اسباب البارومة ايه

**mshmshm3** · 04-08-2010 12:49 AM

ايه هي اسباب البارومة في العربيات وانا معايا فيرنا 2008 وبغسل العربية من 6 شهور كل اسبوعين مرة هل ده غلط ؟؟؟ وايه اضرار البارومة ؟؟؟ ولحضراتكم جزيل الشكر

**mygen2** · 08-08-2010 07:06 PM

أعتقد أن المده اللى حضرتك بتتكلم فيها دى مش وحشه وإن كان الأفضل أنك تغسلها فى البنزينه مره واحده شهريا وطول الشهر بتمسحها بميه أو فوطه مبلوله لأن مسدس الرش اللى موجود فى البنزينه بيبقى قوى أوى على البودى بتاع العربيه والميه بتدخل فى مناطق ومش بتنشف بسرعه ومع وجود الميه دى فترات طويله بتسبب تآكل فى البودى والبويه بتاعت العربيه وبتسبب البارومه.وربنا يباركلك فى عربيتك ويحفظهالك ويخفظك معاها.

**karimfahmy99** · 10-08-2010 04:24 AM

شوف يا سيدى . الباروما عاملة زى تسويس السنان يعنى ميية متجمعة فى حتة و تاخد وقت طويل للجفاف . النصيحة فى الشتا تلاشى غسيل العربية الا للضرورة و يفضل فوطة مبلولة بس و دا ينطبق برضة على شاسية العربية الا لو كان يوم مطر و مشيت فى طينة لازم تغسل الشاسية لان الطين من اهم عناصر التى تؤدى للباروما . فى الصيف خد راحتك فى الغسيل خصوصا لما تكون خارج من الشتا . و ربنا يحفظنا من التسوس قصدى الباروما