محتاج مساعده من اصحاب سيراتو خليجي

**modydosoki** · 03-08-2010 06:29 PM

انا عضو جديد هنا يا شباب وحتاج مساعده
انا عايز اشتري سيراتو مانويل خليجي وحدش يقولي ليه مانويل (طبعا علشان هوه ده المبلغ الي معايا)
محتاج اعرف 3 حاجات بقا
1-هل الخليجي كويس ولا ممكن اشتري العربيه والاقي فيها مشكله كبيره وطبعا مش حيبقي فيه ضمان
2-هل الفرق في الكمليات يستاهل اني اضحي بالضمان طبعا السؤال ده مش حا يعرف يجواب عليه غير مالكي الخليجي
3-انا بقا من اسكندريه والصراحه ماليش في موضوع العربيات اوي فين الصالات المشهوره الي بتبيع خليجي
رابعا دي بقا من عندي شكرا لنايل موتورز وكل الاعضاء الجامده الي انا عارف انهم حا يفدوني اكيد

**alzwawy** · 03-08-2010 06:46 PM

الفرق يستاهل كتير اوي انك تركب اول فئه في الاوتوماتيك و متركبش المانيوال و لو جبت خليجي ممكن تركب بفلوسك فئه اتوماتيك يكون فيها امكانيات اكتر و ممكن تركب فئه مانيوال برده فيها امكانيات اكتر علشان الخليجي فيه فئتين مانيوال و فيهم كماليات زياده عن الوكيل بكتير

**NoRmAl** · 03-08-2010 06:48 PM

أهلا بيك أولا ونورت المنتدى
مش معنى أن العربيه مانيوال أنها تكون رخيصه على فكره
لأنك بتفكر فى الخليجى فممكن تلاقى كماليات كويسه جدا ومع ذلك تكون العربيه مانيوال ودى ميزه للى بيعشقوا المنيوال كنظام قياده
المهم
1. بالتأكيد أحتماليه وجود مشكله قائمه سواء خليجى أو وكيل لكن ممكن أنك تشترى مع العربيه ضمان وفى أختيارات عديده لكن فى الاخير هتبقى متطمن أن أى عيب صناعه هيشيله الضمان دا وعليه خد بالك أنك هتدفع زياده فى موضوع الضمان دا يعنى تحسب أنت هتدفع كام بالظبط لو الفلوس على القد

2. فرق كماليات المانيوال خليجى عن وكيل شاسع زى مقلت
لأن كماليات الوكيل المنيوال معدومه والعربيه فاضيه على الجانب الاخر زى مقلت ممكن تلاقى كماليات كتيره فى المانيوال الخليجى لكن بالتأكيد هتكيش أكتر فلو ناوى على مانيوال هات خليجى بكماليات على قد فلوسك

3. يفيدك فيها سفرائنا فى الاسكندريه :)

أخيرا عايز أقولك لو فلوسك مش مكفيه غير مانيوال متفكرش فى السيراتو
فى بدائل أخرى أوتو وكمان كماليات مش بطاله لمركات أخرى
ياريت تقلنا ميزانيتك
ربنا معاك

**magdy1963** · 03-08-2010 06:58 PM

المشاركة الأصلية كتبت بواسطة modydosoki

انا عضو جديد هنا يا شباب وحتاج مساعده
انا عايز اشتري سيراتو مانويل خليجي وحدش يقولي ليه مانويل (طبعا علشان هوه ده المبلغ الي معايا)
محتاج اعرف 3 حاجات بقا
1-هل الخليجي كويس ولا ممكن اشتري العربيه والاقي فيها مشكله كبيره وطبعا مش حيبقي فيه ضمان
2-هل الفرق في الكمليات يستاهل اني اضحي بالضمان طبعا السؤال ده مش حا يعرف يجواب عليه غير مالكي الخليجي
3-انا بقا من اسكندريه والصراحه ماليش في موضوع العربيات اوي فين الصالات المشهوره الي بتبيع خليجي
رابعا دي بقا من عندي شكرا لنايل موتورز وكل الاعضاء الجامده الي انا عارف انهم حا يفدوني اكيد

مرحبا بك فى المنتدى هو الخليجى كويس وبسم الله شغالة معايا كويس وزى الفل من 10 شهور وبيفرق فى الكماليات الكاسيت mp3 ومراياتعتيم والمقابض والمرايات بلون العربية2مفتاح ريموت دلايات مثلث عاكس شنطة اسعافات طفاية وكمان بتختار الالوان وتسليم فورى ونازل دلوقتى مانيوال كاملة بجنوط اسبور وفوانيس شبورةومرايات كهرباء واما موضوع الضمان ممكن الاستاذ كريم منير يعملك ضمان سنة اواكثر والصيانة الناس كلها بتشكر فى تكنو ون لصيانة الخليجى اما موضوع الصالات عندك مثلا معرض جودى موتوراخر عباس العقادالشارع اللى على ناصيتة جاد وامامة فور برازر واول عباس العقاد الشارع اللى امام بيتزا هت والمعارض كتيرفى ملحق الاهرام وبالتوفيق انشاء الله

