عايز أعمل القياس دة عندى
لو تكرمت خطواته بالتفصيل
و القيم القياسية
عرض للطباعة
1- حل فيشة الرشاش
2- ظبط الأفوميتر على قياس الأوم
3- حط جاكات الأفو على ترملتين الرشاش اللى بياخدوا كهربه
4- خد القراءه بتاعة الأوم
5- كرر الخطوات دى على الأربع رشاشات
المفروض تكون قراءة الأوم لكل رشاش على حده فى الحدود من 11.6 الى 12.4 أوم
قبل الرشاشات شوف وصلة حساس الشكمان(تقريبا خرطوم اسود طالع من فوق البوابة_ فى النوبيرا 1) وده ممكن تشيك عليه بسهولة ومن غير اسكانر...
لان مشكلة حضرتك حصلت عندى وكنت متأكد انها رشاشات (على كلام الميكانيكى) وفى الاخر طلع الخرطوم بتاع حساس الشكمان مش متوصل
وان شاء الله تكون بسيطة
الحقيقة انا مكنتش اعرف هو ايه بالظبط بس الميكانيكى قالى بالنص(حساس الشُكمان مكانش واصل)وشاورلى عليه ولما باقوله وده يعمل كدة فى العربية ويخليها تاكل بنزين؟؟قاللى:ايوة لأن دة المسئول عن تنظيم كمية البنزين اللى بتخرج من الرشاشات
وكان فيه خرطوم جنبه وتقريبا نفس الشكل ماعرفش بتاع ايه...فممكن تكون دى حاجة مختلفة فى النوبيرا وان...بس بيعمل نفس اعراض تلف الرشاشات بالظبط
وان شاء الله هاصورها واعرضها عليكم
الدايرة الاولى(الصغيرة) اللى جنب المنافولد ...ده الخرطوم اللى قصدى عليه ولو شيلته من مكانه هتلاقى الماتور بدأ يلعب والار بى ام مش ثابت وتأخير فى الدوارة ودخنة مع البنزين واستهلاك عالى للبنزين وده اللى كان مخلوع عندى والخرطوم بيروح لحاجة فى وسط العربية (الدايرة الكبيرة)
http://i853.photobucket.com/albums/a...oto-0001hg.jpg
والصورة التانية ...السهم بيشاور على الخرطوم التانى وده بيروح لعلبة(على ما اتذكر من موضوع قديم فى المنتدى..العلبة دى مش موجودة غير فى النوبيرا وتقريبا قالوا انها الماب)....بس ماجربتش اشيله من مكانه
http://i853.photobucket.com/albums/a...oto-0002hg.jpg
دى قصة تشغيل حساس الماب بخط فاكيوم جايله من البوابهاقتباس:
الدايرة الاولى(الصغيرة) اللى جنب المنافولد ...ده الخرطوم اللى قصدى عليه ولو شيلته من مكانه هتلاقى الماتور بدأ يلعب والار بى ام مش ثابت وتأخير فى الدوارة ودخنة مع البنزين واستهلاك عالى للبنزين وده اللى كان مخلوع عندى والخرطوم بيروح لحاجة فى وسط العربية (الدايرة الكبيرة)
والعلبه دى مش الماباقتباس:
والصورة التانية ...السهم بيشاور على الخرطوم التانى وده بيروح لعلبة(على ما اتذكر من موضوع قديم فى المنتدى..العلبة دى مش موجودة غير فى النوبيرا وتقريبا قالوا انها الماب)....بس ماجربتش اشيله من مكانه
دى علبة فلتر التكييف فى النوبيرا
ماتصدقش كل اللى يتقالك كده على طولاقتباس:
ناس كتير قالت ان حساس الشكمان لما مابيكونش واصل بيعمل نفس اعراض تلف الرشاشات وده اللى خلانى اتأكد ان ده حساس شكمان زى ماقاللى الميكانيكى....وادينا بنتعلم
وحساس الماب تقدر تسميه حساس الحمل أو حساس التخلخل أو حساس قياس كمية الهواء الداخله للمحركاقتباس:
ممكن من فضلك توضحلى ايه لازمة حساس الماب وايه علاقته بكل اعراض تلف الرشاشات
من خلاله ومن خلال حساس ال tps ( حساس البوابه ) بتقدر وحدة التحكم من تصحيح وتحديد النبضه الدقيقه والمناسبه لفتح الرشاشات correction of basic pulse widith
وبهذا الشكل بتاخد نغمة حريق جيده مع أستهلاك طبيعى للبنزين وسحب وتسارع طبيعى من المحرك جهة بدن السياره
________________________
ومفيش أدنى علاقه بين تلف الرشاشات وحساس التخلخل ( الماب )