ارجوكم يا خبراء الجولف ساعدوني ....!

السلام عليكم جميعا

الموضوع ده تابع لموضوع قديم (جولفايتي محسوده ) الموضوع ده كان من اسبوع
انا بجد خلاص مخنوق ومش طايق نفسي العربية مش راضية تسكت وانا بقالي فترة كمان قاعد من الشغل
يعني خراب من كله والغريب ان العربية والحمدلله كل شوية حد يوقفني ويقولي بكام وموديل ايه والله ام صلي ع النبي عربيتك اقفه اخيرها كمين شرطة عند مديرية الامن وقفني عشان ظابط عجبته العربية وعاوز يشوفني ببيع ولا لا .
بعدها بيومين العربية بقت تعمل عمايل غريبة من الدبرياج واخيراا هغير مجموعة دبرياج (اسطوانه وديسك وبليه ) لاقيتها ب 900 ج عند فتح الباب ( نوعه فاكس او تاكس ) .
المهم في محل اسمه ياسر في الحرفيين قالي موجوده ب 675 ج ( نوعه لوك )
مش عارف اجيب ايه ولا اعمل ايه ولا اي نوع احسن وطبعا ابعد عن الاستيراد ولا ايه .:3_3_102[1]:

اسال عند عبد المسيح فى التوفيقية او فتح الباب فرع التوفيقة علشان دمشق اسعاروا اغلى

تقصد نوعه ساكس الساكس كويس وهو عامل 875 وهاته من عند عاصم اللي ورا حديقة بدر اضمنلك
ولو عاوز توفر هاتلك ديسك استيراد ب 200 جنيه واملى الاسطوانة ب 80 جنيه

بس لازم تعرف ان هناك فرق بين الجديد والاستيراد

نسيت اقولك لو هتجيب جديد متجيبش غير ساكس

معلش يا عبده يا جامد انا والله عارف ان عربيتك محسوده حسد ملوش حل.. بس متزعلش نفسك طالما جت في الفلوس يبقا الحمد لله وعسى ان تكرهو شيئا وهو خير لكم .. وربنا يباركلك فيها ويسترها عليك وعليا وعلى الناس كلها ان شاء الله

الحمدلله على كل شيء يا كيموو انت لو مكاني فعلا تتعب اللي انت متعرفوش ان بعد شغل يوم كامل في العربية وبهدلة قطع غيار من الحرفيين وخلاص العربية اتقفلت واتصلحلت الديسك القديم اللي قالووا انه سليم طلع بااايظ ولسه يوم شقاء جديد .......استغفر الله العظيم

عليك وعلي سيد عبده في جسر السويس امام السنترال قبل كبري التجنيد الراجل والله يا جماعة رهيييييييييييييييييييب

بصراحة سيد عبدو فى جسر السويس ده محستش معاه بأى رهابة, روحت كشفلى على العربية قبل ماشتريها قالى تمام زى الفل, اكتشفت بعديها ان فى شغل كتير فى العفشة مقاليش عليه, طب كنت قلى عشان انزل من سعر العربية.

أما ياسر بأه, لو تقصد ياسر الى فى ضهر مجدى بيومى, و جنب ورش ال بى ام, فده فى تعاملى معاه كان محترم و فاهم فى العربية كويس.

لا حول ولا قوة إلا بالله الناس خلاص مبقتش ترجم ، هو الساكس نوع محترم جداً شوف لو فى لعربيتك نوع اسمه فاليو ده بيبقى ارخص وفى ناس يامه شكرت فيه

الساكس اللى فى السوق كلروب لوك لو الأصلى كويس