خلااااااص...جبت اخري عايز اهاجر

**sas5** · 10-05-2012 05:35 PM

السلام عليكم ورحمه الله
لاتنسونى معاكم فانا قرفت من كل شى وجالى احباط من الناس
اريد ان اقضى باقى حياتى بسلام

**AboELsoud** · 10-05-2012 05:39 PM

ههههههههههههههههههههه يافندم ده موضوع معمول من 2010 و صاحبه لسه قاعد معانا :)

و الراجل كان مخنوق ايام ماكان مبارك طابق على نفسنا

انما دلوقتي لسه فيه شويه امل ( شويه كتار مش قليلين )

فان شاء الله يكون غير رأيه :)

**sas5** · 10-05-2012 05:41 PM

المشاركة الأصلية كتبت بواسطة aboelsoud

يااااااااااااااااااااااه يا جماعه الموضوع ده بقالوا 594 يوم قاعد لوحده :)

شفتوا كان حالنا عامل ازاي و كنا مخنوقين ازاي و كنا حاسين انه مفيش امل

هل الواحد فينا كان يتخيل انه ممكن تحصل ثوره و نشوف مبارك في السجن او عياله او اي حد من المسئولين
هل حد فينا كان يتخيل انه ممكن يشوف رئيس تاني غير مبارك او جمال
هل حد فينا كان حاسس انه فيه امل في المظاهرات اللي كنت بتحصل كل شويه
هل حد فيننا كان حاسس انه الشرطه ممكن يتكسر عينيها ( الفاسدين منهم بس طبعا )
هل حد فينا كان ممكن يتخيل احمد عز و زكريا عزمي بالبدله البيضاء و في البوكس

بجد بجد سبحان الله :)

ده احنا بجد لينا الجنه من اللي كان بيحصلنا

انا عارف انه برضه حال البلد دلوقتي لسه مش كويس بس اكيد في امل كبير جدااا اكبر من الي اللي كان موجود ايام مبارك ( ده لو كان فيه حد حاسس بيه اصلا )

على فكره انا كتبت على جوجل ( عايز اهاجر ) لقيت الموضوع ده تاني نتيجه على طول

شكرا خاص جدااااااااا للزميل احمد عز اللي كان فاتح الموضوع و يا ريت تدخل تقولنا اخبارك ايه دلوقتي :)

انا لم اخذ بالى فى مشاركتى السابقه من التاريخ - ولكن مازلت مصمم انه لايوجد لنا عيش فى هذه البلد حتى بعد الثوره وخصوصا بعقليه جماعه حازمون وامثالهم
والاعتصامات التى تحدث على الفاضيه والمليانه - انظروا تونس وانظروا مصر

**Ghosts** · 10-05-2012 10:39 PM

مفيش بلد فى الدنيا مفيهاش تعب ومشاكل بمعنى أنك لو خلصت من المشاكل الموجودة فى مصر هتلاقى نفسك بتتصدم فى مشاكل من نوع تانى أنت مش عامل حسابها خااااااااااالص .....

**ahmedhawas** · 10-05-2012 11:59 PM

أنا عارف إن الموضوع ده قديم.
بس المشاركة دي (رقم 58) بجد بجد (تحفة) .. الله ينور عليك يابوسامي.
للعلم تاريخها كان 05-08-2010

المشاركة الأصلية كتبت بواسطة ahmed samy

يا باشمهندس الموضوع مش اختياري بالشكل اللي بتتكلم بيه

انت في بلد بتتباع منها حتت علشان تقدر تدفع مرتبات الموظفين ...

انت في بلد عجز الموازنة فيها وصل رقم قياسي ....99 مليار جنيه و بيزيد

انت في بلد لاتحترم القوانين و لا الدستور و انت شخصيا مهدد في أي وقت بالبهدلة بدون سبب

انت في بلد مقبلة على نقطة صعبة في تاريخها وهي انتقال السلطة من رئيس يحكم باستقرار من 30 سنة ...و يعالم الأيام دي هاتعدي ازاي و لو عدت هايحصل بعدها إيه ..

انت في بلد لا تتمتع بأدنى درجة من الشفافية و ياعالم لو الناس اللي موجودة اتغيرت هانلاقي مفاجاءات إيه في انتظارنا ..

انت في بلد لا تتمتع بأي وزن اقتصادي أو عسكري أو إقليمي ...جواز سفرك مالوش تمن ولا كرامة

قريب مش هاتعرف تعيش لا أنت و لا أهلك حتى لو أغنيا ..ولو سافرت هتبقى انت مركب نجاتهم من البلد الغرقانة دي .

افتكر اني نصحتك والله نصيحة لله

الكلام ده من قبل الثورة ب 5 شهور .. أنا وقتها مكنتش بفكر في الكلام ده نهائي.
أنا بحييك على رؤيتك.