عيد ميلاد المنتدى والمقابلة الاستثنائية

**Karim_Monir** · 02-03-2008 12:18 AM

طبعا هو الموضوع سابق لاوانه بشوية عشان نلحق نشوف اكبر عدد من الردود
ان شاء الله عيد ميلاد المنتدي هايكون يوم 15 ابريل اللي جاي
وده التاريخ اللي تمت فيه اول مشاركة تجريبية
وبالمناسبة الحلوة دي بمرور سنة كاملة على انشاء بيتنا الجديد
هانعمل مقابلة خاصة استثنائية بتاعت شهر ابريل
وهاتكون غير مقابلة الشهر العادية
المقابلة دي هاتكون عبارة عن رحلة لمدة يوم واحد لشاطيء فندق اميجو العين السخنة
نقضي داي يوز هناك وده كان من سنة بيتكلف 70 جنية بالغدا
وكل 3 او 4 يطلعوا مع بعض في عربية واحدة مع الاشتراك في تمن البنزين طبعا منعا للاحراج
ايه رايكم في الفكرة والمكان وفكرة الخروج برة القاهرة عموما ولو في اقتراح لمكان اخر ويكون حلو ومش ابعد والتكلفة ماتزدش عشان في اعضاء لسه طلبة واعضاء امكانياتها ما تسمحش باكتر من كدة
والجو هايكون حلو طبعا وممكن ننزل المية وهناك فيه بسين حلو وانا جربته اكتر من مرة
ايه رايكم في الفكرة وانا ماعملتوش استطلاع عشان عايز كل اللي يرد يرد بمشاركة فعلية

كريم منير

**CryptonX** · 02-03-2008 01:05 AM

المشاركة الأصلية كتبت بواسطة karim_monir

طبعا هو الموضوع سابق لاوانه بشوية عشان نلحق نشوف اكبر عدد من الردود
ان شاء الله عيد ميلاد المنتدي هايكون يوم 15 ابريل اللي جاي
وده التاريخ اللي تمت فيه اول مشاركة تجريبية
وبالمناسبة الحلوة دي بمرور سنة كاملة على انشاء بيتنا الجديد
هانعمل مقابلة خاصة استثنائية بتاعت شهر ابريل
وهاتكون غير مقابلة الشهر العادية
المقابلة دي هاتكون عبارة عن رحلة لمدة يوم واحد لشاطيء فندق اميجو العين السخنة
نقضي داي يوز هناك وده كان من سنة بيتكلف 70 جنية بالغدا
وكل 3 او 4 يطلعوا مع بعض في عربية واحدة مع الاشتراك في تمن البنزين طبعا منعا للاحراج
ايه رايكم في الفكرة والمكان وفكرة الخروج برة القاهرة عموما ولو في اقتراح لمكان اخر ويكون حلو ومش ابعد والتكلفة ماتزدش عشان في اعضاء لسه طلبة واعضاء امكانياتها ما تسمحش باكتر من كدة
والجو هايكون حلو طبعا وممكن ننزل المية وهناك فيه بسين حلو وانا جربته اكتر من مرة
ايه رايكم في الفكرة وانا ماعملتوش استطلاع عشان عايز كل اللي يرد يرد بمشاركة فعلية

كريم منير

كل سنة وانت واحنا طيبين .. موافق 100000%
و علي فكرة انا لسة كنت هناك من كام يوم ! بس في " ستيلا "
و العين السخنة ياجماعة في الوقت ده تحححححححححححفة بجد !

بس حننزل البحر ولا لأ ؟

**Dr Ahmed** · 02-03-2008 01:30 AM

ههههههههههههههههههههههههه ههههههه

لا أستطيع التمشية واللف فى الرمال إذا صمت 3 أيام :d

**د.اسماعيل النجار** · 02-03-2008 05:25 AM

مع انى مش قاهرى يعنى لااعانى من زحام وتلوث وصخب ومع ذلك - ومحدش يزعل لان دا رأى شخصى بحت -لااطيق هذه المدينة القاسية اللاهثة الملوثة ارضا ونهرا وجوا - وعشان كدة عاجبانى جدا فكرة الخروج الى مدينة جميلة -وحنينة - مثل العين السخنة وخاصة انى لم ازرها ابدا وبكون سعيد وانا بتعرف على مكان جديد
------
لكل هذة الاسباب والاسباب التى سوف تتضح امام عدالة المحكمة فانا اوافق واتمنى ان اكون معكم بمشيئة الرحمن(سؤال صغنن: يمكن اصطحاب الاطفال ولا الرحلة غير عائلية؟)