**modydosoki** · 03-08-2010 07:31 PM

ايه ده يا جماعه ما كنتش متوقع سرعه الرد ده بجد انتوا ناس زي الفل

المشكله ان الميزانيه حاليا حوالي 96 والصراحه دا اخري خالص مش حا ينفع ازود وبجد انا برده محتار اوي
انا حسيت كده من المناقشه ان المانويل في السيراتو مش حلوه ده فعلا ولا الناس متحمسه للاتو اكتر

**NoRmAl** · 03-08-2010 07:37 PM

المشاركة الأصلية كتبت بواسطة modydosoki

ايه ده يا جماعه ما كنتش متوقع سرعه الرد ده بجد انتوا ناس زي الفل

المشكله ان الميزانيه حاليا حوالي 96 والصراحه دا اخري خالص مش حا ينفع ازود وبجد انا برده محتار اوي
انا حسيت كده من المناقشه ان المانويل في السيراتو مش حلوه ده فعلا ولا الناس متحمسه للاتو اكتر

متفكرش فى السيراتو بالسعر دا لا خليجى ولا وكيل
يفضل تعمل موضوع بميزانيتك فى قسم المقارانات
فى عربيات كتيره كويسه أكيد أقل فئتاً من السيراتو لكن أفضل منها فى الفئه السعريه دى
ربنا يوفقك للأفضل بأذن الله

**alzwawy** · 03-08-2010 07:40 PM

المشاركة الأصلية كتبت بواسطة modydosoki

ايه ده يا جماعه ما كنتش متوقع سرعه الرد ده بجد انتوا ناس زي الفل

المشكله ان الميزانيه حاليا حوالي 96 والصراحه دا اخري خالص مش حا ينفع ازود وبجد انا برده محتار اوي
انا حسيت كده من المناقشه ان المانويل في السيراتو مش حلوه ده فعلا ولا الناس متحمسه للاتو اكتر

لأ المانيوال مش حوار وحش هو مفيهوش كماليات اكتر بس الخليجي في كماليات

**modydosoki** · 03-08-2010 07:44 PM

اعمل ايه طيب الي حاكمني الفلوس انا كده كده مش حا ينفع اجيب غير مانويل وخصوصا اني كنت بفاضل بين السيراتو والالنترا ودلوقتي الاتنين بنفس السعر انا عايز الناس تساعندي احسن انا حا اتجنن من كتر التفكير

**modydosoki** · 03-08-2010 07:46 PM

ودي مواصفات الخليجي المانويل
تكييف تاتش
باور ستيرنج
راديو CD mp3
عجلة قياده متعددة المهام
طاره مالتى فانكشن كنترول - Multi Function Control
4 زجاج كهرباء
سنتر لوك
مرايات كهرباء
اشارات فى المرايات
وساده هوائيه للسائق
مفتاح ريموت
جهاز انذار
امكانية فتح الشنطه من الريموت
امكانية طى ( ثنى ) الكنبه الخلفيه لتوسيه الشنطه
مقابض نيكل خارجيه وداخليه
فوانيس شبوره
جنوط سبور

بس محتاج بس اعرف الكاسيت ال mp3 ده حيبقي الاصلي يعني زي الي في ex و sx

**NoRmAl** · 03-08-2010 07:51 PM

المشاركة الأصلية كتبت بواسطة modydosoki

ودي مواصفات الخليجي المانويل
تكييف تاتش
باور ستيرنج
راديو cd mp3
عجلة قياده متعددة المهام
طاره مالتى فانكشن كنترول - multi function control
4 زجاج كهرباء
سنتر لوك
مرايات كهرباء
اشارات فى المرايات
وساده هوائيه للسائق
مفتاح ريموت
جهاز انذار
امكانية فتح الشنطه من الريموت
امكانية طى ( ثنى ) الكنبه الخلفيه لتوسيه الشنطه
مقابض نيكل خارجيه وداخليه
فوانيس شبوره
جنوط سبور

بس محتاج بس اعرف الكاسيت ال mp3 ده حيبقي الاصلي يعني زي الي في ex و sx

دى عامله كام؟
وخليجى أيه؟

الموضوع: محتاج مساعده من اصحاب سيراتو خليجي

LinkBack

أدوات الموضوع

عرض

-

-

-

-

-

المواضيع المتشابهه

ارجوكم اخواني الافاده الكيا سيراتو كوبيه جديده 2011 خليجي ام الجيتا 2010 خليجي

محتاج مساعده اصحاب الفيرنا

نويت اجيب سيراتو بس محتاج مساعده

لانسر شارك خليجي هاف سبورت Vs نيو سيراتو خليجي هاي لاين

محتاج مساعده من اصحاب الخبره فى البونتو

الكلمات الدلالية لهذا الموضوع

المفضلات

المفضلات

ضوابط المشاركة