معاك يا فندم و عندك حق 1000000000000000000000000%
عرض للطباعة
في كذا موضوع هنا في المنتدي عن السفر دراسه بالخارج..
اما موضوع المنحه دي اعتقد صعبه شويتين..
علي الاقل لازم تكون متفوق علشان يسفروك..
اما بخصوص انا بره الدراسه غاليه فا ده مش في كل البلاد..
ابعد عن امريكا و استراليا و كندا و نيوزيلاندا..
ركز في اوروبا ..المانيا , السويد الدراسه ببلاش
هولندا و سويسرا اغلي شويه
دي المعلومات اللي عندي في السريع..
لو حد فعلا بيدور سفر فيالخارج بجديه ممكن اقولا علي تفاصيل اكثر
بس اهم حاجه تعمل حسابك تكلفه المعيشه في حدود 700 يورو في الشهر
منح دراسية
ده موقع تبع وزارة الخارجية الايطالية
فيه منح بتنزل بصفة دورية والشروط موجودة حسب كل منحة وتخصص
ودي معظمها للي معاهم شهادة جامعية
حرام خلونا قاعدين صابرين
بالعكس المنح متوفرة خصوصا لو اللي بيدعمها جامعات في الخارج او شركات عالميه
بس محتاجه انك تتوكل علي ربنا و تعرف انها رزق من الله
و تاني شئ انك تجهز نفسك
يعني ماينفعش تروح تقدم علي منحه للدراسه تخصص ما في امريكا مثلا و انت مش معاك التوفل و كل ما قدمت و انت صغير كل ما كان احسن
هههههههههههههه ياراجل ..........انت لسه ما اخدتش التطعيم ولا ايه ..........البلاده ايوه البلاده بقت هى الشعار او بمعنى اخر عشان تعيش فى البلد دى خلييييييييييييك بارد زى اللى باريدن و عيشين او حط نفسك فى تلاجه ..............او تعايش وربنا يخرجنا منها على خير..............
علشان كل الأسباب اللى حضرتك قولتها ، ولما كان مُهمة الإنسان فى الكون إعمار الأرض ، ولما كان على الإنسان السعي وليس النتائج ، وعلشان دي مرحلة بتمر بيها جميع الأمم ، وعلشان النجاح بيتعدى حدود الفرد ليشمل أرض أستُخلف فيها
فأنا قررت إني أفضل فى بلدي ، أكافح وأتعب وأستحمل ، وهتتغير بينا بإذن الله
(أنا أتفق معاك مليون فى المية إن الحال أصبح سيئ بكتيير و و و و و و ) لكن كل ده لازم يتصلح ، وبينا مش بغيرنا
كل الأمم مرت بفترات ضعف ، ومنهضتشي غير بأولادها ، اللى قرروا يكونوا عندهم رؤية كبيرة ، كبيرة بجد ، قرروا يكونوا إيجابيين بجد ، قرروا أنهم يقدروا ، قرروا إن المصير بأديهم ، عرفوا إن لكل نجاح ثمن ، وقروا يدفعوه
يقول تعالى
"إن يمسسكم قرح فقد مس القوم قرح مثله وتلك الأيام نداولها بين الناس وليعلم الله الذين آمنوا منكم ويتخذ منكم شهداء والله لا يحب الظالمين"
ويقول تعالى
"أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ"
أنا مش طير
أنا مش طير ولاعاشق لأرض الغير
تهبي ياريح وماتهشي أنا دراي هنا وعشي
ولون القمح من وشي سنابل في الوريد بتسير
وأنا مش طير ولا عاشق لأرض الغير
ولابجناحي بتغرب وساعة الجد بتهرب
أنا قلبي هنا اتشرب سنين مرة وساعة خير
وأنا مش طير ولا عاشق لأرض الغير
حرير المهد كان حجرك شربت الشهد من صدرك
وتنسيني أنا فاكرك ومن حقي عليكي أغير
صدق أو لا تصدق
مفيش حد فى الدنيا ممكن يحب مصر زى ما انا بحبها
مفيش حد ممكن يكون بيغير على مصر قدى
ولكن .......
مفيش حد نفسه يسيب مصر قدى
بجد انا نفسى مصر تختفى من حياتى - بحبها واتربيت فيها لكن فعلا اكتفيت جدا جدا جدا من نيلها
مصر اجمل بلاد الدنيا - لكن الناس اللى فيها نجحوا بمجهودتهم وتعبهم ليل نهار انهم يحولوها اقبح بقاع الدنيا
حاجة بقت اشبه للمسخ
حاجه ملهاش لون ولا طعم لكن ليها ريحه عفنه
والله بحبك يا مصر لكن ولادك (وانا من ضمنهم) بنتفنن فى اننا ندمرك
نصيحة لصاحب الموضوع أى فرصة تيجى لحضرتك اهررررررررررررررررررررررر ررررررب
أوعى تمشى مع التيار وتفكر فى الشغل والعربية والجواز - أى حد بضحكوا عليه فى البداية بالافكار ديه
اللى يقول لك اجتهد وبكره هاتشوف - احب اعرفك انك مش هاتشوف غير حلمة ودنك فى البلد ديه
الحمد لله - قدر الله وماشاء فعل
من اكثر الاسباب اللى فعلا مأثره فيه انى اتجوزت بدرى - ان حلم الهجرة بيموت يوم بعد يوم
ملحوظة على الماشى
انا متجوز وعندى طفلين - وعند أول فرصة تجى لى انى اسيب حبيبتى مصر مش هاستنى ولو حتى لحظة واحدة
الغريبة انى فعلا بدأت ازهق من كتر ما الناس بتتكلم فى الموضوع ده