كنت عايز اعرف ايه الفرق بين الميجان العادية وrs بالتفصيل ولو عايز أجيب واحدة نصين ممكن تعمل كام مثلا وشكرا :star1:
عرض للطباعة
كنت عايز اعرف ايه الفرق بين الميجان العادية وrs بالتفصيل ولو عايز أجيب واحدة نصين ممكن تعمل كام مثلا وشكرا :star1:
تجيبها نصفين و بعدين تعمل إيه بيهم ؟؟!!!
على كل الفروق بين الميجان العادية و ال rs كبيرة
بداية من موتور 2000 سى سى فيه شاحن تربو بيوصل قوة المحرك إلى 225 حصان...و طبعا ليه فتيس يدوى مش فاكر 5 و لا 6 سرعات
بيكون فيها نظام فرامل رياضى ( ديسكات و تيول من بريمبو ) و عجلات 17 و لا 18 بوصة
نظام تعليق رياضى يختلف عن الميجان العادية ليتناسب مع ال 225 حصان...
عادة بتكون هاتشباك 3 باب-لكن يوجد 5 باب أيضا
علشان يكون عندك تصور لل rs فهى منافسة للجولف gti و الجيل الثانى للميجان كان يحظى بخبرة رينو فى عالم ال f1 و التى ظهرت فى تماسك و أداء ال rs ...
يعملها Order ..!!!!
يا blazer دى مش DVD player علشان تعمل لها order و تخلى aramex يبعتوها على البيت و إنت تدفع الجمارك و الشحن
أفتكر هى لازم تكون داخلة متقطعة على ذمة أحد تجار السيارات المستوردة بهدف قطع غيار....
ما أفتكرش إنه هو حتى عنده مخزن يشيل فيه عربية متقطعة حتى...
أنا لا أنكر إنها حاجة جميلة جدا جدا جدا جدا...إن الواحد يركب ميجان II RS ....ده لو حصل أعتقد يبقى الواحد وصل لآخر الدنيا و ما يعوزش منها حاجة تانية....
بس الموضوع مش بالبساطة دى
لا ماليا و لا أدبيا....
تخيل معايا كده ورقها هيبقى مكتوب فيه إيه ؟؟؟
أصلا الشاحن التربو ممنوع قانونا تركيبه....و أنا ما كنتش عارف هيدخلوا العربيات الفولكس ال TSI إزاى....
غير كده....هيكتب فى الرخصة إنه مضطر يغير موتور العربية علشان الموتور بتاعه خلاص و إنه هيجيب موتور رينو برضه..ماشى...
بس هيدفع كام فى الضريبة و رسم التنمية ؟....2% من الميجان ال 1.6 و لا ال RS زيرو ؟؟!!!
و بعدين ماليا...أنا مش عارف ربية زى دى يكون ثمنها كام بصراحة...و مين إللى هيجيبها أصلا...مرة سمعت عن واحدة كانت بحالة رائعة و بعدي سمعت إن فى حد اشتراها و استعملها....مش عارف بقى رجع وصلها ببعضها (و هل ده ينفع و آمن ) و لا مجرد اعتبرها مخزن قطع غيار لعربية ميجان هاتشباك تانية
أفتكر برضه إن تكلفة و أمان حاجة زى كده كبيرة أوى ولازم تكون كاش...لدرجة الأحسن إنك تجيب عربية زيرو و لا كسر زيرو من أمثال ال 207 RC
بس طبعا ال RS.....RS....:Oc_sun1[1]:
لو أيام زمان...كنت رديت بالصور و الفيديو....مش اكتفيت بالكلمتين
علشان خاطرك يا كبير....آدى صورة و فيديو على السريع :36_3_10[1]:
http://a.imageshack.us/img188/9695/meganesport.jpg
YouTube - megane 225 rs stock accel 0-220
تسلم يا هانى
و أزيدكم من الشعر بيتاً
من فترة كان فى واحد فى الحرفيين عنده موتور ميجان 2 بس 2000 سى سى ( مش rs ) كان طالب فيه 15 ألف بفتيسه بحركاته كلها.
تخيلوا بقى لو واحد جاب موتور ال rs هيطلب كام
انا كنت متابع الموضوع ده من فترة علشان كنت بفكر اعمله في عربيتي وسألت عليه
في واحد في الحرفين قالي ان العربية دي الRS جياله قريب وانا اتكلمت معاه عن التكلفة قالي لازم مش بس تاخد الموتور لازم تاخد معاه الفتيس وكمان نظام التعليق
وقالي كمان ان الموضوع دا هو عمله قبل كده واتكلف كله 25000 جنيه بالتركيب
بس بصراحة عربية 2000سي سي بالتربو بالقوة دي تستحق كل مليم يتصرف عليها دا رأيي يكفي ان تسارعها لحد 100 كم في 6.5 ثانية تقريباً بس صراحه ماجبليش سيرة تغير التابلوه بتاعها وفي رأيي دا مهم علشان يتوافق مع السرعة والفتيس المانوال
الغريب اني لما قولته انا عاوز احتفظ بالفتيس الاوتوماتك قالي انا ممكن اشغلك الفتيس المانوال كأنه اوتو قولتله ازاي قالي هايركب حاجه كده تخليني يشتغل اوتور وما عليا غير اني اجيب الاول فقط وهي تنقل لوحدها بعد كده
انا الصراحه استغربت جداً بس هو راجل انا اثق في كلامه جداً يعني مش بيكدب خالص عن تجربة
وبالنسبة لموضوع التربو والمرور اعتقد طالما الموتور نازل كده بيه مش هايبقى في مشاكل زي الي متركب على العربية
وبعدين كله بيعدي بالفلوس :star1:
الموضوع عادي ممكن يتعمل لو النصين متوفرين والتيربو مش ممنوع وبصراحه تستاهل الفلوس
انا شفت واحده زرقاء 3 باب في مصر الجديده رهييييييبه