الف كم لانه جنزير
لكن من باب الاحتياط غيره
السير عندنا فعلاً جنزير .. بس مش عارف عمره الإفتراضى كام .. لأن فيه كذا رأى فى الموضوع ده.
ياريت حد يقول لنا كلام نهائى
تحياتى
محمد
بس ياريت لو هتغير السير .. غيره فى التوكيل أو وكيل معتمد
رغم إنى ما بحبش أروح التوكيل .. بس فى الحاجات دى باروح .. أصل دى ما فيهاش هزار.
وإبقى قول لنا عملت ايه؟؟
تحياتى
محمد